ജിയാൻ കുട്ടാ.. ഒരിക്കൽ നീയും കല്യാണം കഴിക്കുമെടാ; രസകരമായ വീഡിയോയുമായി ജിഷിൻ!

നടൻ ജിഷിൻ മോഹൻ സോഷ്യൽ മീഡിയയിലൂടെ പങ്കിടുന്ന മിക്ക വിശേഷങ്ങളും വൈറൽ ആകാറുണ്ട്. സരസമായ ഭാഷയിലൂടെയാണ് മിക്ക വിശേഷങ്ങളും ജിഷിൻ പങ്കിടുന്നത്. നടി വരദയെ ആണ് ജിഷിൻ സ്വന്തം ആക്കിയതെന്ന് പ്രേക്ഷകർക്ക് അറിയാം.

സീരിയൽ മേഖലയിൽ നിന്നുള്ള പരിചയമാണ് സൗഹൃദമായതും പിന്നീട് പ്രണയത്തിലേക്കും വിവാഹത്തിലേക്കും എത്തിച്ചതും. സോഷ്യൽ മീഡിയയിൽ സജീവമാണ് ജിഷിൻ - വരദ താര ദമ്പതികൾ.
ഇപ്പോൾ ജിഷിൻ പങ്കിട്ട രസകരമായ ഒരു വീഡിയോ ആണ് ആരാധകർ ഏറ്റെടുത്തിരിക്കുന്നത്.

ജിഷിൻ പങ്കിട്ട രസകരമായ കുറിപ്പും വീഡിയോയും!

മോന് ഉമ്മ കൊടുക്കുന്നതിനിടയിൽ തല വച്ച് നോക്കിയതാ. തല്ല് കിട്ടിയത് മിച്ചം. അല്ലെങ്കിലും ഒരു കുഞ്ഞൊക്കെ ആയിക്കഴിഞ്ഞാൽ അതിനു ശേഷം ഉമ്മക്കൊക്കെ ഭയങ്കര ക്ഷാമമായിരിക്കുമെന്നേ. അമ്മയുടെ ഉമ്മ മുഴുവൻ കുഞ്ഞുങ്ങൾക്കായിരിക്കും. അപ്പനെ തിരിഞ്ഞു നോക്കില്ല. കിലുക്കത്തിൽ ലാലേട്ടൻ രണ്ടു ഗ്ലാസ്സുമായി ചെന്ന പോലെ ആയിപ്പോയി.
ALSO READ: എന്റെ അരവിന്ദ് കൃഷ്ണന് 2 വയസ്സ് കഴിഞ്ഞു; ഇനിയുള്ള വലിയ സ്വപ്നത്തെക്കുറിച്ച് പ്രബിൻ!
"ഇതെന്തിനാ രണ്ടു ഗ്ലാസ്സ്?" "അപ്പൊ നീ അടിക്കുന്നില്ലേ?" "ഞാനേ അടിക്കുന്നുള്ളു. ഞാൻ അടിച്ച്, ഒരു ലെവൽ ആകുമ്പോൾ, മിച്ചമുണ്ടേൽ നീ അടിച്ചാ മതി" എന്ന് ജഗതി പറഞ്ഞ പോലെ, മോന്റെ റെക്കമെന്റെഷനിൽ, അവനു കിട്ടിയതിൽ മിച്ചം വല്ലോം ഉണ്ടെങ്കിൽ വല്ലപ്പോഴും ഓരോന്ന് കിട്ടും. എന്ത് ചെയ്യാനാ. അല്ലേ?

എടാ മോനേ, ജിയാൻ കുട്ടാ.. ഒരിക്കൽ നീയും കല്യാണം കഴിക്കുമെടാ. നിനക്കും ഒരു നിനക്കും ഒരു കുഞ്ഞുണ്ടാവും. അന്ന് നീയും ഇതുപോലെ അനുഭവിക്കുമെടാ.. നോക്കിക്കോ