മനോരമയിൽ റിയാലിറ്റി ഷോകൾക്ക് ഇത് കലാശക്കൊട്ടിന്റെ കാലം; എല്ലാം കോടീശ്വരന് വേണ്ടി?

റിയാലിറ്റി ഷോകൾ മാറി മാറി പരീക്ഷിക്കുന്നതാണ് ഇപ്പോൾ മലയാള ടെലിവിഷൻ മേഖലയിൽ ട്രെൻഡ്. പാട്ടിനായി മ്യൂസിക്കൽ റിയാലിറ്റി ഷോകൾ, പണക്കാരനാകാൻ മറ്റ് ചില ഷോകൾ, എന്തിന്, അമ്മയും കുഞ്ഞുങ്ങൾക്കും വരെ പ്രത്യേക റിയാലിറ്റി ഷോകൾ നടത്തി പരസ്പരം മത്സരിക്കുകയാണ് ചാനലുകൾ. അതേസമയം പ്രേക്ഷകരുടെ ചില പ്രിയപ്പെട്ട റിയാലിറ്റി ഷോകൾ അവസാനിക്കുന്നതിന്റെ നിരാശ ജനങ്ങൾക്കുണ്ട്.

ഏറ്റവും പ്രേക്ഷക പിന്തുണ നേടിയ രണ്ടു റിയാലിറ്റി ഷോകളായിരുന്നു. മനോരമയിൽ സംപ്രേക്ഷണം ചെയ്തുവന്നിരുന്ന പാടാം നമുക്ക് പാടാം, അതേപോലെ ഡി 5 ജൂനിയറും ഇവയ്ക്ക് രണ്ടും ഈ വരുന്ന ദിവസങ്ങളിൽ തിരശ്ശീല വീഴും.

പ്രേക്ഷകരെ പൊട്ടിച്ചിരിപ്പിച്ചു ജനപ്രിയ നായകൻ ജയറാമും റിമി ടോമിയും ! ഒരുമിച്ച് ഒരേവേദിയിൽ എത്തുന്നു എന്ന ക്യാപ്ഷ്യനോടെയാണ് 'പാടാം നമുക്ക് പാടാം ഗ്രാൻഡ് ഫിനാലെ' ട്രയിലർ ചാനൽ പുറത്തുവിട്ടത്. നവംബർ 4 മുതൽ 7 വരെ വൈകുന്നേരം 6 മണിക്ക് ഗ്രാൻഡ് ഫിനാലെ സംപ്രേക്ഷണം ചെയ്യുമെന്നും ചാനൽ പറയുന്നു.

മത്സരപോരാട്ടങ്ങൾക്ക് വീര്യം കൂട്ടാൻ ജനപ്രിയനായകൻ ദിലീപ് ആണ് ഡി 5 ജൂനിയർ ഗ്രാൻഡ്‌ഫിനാലേയിൽ എത്തുന്നത് . ആഘോഷത്തിമിർപ്പും മത്സരവീര്യവും നിറഞ്ഞ നിമിഷങ്ങളുമായി ഡി 5 ജൂനിയർ ശനി ഞായർ ദിവസങ്ങളിൽ രാത്രി 8 മണിക്കാകും ചാനൽ സംപ്രേഷണം ചെയ്യുക.

നിങ്ങൾക്കും ആകാം കോടീശ്വരൻ പരിപാടി നവംബർ ഒന്നിന് ആരംഭിക്കാൻ ഇരിക്കെയാണ് പ്രേക്ഷകരുടെ പ്രിയപ്പെട്ട റിയാലിറ്റി ഷോകൾ അവസാനിപ്പിക്കുന്നത്. ഇതിനെതിരെ ചില പ്രേക്ഷകർ അവരുടെ വിരോധം സോഷ്യൽ മീഡിയയിലൂടെ അറിയിക്കുന്നുണ്ട്. എന്നാൽ കോടീശ്വരന്റെ ആരാധകർ ഇപ്പോൾ ദിവസങ്ങൾ എണ്ണിയാണ് അറിവുത്സവത്തെ വരവേൽക്കാനായുള്ള കാത്തിരിപ്പിൽ തുടരുന്നത്.