പപ്പ പോയതിന് കാരണം അതായിരുന്നില്ല! മമ്മി മനസ്സ് വേദനിച്ച് പറഞ്ഞുപോയതാണ്! ക്ഷമ ചോദിക്കുന്നുവെന്ന് തിങ്കൾ ബാൽ! അരിയാഹാരം കഴിക്കുന്നവർ അത് വിശ്വസിക്കില്ലെന്ന് സോഷ്യൽ മീഡിയ

കിടിലം ഫിറോസിന്റെ കുടുംബത്തോട് ക്ഷമ ചോദിക്കുന്നു. ഇങ്ങനെയൊരു സംഭവം കണ്ടപ്പോള്‍ പപ്പയ്ക്ക് വിഷമമായിരുന്നു. അത് വെച്ച് ആരേയും കുറ്റപ്പെടുത്താന്‍ ഞങ്ങള്‍ക്ക് താല്‍പര്യമില്ല. അങ്ങനെയൊരു താല്‍പര്യമുണ്ടായിരുന്നെങ്കില്‍ നേരത്തെ ചെയ്‌തേനെ, ഈയൊരു ടൈമില്‍ മമ്മി പറഞ്ഞ കാര്യങ്ങള്‍ വേറൊരു രീതിയില്‍ ചോദ്യം ചെയ്യപ്പെടുകയായിരുന്നു. പിന്നേയും പിന്നേയും ചോദിച്ച് ഫിറോസ് അങ്ങനെ ചെയ്തതുകൊണ്ടാണ് പപ്പ പോയത് എന്ന് പറയുന്നൊരു രീതിയിലാണ് അഭിമുഖം കാണുന്നത്.

അതിനോട് ഞാനൊരിക്കലും യോജിക്കില്ല. അമ്മയുടെ പേരില്‍ ഞാന്‍ ക്ഷമ ചോദിക്കുന്നു. ഡിംപലിന്റെ സപ്പോര്‍ട്ടേഴ്‌സിനോടല്ല കിടിലം ഫിറോസിന്റെ കുടുംബത്തോടാണ്. ഞങ്ങള്‍ കാരണം നിങ്ങള്‍ക്കൊരു പ്രശ്‌നം വരാന്‍ പാടില്ല. ടാസ്‌ക്കിനിടയില്‍ ചില കാര്യങ്ങള്‍ അവിടെ നടന്നു. അത് ഞങ്ങളും ഡിംപിളുമൊക്കെ ക്ഷമിച്ച കാര്യമാണ്. അത് ഇപ്പോള്‍ വീണ്ടും ചര്‍ച്ചയായിരിക്കുകയാണ്. മമ്മിയുടെ അഭിമുഖം പുറത്ത് വന്നതോടെയാണ് അക്കാര്യം വീണ്ടും ചര്‍ച്ചയായത്.

അത് പറഞ്ഞ രീതി വല്ലാതെ മോശമായിപ്പോയി, അതുകൊണ്ട് ഞാന്‍ ഹൃദയം കൊണ്ട് മാപ്പ് പറയുന്നു. കിടിലം ഫിറോസിന്റെ കുടുംബത്തോടും അദ്ദേഹത്തെ പിന്തുണയ്ക്കുന്നവരോടും ക്ഷമ ചോദിക്കുന്നു. പപ്പ പോയെന്നറിഞ്ഞപ്പോള്‍ അദ്ദേഹം കരഞ്ഞതൊക്കെ നമ്മള്‍ കണ്ടതാണ്. ഫിറോസിന്റെ കുടുംബത്തെ ഒന്നും പറയരുത്. പുറത്തുള്ളത് 2 പെണ്‍കുട്ടികളാണ്. ആരും അവരെ വിമര്‍ശിക്കരുത്. ആ കുടുംബത്തെ ക്രൂശിക്കരുത്. ആ വീഡിയോ ഡിലീറ്റായിട്ടുണ്ടെന്നും തിങ്കള്‍ പറയുന്നു.

മമ്മി മനസ്സ് വേദനിച്ച് കുറച്ച് കാര്യങ്ങള്‍ പറഞ്ഞു. പപ്പ പോവേണ്ട സമയമായിപ്പോയി. അതിനുള്ള സമയമായിരുന്നു. അതില്‍ ആരേയും ഞങ്ങള്‍ കുറ്റപ്പെടുത്തുന്നില്ല. ഇങ്ങനെയൊരു അഭിമുഖത്തെക്കുറിച്ച് ഞാന്‍ അറിഞ്ഞതേയില്ല. ഒരാളെക്കുറിച്ചും ഞാന്‍ മോശം പോസ്റ്റിട്ടിട്ടില്ല. ഇനി ഇടുകയുമില്ല. അമ്മയുടെ വീഡിയോ കണ്ട് വേദനിച്ചവരോട് സോറി. മമ്മി ആ ഒരു അര്‍ത്ഥത്തിലല്ല പറഞ്ഞതെന്നും തിങ്കൾ ബാൽ പറയുന്നു.