കുറച്ചു വൈകി ആണെങ്കിലും ശക്തമായ കഥാപാത്രമായി എത്തുന്നു; രാക്കുയിൽ വിശേഷങ്ങളുമായി നിരഞ്ജൻ!

മിനി സ്ക്രീനിലെ ഇഷ്ടപെട്ട പ്രണയ നായകൻ ആരെന്നു ചോദിച്ചാൽ ഒട്ടുമിക്ക പ്രേക്ഷകരും ഒരേ സ്വരത്തിൽ പറയുക നടൻ നിരഞ്ജന്റെ പേരാകും. കാരണം കുറെ വർഷങ്ങൾ ആയി വേറിട്ട അഭിനയ ശൈലി തന്നെയാണ് നിരഞ്ജൻ എന്ന നടൻ കാഴ്ചവയ്ക്കുന്നത്. ടെലിവിഷൻ സീരിയൽ രംഗത്തെ റൊമാന്റിക് ഹീറോ എന്നാണ് താരത്തെ ആരാധകർ വിശേഷിപ്പിക്കുന്നതും.

ALSO READ: 'ഒരു സ്ത്രീ എന്ന നിലയിൽ വ്യക്തിപരമായി താഴ്ത്തി കെട്ടുന്ന ഒന്നിനും നിന്ന് കൊടുത്തിട്ടില്ല' വൈറൽ ആയി അശ്വതിയുടെ

അഭിനയമോഹം കൊണ്ടാണ് ബിരുദധാരിയായി ഇരുന്നിട്ടും കിട്ടിയ ജോലിയെല്ലാം വേണ്ടെന്നു വച്ചുകൊണ്ട് അഭിനയ രംഗത്തു നിരഞ്ജൻ സജീവം ആകുന്നത്. രാത്രിമഴ’ യിലെ സുധിയായും ‘മൂന്നുമണി’യിലെ രവിയായും കുടുംബപ്രേക്ഷകരുടെ ഇഷ്ടം സ്വന്തമാക്കിയ അതേ ചിരിയോടെ പൂക്കാലം വരവായിയിൽ ഹർഷൻ ആയിട്ടാണ് നിരഞ്ജൻ ഏറ്റവും ഒടുവിൽ പ്രേക്ഷകർക്ക് മുൻപിൽ എത്തിയതും. ഇപ്പോൾ പുതിയ സീരിയൽ വിശേഷങ്ങളെ കുറിച്ചാണ് നിരഞ്ജൻ പറയുന്നത്.

നിരഞ്ജന്റെ വാക്കുകളിലൂടെ തന്നെ വിശേഷങ്ങൾ വായിക്കാം!

പ്രണയത്തിന്റെ രാക്കുയിൽ പാട്ടുമായി ..ഇന്നു മുതൽ ഞാനും ഈ ചില്ലയിൽ കൂടണയുകയാണ്..
പ്രണയവിരഹങ്ങൾക്ക് നിറം പകരാൻ ഇനി രാക്കുയിലിൽ ഞാനുമുണ്ട്. "രാത്രിമഴക്ക്" ശേഷം മുരളി ചേട്ടൻ എഴുതി (മുരളി നെല്ലനാട് )രണ്ടര വർഷക്കാലം മനോരമ ആഴ്ചപതിപ്പിൽ പ്രസിദ്ധീകരിച്ച "രാക്കുയിൽ" എന്ന നോവൽ സീരിയൽ ആയപ്പോൾ കുറച്ചു വൈകി ആണെങ്കിലും ശക്തമായ ഒരു കഥാപാത്രമായി നിങ്ങളുടെ മുന്നിലേക്ക് ഞാൻ ഇന്ന് എത്തുകയാണ് .

ALSO READ: അച്ഛന്റെ സ്നേഹം മനസ്സിലാക്കിയ നിമിഷം; ഇടറുന്ന സ്വരത്തോടെ ജിഷിൻ!
"രാത്രിമഴ" സുധി എന്റെ അഭിനയജീവിതത്തിൽ വലിയ മാറ്റങ്ങൾ ഉണ്ടാക്കിയ കഥാപാത്രമാണ്.അതുപോലെ എനിക്ക് രാക്കുയിലും ഒരു പാടു പ്രതിക്ഷ നൽകുന്ന പ്രൊജക്റ്റ് ആണ്...ഇതു വരെ തന്ന സ്നേഹത്തിനും എന്റെ കഥാപാത്രങ്ങളെ നെഞ്ചോടു ചേർത്തു നിർത്തിയവരോട് ഹൃദയത്തിന്റെ ഭാഷയിൽ നന്ദി.അതുപോലെ ഇനിയും ഹൃദയത്തിൽ ചേർത്തു നിർത്തുമെന്നു വിശ്വസിക്കുന്നു. തിങ്കൾ മുതൽ വെള്ളി വരെ മഴവിൽ മനോരമയിൽ രാത്രി 8:30 നു..കാണാൻ മറക്കരുത്.