'റിലിക്സ്' തെറ്റിച്ച എം ജി ശ്രീകുമാറിന് പണി കൊടുത്തു മിയ കുട്ടി; വീഡിയോ കാണാം

എം ജി ശ്രീകുമാർ തന്റെ ഗുരു എന്ന് വിശേഷിപ്പിക്കുന്ന ഒരേയൊരു ഗായികയെ ഉള്ളു, അത് മറ്റാരുമല്ല ടോപ് സിങ്ങർ മത്സരാർത്ഥി മിയ. മുഴുവൻ ടീമിന്റെയും പ്രേക്ഷകരുടെയും ഒക്കെ പ്രിയങ്കരിയാണ് ഈ കുറുമ്പത്തി. ഇപ്പോഴിതാ മിയയുടെ പഴയൊരു വീഡിയോ ആണ് സോഷ്യൽ മീഡിയ ഏറ്റെടുത്തിരിക്കുന്നത്. ജഡ്‌ജും ഗായകനുമായ എം ജി ശ്രീകുമാറിന് ടോപ് സിങ്ങർ വേദിയിൽ വെച്ച് പാട്ടു പഠിപ്പിച്ചു കൊടുക്കുന്ന മിയയുടെ വീഡിയോ ആണ് ഇപ്പോൾ വൈറൽ ആകുന്നത്.

വീഡിയോയിൽ ലത മങ്കേഷ്കറുടെ എവർഗ്രീൻ ഗാനം, 'കദളി ചെങ്കദളി' പാട്ടു പാടാൻ സ്റ്റേജിൽ എത്തിയ മിയയാണ് ഇതേ ഗാനം ശ്രീകുമാറിനെക്കൊണ്ട് പാടിക്കുന്നത്. കുട്ടി പാട്ടുകാരിയെ കളിപ്പിക്കാൻ വേണ്ടി വരികൾ തെറ്റിച്ചു പാടിയ ഗായകനെകൊണ്ട് വീണ്ടും വീണ്ടും പാട്ടു പാടിക്കുന്നുണ്ട് ഈ കുട്ടിക്കുറുമ്പി. കൂടാതെ 'റിലിക്സ്' തെറ്റിച്ചതിനു നല്ല വഴക്കും കൊടുക്കുന്നുണ്ട്.

താൻ ടീച്ചർ ഒന്നുമല്ല മിയ മങ്കേഷ്കർ ആണെന്നും പറയുന്നുണ്ട് ഈ കുട്ടിത്താരം. മിയയുടെയും എംജിയുടെയും സംഭാഷണത്തിൽ കണ്ണ് തള്ളിയിരിക്കുകയാണ് വീഡിയോയിൽ മറ്റു വിധികർത്താക്കളായ ദീപക് ദേവും മധു ബാലകൃഷ്ണനും. 'അയ്യോടാ ചക്കരെ' എന്നാണ് സെലിബ്രിറ്റി ജഡ്ജ് ആയി എത്തിയ ആശാ ശരത്തിന്റെ പ്രതികരണം. എന്തായാലും മിയകുട്ടിക്കൊപ്പം കുട്ടിത്തം കളിക്കുന്ന എംജി അങ്കിൾ പ്രേക്ഷകരുടെയും പ്രിയങ്കരനാകുന്നുണ്ട്.