കാത്തിരുന്ന പെണ്ണല്ലേ! കാലം ഏറെ ആയെന്ന് ഫൈസി; സ്റ്റാർ സിംഗർ ഫെയിം ശിഖയെ ഫൈസല്‍ ജീവിത സഖിയാക്കും!

ഐഡിയ സ്റ്റാര്‍ സിംഗർ റിയാലിറ്റി ഷോയിലൂടെ പേക്ഷക ഹൃദയങ്ങളിൽ ശിഖ എന്ന ഗായികയുണ്ടാകും. അതേ പോലെത്തന്നെ ഞാനും ഞാനുമെന്റാളും എന്ന സൂപ്പർഹിറ്റ് ഗാനം കേരളക്കരയ്ക്ക് സമ്മാനിച്ച ഗാനത്തിന്റെ സംഗീത സംവിധായകനും പിന്നണി ഗായകനുമായ ഫൈസല്‍ റാസിയും, സംഗീത പ്രേമികളുടെ മനസ്സിൽ ഇന്നും ഒരു തരംഗം തന്നെയാണ്. അപ്പോൾ ഇരുവരും ജീവിതത്തിലും ഒന്നിച്ചാലോ. സംഗീതത്തിന് മതമോ മറ്റു പ്രശ്ങ്ങളോ ഒന്നും ഇല്ലെന്നു ബോധ്യപ്പെടുത്തുകയാണ് ഈ യുവ പ്രതിഭകൾ.

അഞ്ചു വർഷത്തെ പ്രണയത്തിനു ഒടുവിലാണ് ഇരുവരും ജീവിതത്തിൽ കൈകോർക്കുന്നത്. മഹാരാജാസിൽ വച്ചുള്ള സൗഹൃദമാണ് പീന്നീട് പ്രണയത്തിലേക്കും ഇപ്പോൾ വിവാഹം വരെയും എത്തിനിൽക്കുന്നത്.

നവംബര്‍ 23 നാണു വിവാഹം. 24 ന് കൊച്ചിയിലെ എടശ്ശേരി റിസോര്‍ട്ടില്‍ റിസെപ്ഷനും ഉണ്ടാകും തങ്ങളുടെ വിവാഹ വാർത്ത ഇൻസ്റ്റഗ്രാമിലൂടെയാണ് കഴിഞ്ഞ ദിവസം ഇരുവരും പുറത്തുവിട്ടത്.

ഈ നിമിഷത്തേക്കാൾ കൂടുതൽ ഒന്നും ഞങ്ങൾ ഞങ്ങൾ ആഗ്രഹിക്കുന്നില്ല.
സന്തോഷകരമായ മുഖത്തോടെ നീ എന്റെ അരികിൽ. മൈ ബെസ്റ്റ് ബഡ്ഡി. എന്റെ ബെറ്റർ ഹാഫ് എക്കാലത്തെയും എന്റെ പ്രചോദനം . നീ എന്നും .എപ്പോഴും എനിക്കായി ഉണ്ടായിരുന്നു. ഇതിനായിട്ടാണ് നമ്മൾ ഇത്രകാലം കാത്തിരുന്നത്. ഞങ്ങൾ ഇവിടെയുണ്ട്. എല്ലാവർക്കും നന്ദി ഞങ്ങളുടെ കുടുംബത്തിനും, സുഹൃത്തുക്കൾക്കും , ശത്രുക്കൾക്കും, ഞങ്ങളെ ഹൃദയത്തിൽ വഹിക്കുന്ന എല്ലാവർക്കും നന്ദി എന്നാണ് ഫൈസി ഇൻസ്റ്റയിൽ കുറിച്ചത്.

പൂമരം എന്ന ഒരൊറ്റ പാട്ടാണ് ഫൈസലിന്റെ ജീവിതം തന്നെ മാറ്റി മറിച്ചത്. കാളിദാസ് ജയറാം ആയിരുന്നു ചിത്രത്തിലെ നായകൻ.