മിനിസ്ക്രീൻ പ്രേക്ഷകരുടെ ഇഷ്ടപരമ്പരകൾ ആയിരുന്നു ഭ്രമണവും ഭാര്യയും. വ്യത്യസ്തമായ കഥകൾ പറഞ്ഞ രണ്ടു പരമ്പരകളിലും പ്രേക്ഷകർക്ക് ഇഷ്ടപെട്ട രണ്ട് കഥാപത്രങ്ങൾ ആയിരുന്നു ഹരിതയും, ശരത്തും. ശരത്തായി എത്തുന്നത് അരുൺ രാഘവ് എന്ന നടനും, ഭ്രമണത്തിലെ ഹരിതയായി എത്തുന്നത് സ്വാതി നിത്യനന്ദും ആയിരുന്നു. ഇരുവരുടെയും വേറിട്ട അഭിനയ ശൈലി തന്നെയാണ് ചുരുങ്ങിയ സമയം കൊണ്ട് ആരാധക പ്രീതി ലഭിച്ചതും.
ഭാര്യ പരമ്പരയ്ക്ക് ശേഷം അരുണിനെ തേടി നിരവധി അവസരങ്ങൾ ആണ് എത്തിയത്. എന്നാൽ ഹരിതയായി എത്തിയ സ്വാതിയെ പിന്നീട് മറ്റ് പരമ്പരകളിൽ കണ്ടതും ഇല്ല. എന്നാൽ ഇതിനു പിന്നാലെയാണ് ഒരു വെഡിങ് ടീസർ ഏഷ്യാനെറ്റ് ചാനൽ പുറത്ത് വിട്ടത്. ഇരുവരുടെയും വിവാഹം ആണ് തീം ആയി സംഘാടകർഒരുക്കിയിരിക്കുന്നത്. യാരോ യാരോടി എന്ന അലൈപായുതേ ചിത്രത്തിലെ ഗാനത്തിന് ഒപ്പിച്ചു നർത്തകിമാർ ഹരിതയെ കല്യാണപെണ്ണാക്കാൻ ഒരുക്കുന്നതും, ഹണി ബീ ടു വിലെ ചേമന്തി ചേലും കൊണ്ടേ എന്ന ഗാനത്തിന് അരുൺ നൃത്ത ചുവടുകളുമായി കൂട്ടുകാരോടൊപ്പം എത്തുന്ന വീഡിയോയും ആണ് ഇപ്പോൾ സോഷ്യൽ മീഡിയയിൽ വൈറൽ ആയിരിക്കുന്നത്.
വീഡിയോ കണ്ട ആരാധകർ അമ്പരപ്പിലാണ് പുതിയ സീരിയൽ വരുന്നതിനുള്ള മുന്നൊരുക്കമാണോ അതോ കോമഡി സ്റ്റാർസിന്റെ 1111 ന്റെ ആഘോഷങ്ങളുടെ ഭാഗമായിട്ടാണോ ഈ വീഡിയോ എന്നാണ് പലരുടെയും സംശയം. എന്തായാലും കുറെ നാളുകൾക്ക് ശേഷം ഹരിതയെ സ്ക്രീനിൽ കാണാൻ സാധിച്ചതിന്റെ സന്തോഷവും പ്രേക്ഷകർ മറച്ചു വയ്ക്കുന്നില്ല. ഹരിതയെ വീഡിയോയിൽ കണ്ടത് കൊണ്ട് മാത്രമാണ് ഇത് കാണാൻ എത്തിയതെന്ന് ചിലർ കമന്റുകൾ ഇടുമ്പോൾ, ഇനി ഇവർ ശരിക്കും കല്യാണം കഴിച്ചോ എന്നാണ് മറ്റു ചിലരുടെ സംശയം!
ഇപ്പോൾ പ്രചരിക്കുന്ന ഈ വീഡിയോ കോമഡി സ്റ്റാർസിന്റെ 1111 ന്റെ എപ്പിസോഡിന്റെ പ്രമോഷന്റെ ഭാഗമായി ചാനൽ പുറത്ത് വിട്ട വിഡീയോയാണ്. പരിപാടിയിൽ ഇരുവരുടെയും വിവാഹവും പ്രണയവും ആണ് കോർത്തിണക്കിയിരിക്കുന്നത്. മിനിസ്ക്രീനിലെ ഒട്ടുമിക്ക താരങ്ങൾ എല്ലാം തന്നെ ഈ ഈ പരിപാടിയിൽ അണിനിരക്കുന്നുണ്ട്. അർജുൻ - ഹേമ നവദമ്പതികൾ ആയിട്ടാണ് പരിപാടിയിൽ അരുണും സ്വാതിയും എത്തുന്നത്.