'സൂചിയോടുള്ള തൻ്റെ പേടി ഒടുവിൽ മാറി'; ഒടുവിൽ അത് സംഭവിച്ചു; ലക്ഷ്മിയ്ക്ക് പ്രശംസാപ്രവാഹം!

ഇവരെല്ലാവരും തന്നെ സോഷ്യൽ മീഡിയയിലും വളരെ സജീവമായതിനാൽ തന്നെ ആരാധകരും ഏറെയാണ്. സിനിമാ സീരിയൽ താരങ്ങൾക്ക് സമാനമാണ് ഇവരുടെയും ആരാധകരുടെയും എണ്ണം. ഇവരുടെ വിശേഷങ്ങളെല്ലാം ആരാധകർ ഇരുകൈയ്യും നീട്ടി സ്വീകരിക്കാറുണ്ട്.

ഇപ്പോഴിതാ ലക്ഷ്മി നക്ഷത്ര പങ്കുവെച്ചിരിക്കുന്ന പുതിയ വിശേഷമാണ് ആരാധകരൊക്കെ ഏറ്റെടുത്തിരിക്കുന്നത്. ഒടുവിൽ തൻ്റെ സൂചികളോടുള്ള പേടി മാറിയതായി കുറിച്ചുകൊണ്ടാണ് താൻ ടാറ്റു ചെയ്ത വിശേഷം ലക്ഷ്മി നക്ഷത്ര പങ്കിട്ടിരിക്കുന്നത്. ദി ഡീപ് ഇങ്ക് ടാറ്റൂസിലെ കുൽദീപ് കൃഷ്ണയാണ് ലക്ഷ്മിയ്ക്ക് ടാറ്റൂ ചെയ്തത്.

പ്രിയപ്പെട്ട അവതാരക തൻ്റെ ജീവിതത്തിലെ ആദ്യത്തെ ടാറ്റു ചെയ്ത വിശേഷം ഷെയർ ചെയ്തപ്പോൾ പ്രശംസ കൊണ്ട് മൂടുകയാണ് ആരാധകരും കൂട്ടുകാരുമൊക്കെ. ലക്ഷ്മി ഇൻസ്റ്റാഗ്രാമിൽ പങ്കുവെക്കുന്ന ചിത്രങ്ങളും വിശേഷങ്ങളുമൊക്കെ സൈബറിടത്തിൽ വൈറലായി മാറാറുണ്ട്.

അടുത്തിടെയായി മോഡലിങ്ങിലും ഭാഗ്യപരീക്ഷണം നടത്തുകയാണ് ലക്ഷ്മി നക്ഷത്ര. വേറിട്ട ലുക്കിലുള്ള വിവിധ കോസ്റ്റ്യൂമുകളിട്ട് പലതരത്തിലുള്ള ഫോട്ടോഷൂട്ടും ലക്ഷ്മി നക്ഷത്ര അടുത്തിടെ നടത്തുന്നുണ്ട്. ഇതിൻ്റെയൊക്കെ ചിത്രങ്ങൾ ലക്ഷ്മി പങ്കുവെക്കാറുമുണ്ട്. ആരാധകർ കമൻ്റുകളിലൂടെ സമാനതകളില്ലാത്ത വിധത്തിലുള്ള പ്രോത്സാഹനമാണ് അവതാരകയ്ക്ക് നൽകുന്നത്.