'അന്നത്തെ കുഞ്ഞു സൗഭാഗ്യ വളർന്നപ്പോൾ, അവിടെ പ്രണയവും വളർന്നു'

പ്രേക്ഷകരുടെ ഇഷ്ടപെട്ട ഷോയാണ് ഒന്നും ഒന്നും മൂന്ന്. മഴവിൽ മനോരമയിൽ റിമി ടോമി അവതാരക ആയി എത്തുന്ന പരിപാടി ഇപ്പോൾ നാലാം സീസണിലേക്ക് എത്തിയിരിക്കുകയാണ്. ടെലിവിഷൻ- സിനിമ രംഗത്ത് നിന്നുള്ളവർ ആണ് ഈ പരിപാടിയിൽ പങ്കെടുക്കാൻ എത്തുന്നവരിൽ അധികവും. പങ്കെടുക്കാൻ എത്തുന്ന താരങ്ങൾ തങ്ങളുടെ ജീവിതത്തിലെ ഒട്ടുമിക്ക അനുഭവങ്ങളും പ്രേക്ഷകരുമായി പങ്കിടാറും ഉണ്ട്.അത് തന്നെയാണ് പ്രേക്ഷക പ്രീതി വർധിക്കാൻ കാരണവും.

കഴിഞ്ഞ ദിവസം ഒന്നും ഒന്നും മൂന്നിൽ പങ്കെടുക്കാൻ എത്തിയത് ടിക് ടോക് റാണി സൗഭാഗ്യ വെങ്കിടേഷും കുടുംബവും ആണ്. വിവാഹ ശേഷം മൂവരും ഒരുമിച്ചു പങ്കെടുക്കുന്ന ഷോ ആയതിനാൽ പ്രേക്ഷകരുടെ മികച്ച പ്രതികരണമാണ് ലഭിച്ചത്. പ്രണയം വിവാഹത്തിലേക്ക് എത്തിയ സുന്ദര നിമിഷങ്ങളെ കുറച്ചു അർജു
നും സൗഭാഗ്യയും മനസ്സ് തുറന്നു. അതിൽ ചെറുപ്പകാലത്ത് ഉണ്ടായ ഒരു മനോഹര നിമിഷം അർജുൻ പങ്ക് വച്ചത് ആരാധകർ ഏറ്റെടുക്കുകയും ചെയ്തു.

ALSO READ: മറ്റൊരു അമ്മയിലുണ്ടായ സഹോദരൻ; മിസ് യൂ പപ്പനെന്ന് സുജോ!

" സൗഭാഗ്യയെ ഏഴാം ക്‌ളാസിൽ പഠിക്കുമ്പോൾ മുതൽ എനിക്ക് അറിയാം. കൊച്ചു കുട്ടി ആയിരുന്നത് കൊണ്ട് ഞാൻ ഇവളെ മാത്രം നോക്കിയില്ല, ബാക്കി എല്ലാവരെയും നോക്കി നടന്നു. പിന്നെ കുറച്ചുകാലം കഴിഞ്ഞു. പെട്ടെന്ന് ആണ് സൗഭാഗ്യ ഉപരിപഠനത്തിനായി കൊച്ചിയിലേക്ക് പോയത്. അങ്ങനെ ഒരു ദിവസം ഞാൻ ടീച്ചറെ കാണാൻ വീട്ടിൽ ചെന്നു. സക്കൂട്ടി എവിടെ എന്ന് തിരക്കി. ഉടനെ ടീച്ചർ സൗഭാഗ്യയെ വിളിച്ചു. നോക്കിയപ്പോൾ ഇവിടെ നിന്നും പോയ കുട്ടിയെ അല്ല, മുടിയൊക്കെ കളർ ചെയ്തു മറ്റൊരാൾ. അന്ന് എനിക്ക് പ്രേമം ഒന്നും തോന്നിയില്ലെങ്കിലും പക്ഷേ പിന്നീട് ഓർത്തു ഇത് മതിയാരുന്നുവെന്ന്" അർജുന്റെ ഈ സംസാരം വേദിയിൽ ചിരിപടർത്തിയ വീഡിയോ ഇപ്പോൾ വൈറലാണ്.