മൂന്ന് മാസം ഉള്ളപ്പോള്‍ വേര്‍പിരിഞ്ഞ ഇരട്ട സഹോദരിയെ മുപ്പത് വര്‍ഷങ്ങള്‍ക്ക് പരസ്പരം കണ്ടുമുട്ടിയപ്പോള്‍

അപൂര്‍വ്വങ്ങളില്‍ അപൂര്‍വ്വമായ ജീവിത കഥയാണ് പലപ്പോഴും ഫ്‌ളവേഴ്‌സ് ഒരു കോടി ഷോയില്‍ മത്സരിക്കാന്‍ എത്തുന്നവര്‍ പങ്കുവയ്ക്കാറുള്ളത്. അത്തരത്തില്‍ ഇത്തവണ എത്തുന്നത് ഇരട്ട സഹോദരിമാരാണ്. രണ്ട് പേര്‍ ഒന്നിച്ച് മത്സരിക്കുന്നതും ഫ്‌ളവേഴ്‌സ് ഒരു കോടി ഷോയില്‍ അപൂര്‍വ്വമാണ്. അങ്ങിനെ എല്ലാം കൊണ്ടും അപൂര്‍വ്വമാണ് ഇന്നത്തെ ഫ്‌ളവേഴ്‌സ് ഒരു കോടി.

മൂന്ന് മാസം പ്രായമുള്ളപ്പോള്‍ വിധി വേര്‍പെടുത്തിയതാണ് ഈ ഇരട്ട സഹോദരങ്ങളെ പിന്നീട് തനിക്കൊരു ഇരട്ട സഹോദരി ഉണ്ട് എന്ന് മനസ്സിലാക്കിയ അതിലൊരാള്‍ മറ്റെ ആള്‍ക്ക് വേണ്ടി തിരച്ചില്‍ നടത്തി. അതൊരു സാധാരണ തിരച്ചില്‍ ആയിരുന്നില്ല. ഇന്‍വസ്റ്റിഗേറ്റീവ് ഏജന്‍സിയെ വരെ സമീപിച്ചുകൊണ്ടുള്ള അന്വേഷണമാണ്. അങ്ങനെ ഒടുവില്‍ കണ്ടെത്തിയത് മുപ്പത് വര്‍ഷങ്ങള്‍ക്ക് ശേഷമാണ്.

ദത്ത് പുത്രിയായി മറ്റൊരു കുടുംബത്തിലായിരുന്നു അപ്പോള്‍ കൂടെ പിറന്നവള്‍. അവിടെ പല തരത്തിലുള്ള അവഗണനകളും താന്‍ നേരിട്ടിരുന്നു എന്ന് പെണ്‍കുട്ടി പറയുന്നുണ്ട്. മുപ്പത് വര്‍ഷങ്ങള്‍ക്ക് ശേഷം അവര്‍ ആദ്യമായി പരസ്പര തിരിച്ചറിഞ്ഞത് സോഷ്യല്‍ മീഡിയയിലൂടെയാണത്രെ. നമ്മള്‍ ട്വിന്‍സ് ആണെന്നാണത്രെ ആദ്യം പറഞ്ഞത്. ശേഷം ഫോട്ടോ അയച്ചു തന്നപ്പോള്‍ ഞെട്ടിപ്പോയി.

ഞാന്‍ ദത്ത് പുത്രിയാണ് എന്ന് എന്റെ കുടുംബത്തിലെ എല്ലാവര്‍ക്കും അറിയാമായിരുന്നുവെങ്കിലും എനിക്കൊരു ഇരട്ട സഹോദരി ഉള്ള കാര്യം അവിടെ ആര്‍ക്കും അറിയില്ലായിരുന്നു. അങ്ങനെ ഒരു സഹോദരി തനിക്കുണ്ട് എന്നും, അവള്‍ നാളെ തന്നെ കാണാന്‍ വരുന്നുണ്ട് എന്നും പറഞ്ഞപ്പോള്‍ അച്ഛനും അമ്മയും ഞെട്ടിയത്രെ. തന്റെ ഇരട്ട സഹോദരിയെ മുപ്പത് വര്‍ഷങ്ങള്‍ക്ക് ശേഷം ആദ്യമായി കണ്ട രംഗം ഇപ്പോഴും മനസ്സിലുണ്ട് എന്ന് സഹോദരി പറയുന്നു. ഒരേ മുഖവും ഒരു ശബ്ദവും ഒരോ മനസ്സും ഉള്ള സഹോദരിമാര്‍ എത്തുന്ന ഫ്‌ളവേഴ്‌സിന്റെ എപ്പിസോഡ് ഇന്ന് 9 മണിക്ക് സംപ്രേക്ഷണം ചെയ്യും.