കല്യാണത്തിന് ഇത്രയും ആഡംബരങ്ങള്‍ വേണമായിരുന്നോ എന്ന് ചോദിച്ചവരുണ്ട്! വിമര്‍ശനങ്ങളെക്കുറിച്ച് ഗൗരി കൃഷ്ണന്‍

ടെലിവിഷന്‍ പ്രേക്ഷകര്‍ക്ക് സുപരിചിതയായി മാറിയ താരമാണ് ഗൗരി കൃഷ്ണ. പൗര്‍ണ്ണമിത്തിങ്കളിലൂടെയാണ് ഗൗരി കൂടുതല്‍ ശ്രദ്ധിക്കപ്പെട്ടത്. പരമ്പരയുടെ സംവിധായകനെയാണ് താരം വിവാഹം ചെയ്തത്. വിവാഹത്തിന്റെ ചിത്രങ്ങളും വീഡിയോയുമെല്ലാം സോഷ്യല്‍മീഡിയയിലൂടെ വൈറലായിരുന്നു. വിവാഹ സമയത്ത് ഉയര്‍ന്ന വിമര്‍ശനങ്ങളെക്കുറിച്ചുള്ള ഗൗരിയുടെ വാക്കുകള്‍ ശ്രദ്ധേയമായിക്കൊണ്ടിരിക്കുകയാണ്. ഫ്‌ളവേഴ്‌സ് ഒരുകോടിയിലേക്ക് അതിഥിയായി എത്തിയപ്പോഴായിരുന്നു ഗൗരി ഇതേക്കുറിച്ച് സംസാരിച്ചത്.
കല്യാണസമയത്ത് ഫോട്ടോഗ്രാഫര്‍മാര്‍ ചുറ്റും നിന്നതിനാല്‍ സദസില്‍ ഇരിക്കുന്നവര്‍ക്ക് കെട്ട് കാണാവുന്നുണ്ടായിരുന്നില്ല. അതുകൊണ്ടാണ് അവരോട് മാറി നില്‍ക്കാന്‍ പറഞ്ഞത്. കല്യാണപ്പന്തലില്‍ ഞാന്‍ നാണിച്ചില്ല,സംസാരിച്ചു, എല്ലാ കാര്യങ്ങളും ഞാന്‍ തന്നെ നോക്കുന്നു, ഈ പെണ്ണിനെന്താ കാരണവന്‍മാരില്ലേ എന്നൊക്കെയായിരുന്നു ചോദ്യങ്ങള്‍. അച്ഛനേയും അമ്മയേയും കടത്തിലാക്കി എന്തിനാണ് ഇത്രയധികം ആഡംബരം എന്ന് ചോദിച്ചവരുണ്ട്. ഈ വക ചോദ്യങ്ങളെല്ലാം ഉന്നയിച്ചവരില്‍ കൂടുതലും സ്ത്രീകളാണ്. എന്നാണ് ഈ നാട് നന്നാവാന്‍ പോവുന്നതെന്ന് ഞാന്‍ അപ്പോള്‍ ഓര്‍ത്തു.
ഒരാള്‍ അനുവാദം ചോദിക്കാതെ ഫോട്ടോ എടുത്തതിനെക്കുറിച്ചും ഗൗരി കൃഷ്ണ സംസാരിച്ചിരുന്നു. നിങ്ങള്‍ ഫോട്ടോ എടുക്കുകയാണോ എന്ന് ചോദിച്ചപ്പോള്‍ അയാള്‍ പിന്നെയും ക്ലിക്ക് ചെയ്യുകയായിരുന്നു. അതോടെയാണ് ഞാന്‍ ഫോണ്‍ പിടിച്ച് വാങ്ങിയത്. അയാളുടെ കൈയ്യില്‍ ചോറ്റുപാത്രം അങ്ങനെ എന്തോ ഉണ്ടായിരുന്നു. അതുവെച്ച് എന്റെ കവിളിലേക്ക് ആഞ്ഞടിക്കുകയായിരുന്നു. ലൊക്കേഷനില്‍ നിന്നുണ്ടായ മോശം അനുഭവത്തെക്കുറിച്ചും ഗൗരി സംസാരിച്ചിരുന്നു. അവര്‍ പ്രതീക്ഷിച്ച എന്തോ എന്നില്‍ നിന്നും കിട്ടാത്തത് കൊണ്ടാവാം. ആ സീരിയലിലെ ഒരു വ്യക്തി രാത്രി ഒരുമണിക്ക് എന്നെ വിളിച്ചിരുന്നു. കോസ്റ്റിയൂംസ് ഒക്കെ എടുത്തെറിഞ്ഞ സംഭവമുണ്ടായിരുന്നുവെന്നും ഗൗരി പറയുന്നുണ്ട്.