'ടോപ് സിംഗർ സീസൺ 2' ഒരുക്കുന്ന പാട്ടുവിസ്മയങ്ങൾക്കായി കാതോർത്ത് കേരളക്കര!

മലയാളി മിനിസ്ക്രീൻ പ്രേക്ഷകർക്കിടയിലെ സംഗീതപ്രേമികളുടെ ഇഷ്ടപരിപാടിയായിരുന്നു ടോപ്പ് സിംഗർ. ആദ്യ സീസണിൽ സീതാലക്ഷ്മി വിജയിയായതോടെ ടോപ് സിംഗർ സീസൺ 2 ഉണ്ടാകുമെന്ന് പരിപാടിയിൽ തന്നെ പ്രഖ്യാപിക്കുകയും ചെയ്തിരുന്നു. നടനും അവതാരകനുമായ രമേശ് പിഷാരടിയാണ് ടോപ് സിംഗർ ഗ്രാൻഡ് ഫിനാലേ വേദിയിൽ വെച്ച് പരിപാടിയുടെ രണ്ടാം ഭാഗത്തെ കുറിച്ച് എല്ലാവരും ചോദിക്കുന്നുണ്ടെന്നും അതുണ്ടാകുമോ എന്നും വിധികർത്താവായ എംജി ശ്രീകുമാറിനോട് ചോദിച്ചത്.

Also Read: 'ശരീരവും മനസ്സും ഞാൻ അയാൾക്ക്‌ വേണ്ടി മാറ്റിവെച്ചു'

അതുണ്ടാകുമെന്നും ചാനൽ എംഡിയായ ശ്രീകണ്ഠൻ നായർ അതുറപ്പേകിയിട്ടുണ്ടെന്നും എംജി ശ്രീകുമാർ പറഞ്ഞിരുന്നു. തുടർത്ത് രണ്ടാം സീസണിനായി ഓഡീഷൻ നടന്നെന്നും കുട്ടി ഗായകരെ തെരഞ്ഞെടുത്തുവെന്നും ശ്രീകുമാർ വ്യക്തമാക്കിയിരുന്നു. പരിപാടിയുടെ രണ്ടാം സീസണിൻ്റെ പ്രഖ്യാപനവും ഇതോടൊപ്പം നടന്നിരുന്നു. ഇപ്പോഴിതാ ഈ വീഡിയോ ചാനലിൻ്റെ സോഷ്യൽ മീഡിയ പേജിലൂടെ പുറത്ത് വിട്ടിരിക്കുകയാണ് അണിയറപ്രവർത്തകർ.

Also Read: പാടാത്ത പൈങ്കിളി താരനിരയില്‍ ചില മാറ്റങ്ങള്‍!

ഇതോടെ പരിപാടി ഉടൻ ടെലികാസ്റ്റ് തുടങ്ങുമോ എന്ന ആകാംക്ഷയിലാണ് ആരാധകരും. ടോപ് സിംഗർ ഇതിനോടകം സമ്പാദിച്ച പ്രേക്ഷകരെല്ലാം പുതിയ സീസണിലും പിന്തുണയ്ക്കുമെന്ന പ്രതീക്ഷയിലാണ് അണിയറ പ്രവർത്തകരും. സോഷ്യൽ മീഡിയയിൽ വൈറലാകന്ന വീഡിയോയ്ക്ക് കമൻ്റുകളുമായി ആരാധകരും എത്തിക്കഴിഞ്ഞു.