ലക്ഷ്മിയുടെ വാക്കുകൾ
ജീവിതത്തിൽ എനിയ്ക്ക് ഏറ്റവും സന്തോഷം തോന്നിയ ഒരു ദിവസം ആണ് ഈ കഴിഞ്ഞ നവംബർ 16 2021. വലിയ വിശിഷ്ട വ്യക്തികൾ പൂജിതയായ, കേരളത്തിലെ തന്നെ ഏറ്റവും പ്രശസ്തമായ ചേർത്തലയിലെ, കണ്ടമംഗലം ശ്രീ രാജരാജേശ്വരി ക്ഷേത്രത്തിലെ നാരീപൂജക്ക് ഇത്തവണ ഈ എളിയ കലാകാരിയായ എന്നെ ക്ഷണിച്ചപ്പോൾ, സത്യത്തിൽ വിശ്വസിക്കാൻ കഴിഞ്ഞില്ല.
ദൈവാനുഗ്രഹം
അവിടെ ചെന്നപ്പോൾ, ആ ചടങ്ങിന്റെ ഭാഗമായപ്പോൾ, ഭഗവതിയായി പൂജിതയാകുമ്പോൾ പലരും എന്നെ നോക്കി തൊഴുകൈകളോടെ പ്രാർത്ഥിച്ചു നിൽക്കുന്നത് കണ്ടപ്പോൾ, അറിയാതെ ഒന്ന് വിതുമ്പി. പറഞ്ഞറിയിക്കാൻ പറ്റാത്ത ഒരു നിമിഷം ആയിരുന്നു. എല്ലാം ദൈവാനുഗ്രഹം ആണെന്ന് വിശ്വസിക്കുന്നു. ഇത്രയും നല്ല നിമിഷങ്ങൾ നിറഞ്ഞ ഒരു ദിവസത്തിനും, എല്ലാരുടെയും സ്നേഹത്തിനും , മനസ്സു നിറയെ നന്ദി മാത്രമെന്നുമായിരുന്നു ലക്ഷ്മി നക്ഷത്ര കുറിച്ചത്.
വിമർശനങ്ങളും
ലക്ഷ്മിയോടുള്ള സ്നേഹം അറിയിച്ച് മാത്രമല്ല നാരിപൂജയിൽ പങ്കെടുത്തതിനെ വിമർശിച്ചുള്ള കമന്റുകളുമായും ചിലരെത്തിയിരുന്നു. എനിക്ക് ചിന്നുവിന് ഭയങ്കര ഇഷ്ടമാണ്. ചിന്നു ഉള്ളതു കൊണ്ടാന്ന് ഞാൻ സ്റ്റാർ മാജിക് കാണുന്നത് തന്നെ. പക്ഷേ ഒരു കാര്യം നിങ്ങളെ പോലുള്ള സെലിബ്രിറ്റികളെ അല്ലാതെ ഒരു പാവം പിടിച്ച വീട്ടിലെ സ്ത്രീകളെ വച്ച് നാരീപൂജ ചെയ്യുമോ? ദേവി പറഞ്ഞിട്ടുണ്ടോ പാവങ്ങളെ വച്ച് നാരി പൂജ ചെയ്യരുതെന്ന് ഇതെല്ലാം മനുഷ്യർ ഉണ്ടാക്കുന ഓരോ ആചാരങ്ങളാണ്. ഞാൻ ഒരു ഹിന്ദുവാണ് ഞാൻ ഇതിൽ വിശ്വസിക്കുന്നില്ല. വിശ്വസിക്കാം പക്ഷേ പാവങ്ങളെ വച്ച് പൂജ ചെയ്യട്ടെ എന്നായിരുന്നു ഒരാൾ കമന്റ് ചെയ്തത്.
മേക്കപ്പിനെക്കുറിച്ച്
സാരിയണിഞ്ഞ് അതീവ സുന്ദരിയായാണ് ലക്ഷ്മി നക്ഷത്ര ചടങ്ങിനെത്തിയത്. മേക്കപ്പ് വേണ്ടിയിരുന്നില്ലെന്നായിരുന്നു ഒരാൾ ലക്ഷ്മിയോട് പറഞ്ഞത്. ആർക്കും എളുപ്പം കിട്ടുന്ന ഭാഗ്യമല്ല, അത് ചിന്നുവിന് കിട്ടിയതിൽ സന്തോഷം, നാരി പൂജക്ക് മേക്കപ്പ് ഒഴിവാക്കാമായിരുന്നു, യഥാർത്ഥത്തിൽ ഉള്ള ചിന്നുവിന്റെ സൗന്ദര്യം മതിയല്ലോ, എന്തായാലും ദൈവം അനുഗ്രഹിക്കട്ടെ നന്മകൾ ഉണ്ടാവട്ടെയെന്നായിരുന്നു മറ്റൊരു കമന്റ്.