പുതിയ പ്രമോ
ഇന്ന് (നവംബര്‍ 24) സംപ്രേക്ഷണം ചെയ്യുന്ന ഫ്‌ളവേഴ്‌സ് ഒരു കോടി ഷോയില്‍ മത്സരിക്കാനെത്തുന്ന പെണ്‍കുട്ടി പങ്കുവയ്ക്കാന്‍ പോകുന്ന കാര്യങ്ങള്‍ ഒരു മനുഷ്യനും കേള്‍ക്കാന്‍ ആഗ്രഹിക്കാത്തതാണ്. പരിപാടിയുടെ പ്രമോ വീഡിയോ പുറത്ത് വിട്ടു. സ്വന്തം ചേട്ടനും അച്ഛനും തന്നെ ലൈംഗികമായി പീഡിപ്പിച്ചിട്ടും അമ്മയില്‍ നിന്നോ നാത്തൂനില്‍ നിന്നും ഒരു സംരക്ഷണം പോലും ആ പെണ്‍കുട്ടിയ്ക്ക് കിട്ടിയില്ല എന്നാണ് പറയുന്നത്.
സുരക്ഷയില്ല
വീട്ടില്‍ ഡ്രസ്സ് മാറുമ്പോള്‍ പോലും കതക് കുറ്റിയിടാന്‍ പാടില്ല. ആ നിയമം ഉണ്ടാക്കിയത് അച്ഛനാണ്, നടപ്പിലാക്കിയത് ചേട്ടനും. ഒരിക്കല്‍ സ്‌കൂള്‍ വിട്ട് വന്ന് കതക് കുറ്റിയിട്ട് ഡ്രസ്സ് മാറുമ്പോള്‍ ഓടി വന്ന് അത് ചവിട്ടി പൊട്ടിച്ച് അകത്ത് കയറി വന്ന് എന്നെ പൊതിരെ തല്ലിയിട്ടുണ്ട്.
ചേട്ടന്റെ ഉപദ്രവം
അച്ഛനില്‍ നിന്നുള്ള ഉപദ്രവം സഹിക്കാന്‍ പറ്റാതെ ഞാന്‍ മാറി നില്‍ക്കുമായിരുന്നു. അച്ഛനെ പോലെ തന്നെ ചേട്ടനും മിഠായി തരാം എന്നൊക്കെ പറഞ്ഞാണ് എന്നെ ഉപദ്രവിച്ചത്. പക്ഷെ എന്റെ ശരീരത്ത് ചേട്ടന്‍ തൊടില്ലായിരുന്നു, എന്നെ കൊണ്ട് ചേട്ടന്റെ ശരീരത്ത് തൊടിയിപ്പിക്കുകയാണ് ചെയ്തിരുന്നത്
അറപ്പോടെ ഉമ്മ വച്ചത്
പിന്നീട് ഹോസ്റ്റലിലേക്ക് താമസം മാറിയത്രെ. ഹോസ്റ്റലില്‍ അമ്മ ഇടയ്ക്ക് കാണാന്‍ വരാറുണ്ട്. ഒരിക്കല്‍ അച്ഛനൊപ്പം വന്നു. നിങ്ങള്‍ രണ്ട് പേരും ഇങ്ങനെ മിണ്ടാതെയിരിയ്ക്കുന്നത് എനിക്ക് സഹിക്കുന്നില്ല, നീ അച്ഛന് കെട്ടി പിടിച്ച് ഒരു ഉമ്മ കൊടുത്തേ എന്ന് അമ്മ പറഞ്ഞു. അവിടെ അമ്മയെ അനുസരിക്കുക അല്ലാതെ എനിക്ക് മറ്റ് മാര്‍ഗ്ഗമില്ലായിരുന്നു. വളരെ അധികം അറപ്പോടെയും വെറുപ്പോടെയുമാണ് അച്ഛനെ ഞാനന്ന് ഉമ്മ വച്ചത്.
നാത്തൂന്‍ പറഞ്ഞത്
അച്ഛന് മരിച്ച വിവരം അറിഞ്ഞ് ഞാന്‍ വീട്ടില്‍ പോയിരുന്നു. അപ്പോള്‍ ചേട്ടന്റെ കൊച്ചിനെ ഞാന്‍ എടുത്തു. നാത്തൂന്‍ പെട്ടന്ന് വന്ന് കുഞ്ഞിനെ എന്റെ കൈയ്യില്‍ നിന്നും തട്ടി പറിച്ചു. പിറ്റേ ദിവസം എന്നോട് പറഞ്ഞു, അമ്മ സമ്മതിക്കാത്തിടത്തോളം കാലം നീ പറയുന്നത് ഒന്നും ഞാന്‍ വിശ്വസിക്കില്ല എന്ന്. ഞാന്‍ അനുഭവിച്ചത് എല്ലാം സത്യമാണ്. എനിക്ക് കള്ളം പറയേണ്ട ആവശ്യമില്ല എന്ന് പറഞ്ഞപ്പോള്‍ നാത്തൂന്‍ പറഞ്ഞു, ആണ്‍കുട്ടികളായാല്‍ ആ പ്രായത്തില്‍ അങ്ങനെയൊക്കെ തോന്നി എന്നും ചെയ്തു എന്നും ഇരിക്കും, പെണ്‍കുട്ടികള്‍ അതങ്ങ് സഹിക്കണം എന്ന്- പെണ്‍കുട്ടി പറഞ്ഞു