'ഞാൻ പോയപ്പോൾ വരിക്കാശ്ശേരി മന ആയിരുന്നു': വീട് കെ എം ഷാജിയുടേതല്ലേ എന്ന് ചോദിച്ചയാൾക്ക് മീനാക്ഷിയുടെ മറുപടി!

ബാലതാരം മീനാക്ഷിയുടെ ഫേസ്‌ബുക്ക് പോസ്റ്റിന് കീഴിൽ വന്ന കമന്റ് വൈറൽ ആകുന്നു. കമന്റ് മാത്രമല്ല കമന്റ് നല്കിയ ആൾക്ക് മീനാക്ഷി നൽകിയ മറുപടിയും ഏറെ വൈറൽ ആണ്. 1400 ൽ അധികം ആളുകൾ ആണ് മീനാക്ഷിയുടെ മറുപടിക്ക് റിയാക്റ്റ് ചെയ്തിരിക്കുന്നത്. മലയാള സിനിമകളുടെ സ്ഥിരം ലൊക്കേഷനുകളിൽ ഒന്നായ വരിക്കാശ്ശേരി മനയുടെ മുമ്പിൽ നിന്നുള്ള ചിത്രമാണ് മീനാക്ഷി പങ്കിട്ടത്.

ALSO READ: ഹരിയുടെ അപ്പു മലയാളി അല്ലെ: ആരാധകരുടെ ചോദ്യങ്ങൾക്ക് മറുപടിയുമായി രക്ഷ!
'ഇവിടുത്തെ മംഗലശ്ശേരി നീലകണ്ഠനും അറയ്ക്കൽ മാധവനുണ്ണിയും ഒക്കെ ഇനി..' എന്നാണ് ചിത്രത്തിന് മീനാക്ഷി നൽകിയ ക്യാപ്‌ഷൻ. ചിത്രവും ക്യാപ്‌ഷനും വൈറൽ ആയതിനു പിന്നാലെയാണ് ചിലർ വീട് കെഎം ഷാജിയുടേതല്ലേ എന്ന ചോദ്യം ഉന്നയിച്ചുകൊണ്ട് രംഗത്ത് വന്നത്.

'പൊന്നുമോളെ ഈ വീട് കെഎം ഷാജിയുടേതാണെന്നും പറഞ്ഞുകൊണ്ട് കുറേയാളുകൾ വരുന്നുണ്ടല്ലോ' എന്നായിരുന്നു വൈറൽ ആയ കമന്റ്. ഈ കമന്റ് ചെയ്തയാൾക്ക് ആണ് മീനാക്ഷി കൃത്യമായി മറുപടി നൽകിയത്. 'ഞാൻ പോയപ്പോ വരിക്കാശ്ശേരി മനയാരുന്നു' എന്നാണ് മീനാക്ഷി വ്യക്തമാക്കിയത്.

ALSO READ: ഒ എൻ വിക്കും അയ്യപ്പപണിക്കർക്കും പിന്നെ ചേച്ചിക്കും ഒപ്പം മ്മടെ ഗായകൻ!
വരിക്കാശ്ശേരി മനയുടെ ചിത്രം പങ്കുവച്ച് മുസ്ലിം യൂത്ത് ലീഗിന്റെ ഫേസ്ബുക്ക് പേജിൽ ഒരു പോസ്റ്റ് വന്നിരുന്നെന്ന രീതിയിൽ സോഷ്യൽ മീഡിയയിൽ പ്രചരണം ഉണ്ടായിരുന്നു. കെ.എം ഷാജിയെ വരിക്കാശ്ശേരി മനയുമായി ബന്ധിപ്പിച്ചു കൊണ്ടുള്ളതാണ് പോസ്റ്റെന്നാണ് പ്രചരിച്ചത്. എന്നാൽ പിന്നീട് അത് വ്യാജം ആണെന്ന് ലീഗ് വ്യക്തമാക്കുകയും ചെയ്തിരുന്നു. ഇതിന് പിന്നാലെയാണ് മീനാക്ഷിയുടെ ഫേസ്ബുക്ക് പേജിലും സംസാരം ഉണ്ടായത്.