ദേ കുടുംബവിളക്കിൽ അഭിനയിച്ചവൻ ഇത്രയും പെട്ടെന്ന് സിനിമയിലും കയറിയാ!

മിനിസ്ക്രീൻ പ്രേക്ഷകര്‍ ചുരുങ്ങിയ നാളുകള്‍കൊണ്ട് നെഞ്ചേറ്റിയ പരമ്പരയാണ് കുടുംബവിളക്ക്. നടി മീര വാസുദേവ് കേന്ദ്ര കഥാപാത്രമായി എത്തുന്ന പരമ്പരയിൽ നിരവധി താരങ്ങളാണുള്ളത്. ടിആർ‍പി റേറ്റിങ്ങിൽ ഒന്നാം സ്ഥാനമാണ് പലപ്പോഴും പരമ്പരയ്ക്കുള്ളത്. അടുത്തിടെ പരമ്പരയിൽ നടൻ അജു വര്‍ഗ്ഗീസ് അഭിനയിച്ചിരുന്നു. അജു വര്‍ഗ്ഗീസായി തന്നെയാണ് പരമ്പരയിൽ അദ്ദേഹമെത്തിയിരുന്നത്.

Also Read: പൊന്നമ്പിളിയുടെ ഹരി ഇനി ലക്ഷ്മിക്ക് സ്വന്തം, രാഹുല്‍ രവി വിവാഹിതനായി, വീഡിയോ വൈറലാവുന്നു!

സുമിത്ര എന്ന വീട്ടമ്മയുടെ ജീവിതത്തിലൂടെ മുന്നോട്ടു നീങ്ങുന്ന പരമ്പരയിൽ സുമിത്ര ആരംഭിക്കുന്ന ബൊട്ടീക്ക് ഉദ്ഘാടനം ചെയ്യുന്ന സിനിമാ താരമായാണ് അജു എത്തിയിരുന്നത്. സുമിത്രയുടെ സുഹൃത്തായ നിലീനയാണ് അജുവിനെ കടയുടെ ഉദ്ഘാടനത്തിനായി ഏര്‍പ്പാടാക്കിയിരുന്നത്.

എന്നാൽ അതേ ദിവസം തന്നെ വേദികയും സിദ്ധാര്‍ത്ഥും തങ്ങലുടെ കോർപ്പറേറ്റ് ഓഫീസുമായി ബന്ധപ്പെട്ട ഉദ്ഘടനത്തിനു അജുവിനെ ക്ഷണിക്കുന്നു. സുമിത്ര നൽകിയ തുകയുടെ ഇരട്ടി തുകയാണ് അതിനുവേണ്ടി വേദിക ഓഫര്‍ ചെയ്തത്. എന്നാൽ അജു എത്തിയത് സുമിത്രയുടെ കടയുടെ ഉദ്ഘാടനത്തിനായിരുന്നു. ഇതോടെ കുടുംബപ്രേക്ഷകരുടെ പ്രിയ താരമായിരിക്കുകയാണ് അജു.

Also Read: കൈയ്യടി നേടി അജുവിൻ്റെ 'കിളി'; ട്രെൻ്റിങ്ങിലേക്ക് കുതിച്ച് പുതിയ വെബ് സീരീസ്!

സുമിത്രയുടെ ഒപ്പം തന്നെ അജു നിന്നതിനുള്ള കൈയ്യടി സോഷ്യൽമീഡിയയിൽ ഉയരുന്നുമുണ്ട്. ഒപ്പം വേദികയ്ക്ക് മുട്ടൻ പണി കൊടുത്തതിനുള്ള നന്ദിയും പലരും കുറിക്കുന്നുണ്ട്. അതിനിടയിൽ ഇപ്പോഴിതാ ഒരു സെൽഫ് ട്രോള്‍ പങ്കുവെച്ചിരിക്കുകയാണ് അജു. എല്ലാ മുത്തശ്ശിമാര്‍ക്കും എന്ന് കുറിച്ചുകൊണ്ടാണ് അജു ഇത് പങ്കുവെച്ചിരിക്കുന്നത്. ടിവിയിൽ ലൗ ആക്ഷൻ ഡ്രാമ സിനിമ വന്നപ്പോൾ ഇവൻ നമ്മുടെ കുടുംബവിളക്കിൽ അഭിനയിച്ചവനല്ലേ, ഇവൻ ഇത്രയും പെട്ടെന്ന് സിനിമയിലും കയറിയാ എന്ന് ഒരു മുത്തശ്ശി പറയുന്നതായാണ് ട്രോളിലുള്ളത്. സിനിമകളെ സപ്പോർട്ട് ചെയ്യുന്നതുപോലെ സീരിയലുകളേയും സപ്പോർട്ട് ചെയ്യുന്നതിനുള്ള നന്ദിയും ചിലർ കുറിച്ചിട്ടുണ്ട്.

Also Watch :