ശബരിമല വിവാദ സമയത്ത്
പറയാം നേടാം എന്ന ഷോയില്‍ പങ്കെടുക്കവെയാണ് അവതരിപ്പിച്ച ഒരു സ്‌കിറ്റിന്റെ പേരില്‍ താന്‍ വിവാദത്തില്‍ പെട്ടു എന്ന് മഞ്ജു വെളിപ്പെടുത്തിയത്. ശബരി മലയില്‍ സ്ത്രീകള്‍ പ്രവേശിക്കുന്നതുമായി ബന്ധപ്പട്ട വാര്‍ത്ത സജീവമായി നില്‍ക്കുന്ന സമയത്തായിരുന്നു ആ സ്‌കിറ്റ്.
സ്‌കിറ്റിലെ വിഷയം
എനിക്ക് ആ പുള്ളിക്കാരനെ ഒന്ന് കാണാന്‍ പോകണം, ആരെ എന്ന് ചോദിക്കുമ്പോള്‍ പതിനെട്ടാം പടിയ്ക്ക് മുകളില്‍ ആരോ ഉണ്ട് എന്ന് പറഞ്ഞില്ലേ, ആ പുള്ളിക്കാരനെ. എന്നിട്ട് കൂടെ നിന്ന് സെല്‍ഫി എടുത്ത് വൈറലാവണം എന്നൊക്കെ പറയുന്ന ഒരുതരം കഥാപാത്രത്തെയാണ് ഞാന്‍ ആ സ്‌കിറ്റില്‍ അവതരിപ്പിച്ചത്. അവതരിപ്പിയ്ക്കുമ്പോള്‍ പ്രത്യേകിച്ച് പ്രശ്‌നം ഒന്നും ഉണ്ടായിരുന്നില്ല. കൂടുതല്‍ പൊലിപ്പിക്കാന്‍ പലതും പറഞ്ഞിരുന്നു.
അമ്പലത്തില്‍ പോയപ്പോള്‍
എന്നാല്‍ അതിന് ശേഷം അമ്പലത്തില്‍ പോയപ്പോഴാണ് ശരിയ്ക്കും എന്താണ് സംഭവിച്ചത് എന്ന് മനസ്സിലായത്. ഞാന്‍ തൊഴുതു കൊണ്ടിരിയ്ക്കുമ്പോള്‍ പിന്നിലൂടെ വന്ന ഒരു അമ്മച്ചി എന്നെ പിച്ചുകയും അടിയ്ക്കുകയും ചെയ്തു. നീ ശബരിമലയില്‍ കയറും അല്ലേടീ എന്ന് ചോദിച്ചുകൊണ്ട് എന്നെ കുറേ തെറി വിളിച്ചു. അല്ല ഞാന്‍ അഭിനയിക്കുകയായിരുന്നു എന്ന് പറഞ്ഞിട്ടൊന്നും അവര്‍ കേള്‍ക്കുന്നുണ്ടായിരുന്നില്ല. അതൊരു വല്ലാത്ത അനുഭവമായിരുന്നു
ഞാന്‍ വിശ്വാസിയാണ്
എന്നാല്‍ ഞാന്‍ ശരിയ്ക്കുമൊരു വിശ്വാസിയാണ് എന്ന് മഞ്ജു പറയുന്നു, അമ്പലവാസിയായിരുന്നു എന്ന് തന്നെ പറയാം. പോവാന്‍ പറ്റുന്ന സമയങ്ങളിലൊക്കെ അമ്പലത്തില്‍ പോകറുണ്ട്. ശബരിമലയില്‍ പോകുന്നതിനോട് വ്യക്തിപരമായി എനിക്കും യോജിക്കാന്‍ കഴിയില്ല - മഞ്ജു പറഞ്ഞു
