യുവത്വത്തിൻ്റെ പാട്ടുത്സവത്തിന് ഇന്ന് തുടക്കമാകുന്നു; സൂപ്പർ 4 സീസൺ ടു തിരശ്ശീല ഉയരാൻ മണിക്കൂറുകൾ മാത്രം!

മിനിസ്ക്രീനിലെ വൻഹിറ്റ് റിയാലിറ്റി ഷോകളുടെ പട്ടികയിൽ മുൻനിരയിൽ നിൽക്കുന്ന ഷോയാണ് സൂപ്പർ 4. ഈ റിയാലിറ്റി ഷോയുടെ രണ്ടാം സീസണു തുടക്കമാകുകയാണ്. ഏറെ ശ്രദ്ധയാകർഷിച്ച ഒന്നാം സീസണിന് ശേഷം, സൂപ്പർ 4 രണ്ടാം സീസൺ പാട്ടിന്റെ പാലാഴിയിൽ ആറാടിക്കാൻ പ്രേക്ഷകരിലേക്ക് എത്തുകയാണ്. ഒട്ടേറെ മാറ്റങ്ങളോടെയാണ് സൂപ്പർ 4 സീസൺ ടു ഇത്തവണ ഒരുങ്ങുന്നത്. കരിക്ക് വെബ് സീരിസിലൂടെ ശ്രദ്ധേയയായ വിദ്യയാണ് ഷോ അവതരിപ്പിക്കുന്നത്. വിദ്യക്കൊപ്പം വിജയും അവതാരകനായി ഒപ്പമുണ്ടാകും.

Also Read: മാസ്സ് ഡയലോഗുമായി മഞ്ജു വാര്യർ, വിധികർത്താക്കളായി യുവഗായകർ; സൂപ്പർ 4 ഒരുങ്ങുന്നു

സൂപ്പർ 4 സീസൺ 2 ഷോയുടെ ലോഞ്ചിങ് ചടങ്ങിൽ മഞ്ജു വാര്യരായിരുന്നു മുഖ്യാതിഥിയായി എത്തിയത്. വർണാഭമായ ചടങ്ങിൽ മഞ്ജു വാര്യർ മത്സരാർത്ഥികളെ പരിചയപ്പെടുത്തും. യുവഗായകരായ വിധു പ്രതാപ്, സിതാര കൃഷ്ണകുമാർ, ജ്യോത്സ്ന, റിമി ടോമി എന്നിവരാണ് പാട്ടുത്സവത്തിന് ജഡ്ജസായി എത്തുന്നത്. യുവത്വത്തിൻ്റെ പാട്ടുത്സവത്തിന് ഇന്ന് തുടക്കമാകുകയാണ്. ശനി, ഞായർ ദിവസങ്ങളിൽ രാത്രി എട്ടു മണിയോടെയാണ് സൂപ്പർ4 സീസൺ ടു സംപ്രേക്ഷണം ചെയ്യുന്നത്.

Also Read: വെറൈറ്റി ചോദിച്ചവര്‍ക്ക് മറുപടിയുമായി കസ്തൂരിമാന്‍ നായിക!

പരിപാടിയുടെ പ്രൊമോ വീഡിയോയിൽ കോറോണയെ പറ്റിയുള്ള മഞ്ജുവിന്റെ ഒരു മാസ്സ് ഡയലോഗ് ഏറെ വൈറലായിരുന്നു. "കൈവിട്ട കോറോണയും വാവിട്ട വൈറസും ഒരിക്കലും തിരിച്ചെടുക്കാൻ പറ്റില്ല," എന്നായിരുന്നു മഞ്ജുവിന്റെ വൈറൽ ഡയലോഗ്. ഈ സീസണിലും 16 മത്സരാർഥികളാണ് ഷോയിൽ ഉണ്ടാകുക. ടീം ലീഡർമാരായി എത്തുന്ന 4 യുവ ഗായകരിൽ ആരുടെ ടീമിൽ ചേരാണം എന്നത് മത്സരാർത്ഥികൾക്ക് തീരുമാനിക്കാനുള്ള അവസരവുമുണ്ട്.