പെറ്റ വയർ നിറയ്ക്കാൻ പ്ലാറ്റ്ഫോമിലിരുന്ന് പാടിയ ഗായികയെ മലയാളികളും ഇരു കൈ നീട്ടിയാണ് സ്വീകരിച്ചത്. കൊല്ക്കത്തയിലെ റെയില്വേ സ്റ്റേഷനിലിരുന്ന് ഗാനമാലപിക്കുന്ന റാണു മൊണ്ടാലിന്റെ വീഡിയോ നിമിഷങ്ങൾക്കുള്ളിലാണ് വൈറലായത്. ആ ഒരു ഒറ്റപ്പാട്ടാണ് റാണുവിന്റെ ജീവിതം തന്നെ മാറ്റി മറിച്ചത്. എക് പ്യാര് കാ നാഗ്മ ഹെയ് എന്ന ലതാമങ്കേഷ്ക്കറിന്റെ ഗാനവുമായാണ് അന്ന് റാണു പ്രേക്ഷകർക്ക് മുന്പിലെത്തുന്നത്. ഇന്ന് മലയാളികളുടെ ഇഷ്ട ടെലിവിഷൻ പരിപാടിയിലൂടെ മലയാളക്കരയിലേക്ക് എത്തുകയാണവർ. ഫ്ളവേഴ്സ് ടിവിയിൽ സംപ്രേക്ഷണം ചെയ്യുന്ന കോമഡി ഉത്സവ വേദിയിലേക്കാണ് ബോളിവുഡ് പിന്നണി ഗായികയായി മാറിയ റാണു എത്തുന്നത്. ചാനലിന്റെ പ്രമോ വീഡിയയ്ക്ക് മികച്ച പ്രേക്ഷക പ്രതികരണമാണ് ഇപ്പോൾ ലഭിക്കുന്നത്.
പ്ലാറ്റ്ഫോം ഗായികയിൽ നിന്നും പിന്നണി ഗായികയായി അരങ്ങേറുമ്പോൾ മികച്ച മേക്കോവർ തന്നെയാണ് ഇവർക്ക് സംഭവിച്ചിരിക്കുന്നത്. രാജ്യത്തുടനീളമുള്ള ആളുകളുടെ ആരാധനാപാത്രമായ ഇവർ ഇല്ലായ്മയിൽ നിന്ന് ഉയർന്ന് വന്ന് സ്വർണത്തൂവൽ പക്ഷിയായ് പറന്നുനടക്കുകയാണ് ഇപ്പോൾ റാണു മൊണ്ടാൽ.
പ്ലാറ്റ്ഫോം ഗായികയിൽ നിന്നും പിന്നണി ഗായികയായി അരങ്ങേറുമ്പോൾ മികച്ച മേക്കോവർ തന്നെയാണ് ഇവർക്ക് സംഭവിച്ചിരിക്കുന്നത്. രാജ്യത്തുടനീളമുള്ള ആളുകളുടെ ആരാധനാപാത്രമായ ഇവർ ഇല്ലായ്മയിൽ നിന്ന് ഉയർന്ന് വന്ന് സ്വർണത്തൂവൽ പക്ഷിയായ് പറന്നുനടക്കുകയാണ് ഇപ്പോൾ റാണു മൊണ്ടാൽ.