മുംബൈയില് നിന്ന് തുടങ്ങിയ യാത്ര
കുറച്ച് വര്ഷങ്ങള്ക്ക് മുന്പാണ് സംഭവം. അന്ന് എനിക്കൊരു തുണി കട ഉണ്ടായിരുന്നു. കടയിലേക്ക് ആവശ്യമുള്ള സാധനങ്ങള് എടുക്കാനായി ഞാനും ബഷീര് ഇക്കയും ഒരുമിച്ചാണ് പോകുന്നത്. സാധനങ്ങള് എല്ലാം വാങ്ങി മുംബൈയില് നിന്ന് ഹൈദരബാദിലേക്ക് വരുന്ന വഴിയാണ് ഞങ്ങള്. ട്രെയിന് ടിക്കറ്റ് എല്ലാം എടുത്താണ് ഞങ്ങള് കയറിയത്.
ഭീഷണിയുമായി അവര്
ഞങ്ങള് കയറുമ്പോള് അവിടെ ആരും ഉണ്ടായിരുന്നില്ല. കുറച്ച് നേരം കഴിഞ്ഞപ്പോള് ചിലര് അങ്ങോട്ട് വന്നു. നിങ്ങള് എന്താണ് ഇവിടെ ഇരിയ്ക്കുന്നത് എന്ന് ചോദിച്ച് പ്രശ്നമുണ്ടാക്കി. ഞങ്ങള് ടിക്കറ്റ് ബുക്ക് ചെയ്തതാണ് പിന്നെ എന്താണ് ഇവിടെ ഇരുന്നാല് പ്രശ്നം എന്ന് ചോദിച്ച് ഞാനും സംസാരിച്ചു. കുറച്ച് കഴിഞ്ഞപ്പോള് അയാളുടെ സ്വരം മാറി. ഇവിടെ നിങ്ങള്ക്ക് ഇരിക്കാന് പറ്റില്ല, ഈ ബോഗിയില് യാത്ര തുടര്ന്നാല് എത്തേണ്ടിടത്ത് ജീവനോടെ എത്തില്ല എന്നൊക്കെ പറഞ്ഞു.
അന്വേഷിച്ചപ്പോള്
പെട്ടന്ന് അങ്ങനെയൊക്കെ കേട്ടപ്പോള് ഞങ്ങള് ഒന്ന് പതറിയെങ്കിലും, പേടിപ്പിക്കാനാവും എന്ന് കരുതി മാറാന് ഞങ്ങള് തയ്യാറായില്ല. ആ ബോഗിയില് മറ്റാരുമില്ല, ടിടിആറും വരുന്നില്ല. അപ്പോള് ബഷീറിക്ക അപ്പുറത്തെ ബോഗിയില് പോയി കാര്യം അന്വേഷിച്ചു. പെട്ടന്ന് തിരിച്ചുവന്ന് എന്നെയും കൂട്ടി അടുത്ത ബോഗിയിലേക്ക് പോയി.
അവര് കൊല്ലും
എന്താണ് സംഭവം എന്ന് ചോദിച്ചപ്പോള്, ബഷീര് ഇക്ക കാര്യം പറഞ്ഞു. അടുത്ത സ്റ്റേഷനില് നിന്ന് ആ ബോഗിയില് ഒരു ഗ്യാങ് കയറും. അത് അവര് സ്ഥിരമായി ഇരിക്കുന്ന ബോഗിയാണ്. അതില് കയറുന്നവരെ അവര് ട്രെയനില് നിന്നും തള്ളി താഴെയിട്ട് കൊല്ലും. അങ്ങനെയുള്ള സംഭവങ്ങള് അവിടെ ഉണ്ടായിട്ടുണ്ട് എന്ന്. അവരെ എല്ലാവര്ക്കും പേടിയാണ്.
ഇപ്പോഴും വിറക്കുന്നു
ആ സംഭവം ഓര്ക്കുമ്പോള് ഇപ്പോഴും എനിക്ക് ശരീരം വിറക്കുന്നു. അന്ന് ഞങ്ങള് മാറി കയറിയ ബോഗിയില് നില്ക്കാന് പോലും സ്ഥലം ഉണ്ടായിരുന്നില്ല. ഒരു രാത്രി മുഴുവന് ട്രെയിനില് നിന്നുകൊണ്ട് ആണ് ഞങ്ങള് യാത്ര ചെയ്തത്- റീന ബഷീര് പറഞ്ഞു.