പാട്ടും പാടി കല്യാണ മണ്ഡപത്തിലേക്ക് ലിബിനും അല്‍ഫോണ്‍സയും; വീഡിയോ

സരിഗമപ എന്ന സംഗീത റിയാലിറ്റി ഷോയിലൂടെ ലിബിന്‍ സഖറിയ തന്റേതാക്കിയത് ഒന്നാം സ്ഥാനം മാത്രമല്ല, മലയാളികളുടെ ഹൃദയം കൂടിയാണ്. ഷോയിലെ ഏറ്റവും ജനപ്രീതിയുള്ള മത്സരാര്‍ത്ഥികളിലൊരാളായിരുന്നു ലിബിന്‍ എന്ന് നിസ്സംശയം പറയാം. ജീവിതത്തില്‍ പുതിയൊരു അധ്യായത്തിലേക്ക് കടക്കുകയാണ് ലിബിന്‍. സരിഗമപ തന്നെ ജീവിതത്തിലേക്ക് കൊണ്ടു വന്ന അല്‍ഫോണ്‍സ തെരേസയാണ് ലിബിന്‍റെ വധു. ഹൈക്കോടതിയിൽ ഉദ്യോഗസ്ഥ ആണ് തെരേസ.

Also Read: സരിഗമപയിൽ തുടങ്ങിയ പ്രണയം; വീട്ടുകാർ ലോക്കിട്ടു; വിവാഹ വിശേഷങ്ങളുമായി ലിബിൻ!

നവംബര്‍ 19നാണ് ലിബിനും അല്‍ഫോണ്‍സയും തമ്മിലുള്ള മനസമ്മതം, പിന്നീട് 22ന് വിവാഹവും നടക്കും. കഴിഞ്ഞ ദിവസം ലിബിന്‍ തന്റെ കൂട്ടുകാരിയെ കുറിച്ചും പ്രണയത്തെ കുറിച്ചുമെല്ലാം മനസ് തുറന്നിരുന്നു. ഇപ്പോഴിതാ ലിബിന്‍ സ്വന്തമായി കമ്പോസ് ചെയ്ത മൂസ്യിക് ആല്‍ബം പുറത്ത് വന്നിരിക്കുകയാണ്. സേവ് ദ ഡേറ്റുമായി ബന്ധപ്പെട്ടാണ് മനോഹരമായ ഈ വീഡിയോ ഒരുക്കിയിരിക്കുന്നത്. വിവാഹത്തെ കുറിച്ച് ലിബിന്‍ സമയം മലയാളത്തോട് പറഞ്ഞത് ഇങ്ങനെ,

Also Read: മോഹന്‍ലാലും മമ്മൂട്ടിയും മലയാളത്തിലെ സൂപ്പര്‍ സ്റ്റാറുകളാണെന്ന് തനിക്ക് തോന്നിയിട്ടില്ലെന്ന് ഷമ്മി തിലകന്‍

ആശംസകൾ അറിയിക്കാൻ ആയിട്ടാണ് ഞങ്ങൾ പരസ്പരം കോണ്ടാക്റ്റ് ചെയ്യുന്നത്. പിന്നെ പയ്യെ പയ്യെ സൗഹൃദം ആവുകയും, പിന്നീട് പ്രണയത്തിലേക്ക് കടക്കുകയും ആയിരുന്നു. അപ്പോൾ തന്നെ ഇഷ്ടത്തെ കുറിച്ച് വീട്ടിൽ പറഞ്ഞിരുന്നു. അങ്ങനെ ഇരുവീട്ടുകാരും തമ്മിൽ സംസാരിച്ചു ഉറപ്പിക്കുക ആയിരുന്നു. അതിന്റെ ഇടയിൽ ആണ് അവൾക്ക് ഹൈക്കോടതിയിൽ ജോലി കിട്ടിയത്. അങ്ങനെ രണ്ടുപേരുടെയും ജോലിയുടെ ഭാഗം ആയി എറണാകുളത്തു ഒരുമിച്ചു നിൽക്കാമല്ലോ എന്ന് കരുതിയാണ് പെട്ടെന്ന് വിവാഹം കഴിക്കാൻ തീരുമാനിക്കുന്നത്.



ചിത്രങ്ങള്‍: ലിബിന്‍ സഖറിയയുടെ ഇന്‍സ്റ്റഗ്രാം പേജ്