എന്റെ മോൻ! എന്റെ ശ്രീക്കുട്ടൻ; ഞാൻ എന്റെ പേരുതന്നെ നിന്നെ വിളിക്കട്ടെ! എം ജിയുടെ വാക്കുകൾ വൈറൽ!

കുട്ടികളുടെ റിയാലിറ്റി ഷോകളോട് മിനി സ്‌ക്രീൻ പ്രേക്ഷകർക്ക് ഒരു പ്രത്യേക ഇഷ്ട്ടമാണുള്ളത്. പ്രത്യേകിച്ചും ടോപ് സിംഗറിലെ കുട്ടി താരങ്ങളോട്. ഇപ്പോൾ ടോപ് സിംഗർ വേദിയിൽ ഉണ്ടായ മനോഹരമായ നിമിഷം ഏറ്റെടുത്തിരിക്കുകയാണ് ആരാധകർ. ടോപ് സിംഗറിലെ കുട്ടി പാട്ടുകാരനായ തേജസിൻറെ മനോഹരമായ പാട്ടിനെ പറ്റിയുള്ള വർണ്ണനയിലാണ് ജഡ്ജസായ എം ജി ശ്രീകുമാർ ജയചന്ദ്രൻ, അനുരാധ തുടങ്ങിയവർ.

തേജസ്സിന്റെ ആലാപന മികവ് കേട്ട എംജി ശ്രീകുമാർ വേദിയിൽ എത്തിയിട്ടാണ് തേജസ്സിനെ അഭിനന്ദിക്കുന്നത്. കോട്ടയം കുഞ്ഞച്ചൻ എന്ന സിനിമയിലെ ഹൃദയവനിയിലെ ഗായികയോ
യവനകഥയിലെ നായികയോ എന്ന് യേശുദാസ് ആലപിച്ച ഗാനമാണ് തേജസ്സ് വേദിയിൽ ആലപിച്ചത്.

"ഒരു സത്യം ഞാൻ തുറന്നു പറയാം എനിക്ക് ഒട്ടും പറ്റില്ല. ഒരു രണ്ടുമാസം കുത്തി ഇരുന്നു പഠിച്ചാലും എനിക്ക് തേജസ് പാടിയ പോലെ പാടാൻ ആയി സാധിക്കില്ല. അതും ഇത്രയും പെർഫെക്ട് ആയിട്ട് പാടാൻ ഒരിക്കലും സാധിക്കില്ല. പക്ഷെ എന്റെ മോൻ എന്റെ തേജൂട്ടൻ, എന്റെ ചക്കരകുട്ടൻ അത് പാടി തകർത്തിട്ടുണ്ട്. ഞാൻ എന്റെ പേര് തന്നെ വിളിക്കട്ടെ, എന്റെ ശ്രീക്കുട്ടൻ നന്നായി പാടി മോനെ നീ. "

" അവൻ അങ്ങ് നിറച്ചു പാൽ പായസം പോലെ, ത്രി മധുരം പോലെ, അമ്ബലപ്പുഴ പാൽ പായസം പോലെ കുമ്പ നിറച്ചു നീ തന്നു. അസാധ്യമായി മോനെ. ഇതങ്ങനെ ആർക്കും വന്നു കയറി നിന്ന് പാടാൻ പറ്റുന്ന ഒരു പാട്ടല്ല. പക്ഷേ നീ അത് തകർത്ത് കളഞ്ഞു മോനേ. അത് പറയാതിരിക്കാൻ ആകില്ല. നീ ഒരു ഫന്റാസ്റ്റിക് സിംഗർ ആണ്" എം ജിയുടെ വാക്കുകൾ ഹർഷാരവത്തോടെയാണ് പ്രേക്ഷകർ എതിരേറ്റത്. ഒപ്പം ഈ വീഡിയോയ്ക്കും മികച്ച പ്രതികരണമാണ് ഇപ്പോൾ സോഷ്യൽ മീഡിയ വഴി ലഭിച്ചു കൊണ്ടിരിക്കുന്നത്.

ടോപ് സിംഗർ ചരിത്രത്തിലെ ഒരപൂർവ സുന്ദര നിമിഷം.തേജസ്സെന്ന ജീനിയസ്സിന്റെ അതിഗംഭീര അത്ഭുതപ്രകടനം.എത്ര മനോഹരമായ ആലാപനം..? മനോഹരമെന്ന വാക്കിന് തന്നെ പുതിയ ഭംഗി കൈവന്ന മാന്ത്രിക ആലാപനം.തേജസ് ഒരു ഹൃദയവനിയിലെ ഗായകൻ തന്നെയാ.മനസ്സിന്റെ താഴ്വരകളെ കുളിരണിയിച്ചു സംഗീതമഴ പെയ്യിച്ച മാന്ത്രിക ഗായകൻ. അത്യുന്നത ഗ്രേഡ് ഗോൾഡൻ ക്രൗൺ തന്നെ നൽകി അനുമോദിച്ചതു ഉചിതമായി.മോൻ പാടിയ ഓരോ നിമിഷവും അതിൽ ലയിച്ചു സ്വയം അലിഞ്ഞില്ലാതാവുകയായിരുന്നു. ഇപ്പോഴും മനസ്സിൽ അലയടിക്കുന്നു എന്നാണ് തേജസ്സിന്റെ പാട്ടിനോട് പ്രേക്ഷകർ പ്രതികരിക്കുന്നത്.