മരിക്കുന്നത് വരെ നന്നായി നോക്കി! അമ്മയെക്കുറിച്ച് പറഞ്ഞ് വികാരഭരിതനായി എംജി ശ്രീകുമാര്‍

മലയാളികള്‍ക്ക്് ഏറെ പ്രിയങ്കരനായി ഗായകനാണ് എംജി ശ്രീകുമാര്‍. പാട്ടിന് പുറമെ ചാനല്‍ പരിപാടികളിലും സജീവമാണ് അദ്ദേഹം. ടോപ് സിംഗറിന്റെ പ്രധാന വിധികര്‍ത്താക്കളിലൊരാളാണ് എംജി. കുരുന്ന് ഗായകരോടുള്ള എംജിയുടെ ഇടപെടല്‍ മികച്ചതാണെന്നാണ് പ്രേക്ഷകര്‍ പറയുന്നത്. സോഷ്യല്‍മീഡിയയില്‍ സജീവമായ എംജിയും ടോപ് സിംഗര്‍ വിശേഷങ്ങള്‍ പങ്കിട്ട് എത്താറുണ്ട്. ഇപ്പോഴിതാ പാട്ടിനിടെ അമ്മയെക്കുറിച്ച് പറഞ്ഞ് വികാരഭരിതനാവുകയാണ് എംജി ശ്രീകുമാര്‍. അമ്മയെക്കുറിച്ച് മത്സരാര്‍ത്ഥി പാടിയപ്പോഴായിരുന്നു അദ്ദേഹം അമ്മയെക്കുറിച്ച് വാചാലനായത്. പറഞ്ഞാലും പറഞ്ഞാലും തീരാത്ത ഒരുപാട് കാര്യങ്ങളുണ്ട് അമ്മയെക്കുറിച്ച്. ജന്മം തന്ന അമ്മയ്ക്ക് ഒരുപാട് നന്ദി. എന്റെ ജീവിതത്തില്‍ ഞാന്‍ ചെയ്‌തൊരു നന്മ എന്ന് പറയുന്നത് മരിക്കുന്നത് വരെ ഞാന്‍ അമ്മയെ നന്നായിട്ട് നോക്കി എന്ന് പറഞ്ഞ് വികാരഭരിതനാവുകയായിരുന്നു എംജി ശ്രീകുമാര്‍. ലേഖയ്ക്കും അമ്മയ്‌ക്കൊപ്പമുള്ള ചിത്രങ്ങള്‍ എല്‍ഇഡി വാളില്‍ കാണിച്ചിരുന്നു.
സംഗീത കുടുംബത്തില്‍ ജനിച്ച എംജി ശ്രീകുമാര്‍ കുട്ടിക്കാലത്തെ തന്നെ പാട്ടില്‍ താല്‍പര്യം പ്രകടിപ്പിച്ചിരുന്നു. ചേട്ടനൊപ്പമായി കച്ചേരികളിലും അദ്ദേഹം പങ്കെടുക്കാറുണ്ടായിരുന്നു. ബാങ്ക് ജോലി കിട്ടിയപ്പോഴും എംജി സംഗീതത്തെ കൂടെക്കൂട്ടിയിരുന്നു. മോഹന്‍ലാലിനായി പാടിയതോടെയാണ് എംജിയുടെ കരിയര്‍ മാറിമറിഞ്ഞത്. അടുത്ത സുഹൃത്തുക്കളായ ഇവരുടെ കൂട്ടുകെട്ട് ആരാധകര്‍ക്ക് ഏറെ പ്രിയപ്പെട്ടതാണ്. കോളേജ് കാലം മുതലുള്ള സൗഹൃദം ഇരുവരും ഇപ്പോഴും തുടരുന്നുണ്ട്.
എംജി ശ്രീകുമാറിന്റെ ഭാര്യയായ ലേഖയും പ്രേക്ഷകര്‍ക്ക് പരിചിതയാണ്. അടുത്ത സുഹൃത്തുക്കളായ ഇരുവരും പിന്നീട് പ്രണയത്തിലായി മാറുകയായിരുന്നു. വര്‍ഷങ്ങളോളം ലിവിങ് റ്റുഗദര്‍ ജീവിതം നയിച്ചതിന് ശേഷമായാണ് ഇരുവരും വിവാഹിതരായത്. പോവുന്ന സ്ഥലങ്ങളിലെല്ലാം ഭാര്യയെ കൂടെക്കൂട്ടുന്നതിനെക്കുറിച്ച് ചോദിച്ചവര്‍ക്ക് കൃത്യമായ മറുപടി എംജി നല്‍കിയിരുന്നു. യൂട്യൂബ് ചാനലിലൂടെയായി ലേഖയും വിശേഷങ്ങള്‍ പങ്കുവെക്കാറുണ്ട്. ടോപ് സിംഗറിലേക്ക് ഇടയ്ക്ക് ലേഖയും അതിഥിയായി എത്തിയിരുന്നു.