'കുറുക്കൻ വന്നാലും കൊറോണവന്നാലും ഞങ്ങൾ ബഡായി അച്ഛന്റേം മോൾടേം മുന്നിൽ വേറെ ഒരാളുണ്ടാവും'

ഒരുപിടി സൂപ്പർഹിറ്റ് ഗാനങ്ങളിലൂടെ മലയാളികളുടെ പ്രിയപ്പെട്ട ഗായികയായി മാറിയ കലാകാരിയാണ് സിത്താര കൃഷ്‍ണകുമാര്‍. സോഷ്യൽ മീഡിയയിൽ സജീവമായ താരം പങ്കിടുന്ന പോസ്റ്റുകൾ ഏറെ വൈറലാണ്. ഇപ്പോൾ അച്ഛൻ കൃഷ്ണൻകുമാറിന്റെ വാത്സല്യത്തെക്കുറിച്ചാണ് താരം സംസാരിക്കുന്നത്. കുറിപ്പിനൊപ്പം പങ്കിട്ട വീഡിയോയും സിത്താരയുടെ അച്ഛന്റെ ശബ്ദ സന്ദേശവും വൈറലായിട്ടുണ്ട്.

എന്റെ ഓർമയിൽ ഇത്രയും ഈസി ആയി എനിക്ക് കാര്യങ്ങൾ സംസാരിക്കാവുന്ന വേറെ ഒരാളില്ല അച്ഛനെപ്പോലെ ! ചോദ്യങ്ങൾകൊണ്ട്, അനാവശ്യ സംശയങ്ങൾകൊണ്ട്, ഉപദേശങ്ങൾ കൊണ്ട് ഒരാളെയും അച്ഛൻ അലോസരപ്പെടുത്തുന്നത് ഇന്നേവരെ കണ്ടിട്ടില്ല എന്ന് പറഞ്ഞുകൊണ്ടാണ് പോസ്റ്റ് ആരംഭിക്കുന്നത്.

ALSO READ: ഇത്രയും നാൾ ഞങ്ങളെ കാത്തു രക്ഷിച്ച ദൈവത്തിനു നന്ദി;ഞങ്ങളുടേത് ഒരു നക്ഷത്രം!

"അതിപ്പോ മുത്തശ്ശന്മാരോടായാലും, ഇത്തിരിക്കുഞ്ഞന്മാരോടായാലും ഒരേ സ്നേഹം ഒരേ ബഹുമാനം. പണ്ട് ഒരു പാടത്തിന്റെ അടുത്തായിട്ടായിരുന്നു ഞങ്ങളുടെ വീട്, അന്ന് എപ്പോളും എന്റെ പേടിയായിരുന്നു കുറുക്കന്മാര് പിടിക്കാൻ വരുമോ എന്ന് !!! അന്ന് അച്ഛൻ എപ്പോഴും പറയും കുറുക്കന്മാര് വന്നാൽ അച്ഛൻ വാലിൽ പിടിച്ചു ദൂരെ കളയില്ലേ, എന്നിട്ട് അച്ഛന്റെ കുഞ്ഞാവേനേം എടുത്ത് നടക്കില്ലെ?? അതുകേട്ട് ഞെളിഞ്ഞു കിടന്നുറങ്ങും ഞാൻ !! അന്നത്തെ അതെ ആവേശത്തിലാണ് അച്ഛന്റെ ഈ വോയിസ്‌ നോട്ട് കേട്ട് ഇന്നലെ ഉറങ്ങീത് !! Go Corona Go !!!" എന്നും സിത്താര കുറിപ്പിലൂടെ പറയുന്നു.

ALSO READ: ലോക്ക് ഡൗൺ ഫോട്ടോഷൂട്ടുമായി ശ്രുതി മേനോന്‍; ഇൻസ്റ്റ ചിത്രങ്ങൾ വൈറൽ

"ഇനി സത്യാവസ്ഥ പറയാം !!!കുരുക്കാനായാലും കോറോണയായാലും ശെരിക്കും മുന്നിൽ വന്നുപെട്ടാൽ, ഞങ്ങൾ ബഡായി അച്ഛന്റേം മോൾടേം മുന്നിൽ വേറെ ഒരാളുണ്ടാവും! അമ്മ ! അമ്മേടെ അടുത്തൂന്ന് ഞങ്ങളെ പിടിച്ചു കൊണ്ടോവാൻ ആർക്കാണ് ധൈര്യം !! വാ കൊറോണ വാ, എന്നിട്ട് ഗോ.എന്ന് പറഞ്ഞുകൊണ്ടാണ് താരം കുറിപ്പ് അവസാനിപ്പിക്കുന്നത്.

വീഡിയോ!