ഞാനും എന്റാളും
നടി അനന്യയുടെ സഹോദരനും ഭാര്യയും ആണ് അര്ജ്ജുനും മാധവിയും. അര്ജ്ജുന് ചില സിനിമകളില് ഒക്കെ അഭിനയിച്ചിട്ടുണ്ട്. എന്നാല് ഈ ഷോ ആരംഭിച്ചതിന് ശേഷം അര്ജ്ജുനെക്കാള് ആരാധകര് ഉള്ളത് മാധവിയ്ക്ക് ആണ്. മാധവിയുടെ നിഷ്കളങ്കതയും പൊട്ടത്തരങ്ങളും ആണ് ഏറ്റവും വലിയ ആകര്ഷണം. അങ്ങിനെ കഴിഞ്ഞ എപ്പിസോഡില് പറഞ്ഞ ചില കാര്യങ്ങളാണ് ഇപ്പോള് വൈറലാവുന്നത്.
മാധവിയും അര്ജ്ജുനും
സ്കൂള് കാലവും സുഹൃത്തുക്കളെയും ഒക്കെ കുറിച്ച് പറയുന്നതായിരുന്നു കഴിഞ്ഞ എപ്പിസോഡിലെ ടാസ്ക്. അതിനായി എല്ലാവരും സ്കൂള് യൂനിഫോമിലാണ് എത്തിയത്. അര്ജ്ജുനും മാധവിയും ഷോയില് എത്തിയപ്പോള്, എല് കെ ജി യില് പഠിയ്ക്കുന്ന കുട്ടിയെ കൂട്ടി കൊണ്ടു വന്ന അവസ്ഥ തന്നെയാണ് ഉണ്ടായത്. അത്രയും നിഷ്കളങ്കയാണ് മാധവി, ആര്ക്കും എളുപ്പം പറ്റിക്കാം എന്നും ആ ഭാഗം കാണുന്നവര്ക്ക് മനസ്സിലാവും.
മാധവിയുടെ സംസാരം
സ്കൂളില് പഠിക്കുമ്പോള് അഞ്ച് പേര് അടങ്ങുന്ന ഒരു ഗ്യാങ് ഉണ്ടായിരുന്നുവെന്ന് പറഞ്ഞ മാധവി, അവരുടെ ഓര്മകള് എല്ലാം സൂക്ഷിച്ചു വച്ച ഒരു പുസ്തകവും കൊണ്ടുവന്നിരുന്നു. ഏതോ സിനിമയില് ആരോ പറഞ്ഞത് പോലെ, 'പെട്ടന്ന് എനിക്ക് രണ്ട് പല്ല് മുളച്ചപ്പോള് അത് തേക്കാനായി എനിക്ക് അച്ഛന് ആദ്യം വാങ്ങി തന്ന ബ്രഷ് ആണിത്' എന്ന രീതിയിലാണ് പുസ്തകത്തിലെ ഓരോ കാര്യങ്ങളും മാധവി ഓര്ത്ത് പറഞ്ഞത്.
അനന്യയുടെ കമന്റ്
എന്തായാലും വീഡിയോ വൈറലായി. സീ കേരളത്തിന്റെ ഔദ്യോഗിക ഇന്സ്റ്റഗ്രാം പേജില് പങ്കുവച്ച വീഡിയോയ്ക്ക് താഴെ ഒരുപാട് കമന്റുകള് വന്നിട്ടുണ്ട്. അക്കൂട്ടത്തില് ശ്രദ്ധിയ്ക്കപ്പെട്ടത് അന്യയുടെ കമന്റ് തന്നെയാണ്. 'അയ്യോ എന്റെ മാക്കോ' എന്ന് മാത്രമേ അനന്യ എഴുതിയിട്ടുള്ളൂ, അതിലൂടെ തന്നെ മാധവി ഇങ്ങനെ തന്നെയാണ് വീട്ടിലും എന്ന് എളുപ്പം മനസ്സിലാക്കാന് സാധിയ്ക്കും. അനന്യയുടെ കമന്റിന് താഴെ മറുപടിയുമായി മാധവി എത്തിയിട്ടുണ്ട്. പറ്റിപ്പോയി ചേച്ചി എന്നാണ് മാധവിയുടെ കമന്റ്