ഞങ്ങളെ വിഷ് ചെയ്യൂ; സന്തോഷം പങ്കിട്ട രശ്മി സോമന്റെ ആവശ്യം ഏറ്റെടുത്ത് ആരാധകർ!

പ്രേക്ഷകരുടെ പ്രിയങ്കരിയായ താരമാണ് രശ്മി സോമൻ. മിനിസ്‌ക്രീനിൽ നിറഞ്ഞു നിന്ന ശാലീന സുന്ദരി. വർഷങ്ങൾക്ക് ശേഷം അഭിനയത്തിലേക്ക് മടങ്ങിയെത്തിയപ്പോൾ ആ ശാലീനതയ്ക്ക് യാതൊരു മങ്ങലും ഏറ്റിട്ടില്ല എന്നാണ് പ്രേക്ഷകർ പറയുന്നത്. ഇരുകൈയ്യും നീട്ടിയാണ് താരത്തെ ആരാധകർ സ്വീകരിച്ചത്.

കുടുംബ പ്രേക്ഷകരുടെ സ്വന്തം രശ്മി അക്കരപ്പച്ച, അക്ഷയപാത്രം, ശ്രീകൃഷ്ണലീല, പെൺമനസ്സ്, മന്ത്രകോടി തുടങ്ങി ഒട്ടനവധി സീരിയലുകളിലൂടെ താരം സീരിയൽ പ്രേമികളുടെ ഹരമായിരുന്നു.

ALSO READ: രശ്മിസോമൻ നാല് വർഷത്തിന് ശേഷം മടങ്ങിയെത്തുന്നു; ഈ മടങ്ങി വരവിന് അൽപ്പം പ്രത്യേകതയുണ്ടെന്ന് രശ്മി!

ഇടവേളയ്ക്ക് ശേഷം ശക്തമായ വേഷത്തിലൂടെ തിരികെ അഭിനയത്തിൽ എത്തിയ താരം ഇപ്പോൾ സോഷ്യൽ മീഡിയ പ്ലാറ്റ് ഫോമുകളിൽ സജീവമാണ്. ഭർത്താവിനൊപ്പം ദുബായിൽ ജീവിതം അടിച്ചു പൊളിക്കുന്ന താരം ഇപ്പോൾ ഒരു വ്‌ളോഗർ കൂടിയാണ്. ഇന്ന് വിവാഹ വാർഷികം ആഘോഷിക്കുന്ന താരം ഭർത്താവും ഒരുമിച്ചുള്ള ചിത്രമാണ് പോസ്റ്റ് ചെയ്തത്. ഞങ്ങളെ വിഷ് ചെയ്യൂ എന്നാണ് താരം ക്യാപ്‌ഷൻ നൽകിയത്. താരത്തിന്റെ ആവശ്യം ആരാധകർ ഏറ്റെടുക്കുകയും, നിരവധി ആളുകൾ ആശംസകളുമായി എത്തുകയും ചെയ്തു.