'അത് മേക്കപ്പല്ല, ഒറിജിനല്‍ മുറിവാണ്'; മുറിവും ചോരയും വച്ച് അഭിനയിച്ച ബാലുവച്ഛന്‍!

മലയാളികളുടെ ഇഷ്ട പരമ്പരയാണ് ഉപ്പും മുളകും. ബാലുവിന്റേയും നീലുവിന്റേയും കുടുംബം ഇന്ന് മലയാളികള്‍ക്ക് തങ്ങളുടെ സ്വന്തക്കാരാണ്. ഓരോ കഥാപാത്രങ്ങളേയും അത്രമേല്‍ സ്നേഹിക്കുന്നുണ്ട് മലയാളി. താരങ്ങള്‍ക്കിടയിലെ അസാധ്യ കെമിസ്ട്രിയും പ്രകടനത്തിലേയും കഥാ സന്ദര്‍ഭങ്ങളിലേയും സ്വാഭാവികതയുമെല്ലാമാണ് പരമ്പരയെ ജനപ്രീയമാക്കിയത്.

Also Read: ശ്യാമുമായി പ്രണയത്തിലാണോ? 'പൊന്മുട്ട'യ്ക്ക് ശേഷമുള്ള ചോദ്യങ്ങൾക്ക് സ്നേഹയുടെ മറുപടി

ഇപ്പോഴിതാ ഉപ്പും മുളകിന്റേയും ചിത്രീകരണത്തിനിടെ തന്റെ മനസില്‍ തട്ടിയൊരു സംഭവത്തെ കുറിച്ച് മനസ് തുറക്കുകയാണ് ശിവാനി. മുറിവിനെ വകവെക്കാതെ, ചോരയോടെ അഭിനയിച്ച ബാലുവച്ഛന്‍ എന്ന ബിജു സോപാനത്തെ കുറിച്ചാണ് ശിവാനി മനസ് തുറക്കുന്നത്. ഇന്ത്യന്‍ എക്സ്പ്രസ് മലയാളത്തിന് നല്‍കിയ അഭിമുഖത്തിലായിരുന്നു ശിവാനി മനസ് തുറന്നത്.

''ഒരിക്കൽ അച്ഛന് പാറമടയിൽ ആയിരുന്നു ഷൂട്ട്. കല്ലുപൊട്ടിക്കുന്ന ഒരു സീൻ എടുക്കുന്നതിനിടയിൽ ഒരു ചീള് കയറി കാല് മുറിഞ്ഞു. ചോര വരാൻ തുടങ്ങി. അച്ഛൻ പക്ഷേ ആ മുറിവും ചോരയും വച്ച് അഭിനയിച്ചു, സീൻ പൂർത്തിയാക്കി. ആ എപ്പിസോഡ് കാണുമ്പോൾ മനസ്സിലാവും, അത് മേക്കപ്പല്ല, ഒർജിനൽ മുറിവാണ്'' ശിവാനി പറയുന്നു.

Also Read: റിമയേയും രമ്യയേയും കണ്ട സന്തോഷത്തില്‍ നവ്യ; ഫെമിനിസ്റ്റ് ആവരുത് എന്ന് കമന്റ്, കുറിക്കുള്ള മറുപടി നല്‍കി നടി!

നീലുവമ്മയും അങ്ങനെ തന്നെയാണെന്ന് ശിവാനി പറയുന്നു. കൈയ്ക്ക് വയ്യാതായിട്ടും ആ കൈയ്യും വെച്ച് അഭിനയിക്കുമായിരുന്നുവെന്ന് ശിവ ഓര്‍ക്കുന്നു. അവരെ പോലെ ഡെഡിക്കേറ്റ് ആയ ആർട്ടിസ്റ്റായി മാറണം എന്നാണ് തന്റെ ആഗ്രഹമെന്നും ശിവാനി കൂട്ടിച്ചേര്‍ത്തു.