എനിക്ക് വിശ്വസിക്കാൻ ആകുന്നില്ല സാർ; ഹരിഹരൻ നൽകിയ 'വിലമതിക്കാനാകാത്ത സമ്മാന'ത്തെ കുറിച്ച് ജാസിം ജമാൽ!

സരിഗമപ എന്ന സംഗീത റിയാലിറ്റി ഷോ സീയുടെ ചാനലുകളിൽ പ്രേക്ഷകപ്രീതി നേടി പ്രയാണം തുടരുകയാണ്. ബോളിവുഡിനും, വിവിധ ഭാഷ സിനിമകൾക്കും ഒരു പിടി കഴിവുറ്റ ഗായകരെയും, സംഗീത സംവിധായകരെയും ഈ റിയാലിറ്റി ഷോ സംഭാവന ചെയ്തിട്ടുണ്ട്.

സീ കേരളം ചാനലിലൂടെയാണ് ഈ പരിപാടി കഴിഞ്ഞ വർഷം മലയാളത്തിൽ തുടക്കം കുറിച്ചത്. ഫിനാലെയിലേക്കു നീങ്ങുന്ന ആദ്യ എഡിഷനിൽ ഒരു പിടി മികച്ച ഗായകരെ സംഭാവന ചെയ്യാൻ സരിഗമപക്കു ആയിട്ടുണ്ട്. അതിലൊരാളാണ് ജാസിം ജമാൽ. സരിഗമപ മലയാളത്തിലെ ഫിനാലെയിൽ ജാസിമും മാറ്റുരക്കുന്നുണ്ട്. ഇപ്പോൾ ജാസിം പങ്ക് വച്ച ഒരു കുറിപ്പാണു ഏറെ ശ്രദ്ധേയം ആകുന്നത്. വികാരാധീനനായിട്ടാണ് ജാസിം കുറിപ്പ് പങ്കിട്ടത്.

ALSO READ: പ്രശ്നങ്ങൾ എല്ലാം ഇപ്പൊ ശരിയായി; അച്ഛന്റെയും അമ്മയുടെയും ചിത്രം പങ്കിട്ട് സ്വാതി
ജാസിം പാടിയ ഒരു ഗാനത്തിന് സംഗീത സംവിധായകനും ഗായകനുമായ ഹരിഹരൻ കമന്റ് പങ്ക് വച്ചിരുന്നു. പ്രശസ്തനായ അദ്ദേഹം പങ്ക് വച്ച കമന്റ് തന്റെ ജീവിതത്തിൽ ലഭിച്ച വിലമതിക്കാനാകാത്ത സമ്മാനമായിട്ടാണ് ജാസിം കാണുന്നത്. "എനിക്ക് വിശാസിക്കാൻ ആകുന്നില്ല സാർ. പാട്ടിന്റെ ഇതിഹാസം എന്റെ ഗാനത്തിന് കമന്റ് ചെയ്തിരിക്കുന്നു. ഇത് എന്നേക്കും വിലമതിക്കാൻ ആകാത്ത ഒന്നാണ്. നിങ്ങളുടെ വലിയ ഒരു ആരാധകൻ ആണ് ഞാൻ", എന്നാണ് ഹരിഹരന്റെ കമന്റിന്റെ സ്‌ക്രീൻ ഷോട്ട് സഹിതം ജാസിം പങ്കിട്ടത്.