"ഒന്നും സംഭവിച്ചില്ല, എല്ലാം അടിപൊളിയാണ്," എന്ന് പറഞ്ഞുകൂടെ നിന്നവർക്ക് നന്ദി'

വളരെ ചുരുങ്ങിയ കാലം കൊണ്ട് മലയാളത്തിലും തെന്നിന്ത്യൻ ഭാഷകളിലും ഒട്ടേറെ ഗാനങ്ങൾ സമ്മാനിച്ച മലയാളികളുടെ പ്രിയപ്പെട്ട ഗായികയാണ് സിത്താര കൃഷ്ണകുമാർ. വ്യത്യസ്തത ആലാപനശൈലിയും ആരാധകരോടുള്ള സമീപനവുമാണ് താരത്തോടുള്ള ഇഷ്ടം ആരാധകർക്ക് കൂടാൻ കാരണവും. മാത്രമല്ല ടോപ് സിംഗറിൽ ജഡ്ജായും കുറച്ചുകാലം ഉണ്ടായിരുന്ന സിത്തുവിനോട് മിനി സ്‌ക്രീൻ പ്രേക്ഷകർക്കും പറഞ്ഞറിയിക്കാൻ ആകാത്ത ആരാധനയാണ്.

ലോക്ഡൗൺ കാലത്ത് സമൂഹമാധ്യമങ്ങളിലൂടെ ആരാധകർക്ക് ഏറെ കുറിപ്പുകളും ചിത്രങ്ങളും പങ്കിട്ട താരത്തിന്റെ പിറന്നാൾ കഴിഞ്ഞ ദിവസമാണ് കഴിഞ്ഞത്. ആരാധകരും സുഹൃത്തുക്കളും ഉൾപ്പെടെ നിരവധി ആളുകളാണ് സിത്താരക്ക് പിറന്നാൾ ആശംസ നേർന്നുകൊണ്ട് രംഗത്ത് വന്നത്. അതിൽ ഭർത്താവ് സജീഷും, സുഹൃത്തും സംഗീത സംവിധായകനും ആയ ഗോപി സുന്ദറും പങ്കിട്ട പോസ്റ്റുകൾ ഏറെ വൈറൽ ആയിരുന്നു.

ഇപ്പോൾ താൻ പുതിയ ഒരു വയസ്സിലേക്ക് കടന്ന സന്തോഷത്തെകുറിച്ചും ആശംസ നല്കിയവർക്കും നന്ദിയും ആയി എത്തിയിരിക്കുകയാണ് പ്രിയ ഗായിക.

ALSO READ: നിന്നോടൊപ്പം ഉള്ളപ്പോൾ എനിക്കൊരിക്കലും സങ്കടപ്പെടാൻ സാധിക്കില്ല; പ്രഭുവിന് പിന്നാലെ അമല

താരത്തിന്റെ വാക്കുകൾ!

പ്രിയപ്പെട്ടവർ, സ്നേഹത്തിലും, ആശംസകളിലും, സമ്മാനങ്ങളിലും മുക്കിത്താഴ്ത്തി, കുളിപ്പിച്ച് കുട്ടപ്പത്തിയാക്കി നിർത്തിയ ഈ പിറന്നാൾ ദിവസം അവസാനിക്കുന്നത്, കുറേ ഇഷ്ടമുള്ള ഒരു പാട്ടിന് ശബ്ദമായാണ് !! ഇതിലും ഭംഗിയായി ഈ ദിവസം അവസാനിക്കുന്നത് വേറെങ്ങനെ?
പുതിയൊരു പ്രായത്തിലേക്ക് കടക്കുമ്പോൾ, "ഒന്നും സംഭവിച്ചില്ല, എല്ലാം അടിപൊളിയാണ്," എന്നും പറഞ്ഞ് കട്ടക്ക് കൂടെ നിന്നവർക്ക്, സ്നേഹം പറഞ്ഞവർക്ക്, എല്ലാവർക്കും എല്ലാത്തിനും നന്ദി !!!