എന്റെ റിയൽ ആൻഡ് റീൽ ഹീറോസ് എന്ന് സോനു; സ്നേഹം നിറഞ്ഞ ആശംസകളുമായി ആരാധകർ!

സിനിമ - സീരിയൽ താരങ്ങൾ പങ്ക് വയ്ക്കുന്ന വിശേഷങ്ങൾ ഞൊടിയിടയിലാണ് സോഷ്യൽ മീഡിയയിൽ വൈറൽ ആവുക. താരങ്ങളുടെ വെഡിങ്, വിവാഹ വാർഷികം, പിറന്നാൾ, സുഹൃത്തുകൾക്ക് ഒപ്പമുള്ള നിമിഷങ്ങൾ ഇതൊക്കെ താരങ്ങളെ പോലെ തന്നെ ആരാധകർക്കും ആഘോഷമാണ്. തങ്ങളുടെ പ്രിയപ്പെട്ട താരങ്ങളുടെ വിശേഷങ്ങൾ ആണെങ്കിൽ അത് പറയുകയും വേണ്ട. അത്തരത്തിൽ വൈറൽ ആവുകയാണ് സോനുവിന്റെ പുതിയ ഒരു ചിത്രം.

ALSO READ: വീണ്ടും അച്ഛന്റെ വീട്ടിൽ ഖുശി: ഇഷ്ടം പങ്ക് വച്ച് ആര്യയും!

'എന്റെ റിയൽ ആൻഡ് റീൽ ഹീറോസ്', എന്ന ക്യാപ്ഷ്യനോടെ സോനു പങ്ക് വച്ച ചിത്രം ഇതിനകം തന്നെ വൈറൽ ആയി കഴിഞ്ഞു. ജീവിതത്തിലെയും സ്‌ക്രീനിലെയും നായകന്മാർക്ക് ഒപ്പമുള്ള ചിത്രമാണ് സോനു പങ്ക് വച്ചത്. സുമംഗലീഭവ പരമ്പരയിലെ ദേവു എന്ന കഥാപാത്രത്തെയാണ് ഇപ്പോൾ സോനു അവതരിപ്പിക്കുന്നത്. പരമ്പരയിലെ റിച്ചാർഡ് ആണ് സോനുവിന്റെ നായകൻ. ദർശന ദാസ് അവതരിപ്പിച്ചിരുന്ന കഥാപാത്രത്തെ സോനു ഏറ്റെടുക്കുകയായിരുന്നു. ചുരുങ്ങിയ സമയം കൊണ്ടാണ് സോനുവിന്റെ ദേവ് എന്ന കഥാപാത്രം പ്രേക്ഷകരുടെ ഹൃദയത്തിലേക്ക് ആഴത്തിൽ പതിഞ്ഞത്.

ALSO READ: ഈ ചിരികുടുക്ക; മാനസപുത്രിയിലെ ചെക്കനായെത്തിയ കുട്ടി താരം; സ്വയം ചിരിച്ചും ചിരിപ്പിച്ചും തരംഗമായ താര സുന്ദരി!

സീരിയലുകളിൽ മാത്രമല്ല നൃത്തത്തിലൂടെയും പ്രേക്ഷകരുടെ പ്രിയങ്കരിയാണ്‌ സോനു. സീരിയലുകളിൽ പൊതുവെ വില്ലത്തി റോളുകളിൽ ആണ് താരം പ്രത്യക്ഷപ്പെടാറ്. എങ്കിലും സെന്റിമെന്റൽ റോളുകളിലൂടെയും താരം പ്രേക്ഷക പ്രീതി നേടിയെടുത്തിട്ടുണ്ട്. താരത്തിന്റെ സ്ത്രീധനം പരമ്പരയിലെ അഭിനയ മികവാണ് ചുരുങ്ങിയ കാലം കാലം കൊണ്ട് പ്രേക്ഷകർക്കിടയിൽ വില്ലത്തി പരിവേഷം സൃഷ്ടിച്ചെടുത്തത്.