അനുപമയുടെ പ്രസവ വീഡിയോ വൈറലാവുന്നു, ഡെലിവറി ഇത്രയും വലിയ ആഘോഷമാണോ?

അനുപമയോ, ആരാണ് എന്ന് ആദ്യം ചിന്തിച്ചേക്കാം. കന്യാദാനം എന്ന സീരിയല്‍ പ്രേമികള്‍ക്ക് പക്ഷെ അതാരായിരിയ്ക്കും എന്ന് അധികം ചിന്തിക്കേണ്ടി വരില്ല. അതെ, അനന്ദന്‍ മാഷിന്റെ രണ്ടാമത്തെ മകള്‍ അനുപമ. അന്ന ഡോണയാണ് കന്യാദാനം എന്ന സീരിയലില്‍ അനുപമ എന്ന കഥാപാത്രത്തെ അവതരിപ്പിയ്ക്കുന്നത്.

സീരിയലില്‍ ഇപ്പോള്‍ അനുപമയുടെ ഗര്‍ഭകാലമാണ് കാണിച്ചുകൊണ്ടിരിയ്ക്കുന്നത്. വൈകാതെ പ്രസവം നടക്കും. പ്രസവ രംഗം ഷൂട്ട് ചെയ്യുന്നതിന് പിന്നിലെ രസകരമായ വീഡിയോ പങ്കുവച്ചുകൊണ്ട് എത്തിയിരിയ്ക്കുകയാണ് ഇപ്പോള്‍ ഡോണ. 'നമ്മുടെ പ്രസവം ആഘോഷിക്കുക. കന്യാദാനം ആഘോഷമാക്കിയ അനുപമയുടെ ഡെലിവറി) എന്നാണ് വീഡിയോയ്ക്ക് ഡോണ ക്യാപ്ഷന്‍ നല്‍കിയിരിയ്ക്കുന്നത്.

എല്ലാ സജ്ജീകരണങ്ങളോടെയും അണിയ പ്രവര്‍ത്തകര്‍ ചുറ്റും നിന്ന് സഹകരിക്കുന്നതും അനുപമ പ്രസവ വേദനയില്‍ പുളയുന്നതും ആണ് കാണുന്നത്. ഒരാള്‍ പ്രസവ വേദനകൊണ്ട് പുളയുമ്പോള്‍ ചുറ്റും നിന്നവര്‍ അത് ആഘോഷമാക്കി ചിരിക്കുന്നതും വീഡിയോയില്‍ കാണാം. 'പരിപൂര്‍ണമായി ആഘോഷിക്കുക, നമ്മുടെ വിജയങ്ങള്‍ ആഘോഷിക്കുക, നമ്മുടെ പരാജയങ്ങള്‍ ആഘോഷിക്കുക, സങ്കടങ്ങള്‍ ആഘോഷിക്കുക' എന്ന മോഹന്‍ലാലിന്റെ ഒരു സിനിമ ഡയലോഗ് ആണ് പശ്ചാത്തലത്തില്‍ കേള്‍ക്കുന്നത്.



പൊട്ടിച്ചിരിയ്ക്കുന്ന ഇമോജികള്‍ വീഡിയോയ്ക്ക് താഴെ കാണാം. തമിഴില്‍ സൂപ്പര്‍ ഹിറ്റായ മെട്ടിഒലി എന്ന സീരിയലിന്റെ റീബൂട്ട് വേര്‍ഷന്‍ ആണ് കന്യാദാനം. ദേവന്‍ പ്രധാന വേഷത്തില്‍ എത്തുന്ന സീരിയല്‍ മനു വി നായര്‍ ആണ് സംവിധാനം ചെയ്യുന്നത്. അന്ന ഡോണ സീരിയലിലെ മറ്റൊരു പ്രധാന വേഷം ചെയ്യുന്നു. അശ്വതി പിള്ള, ശില്‍പ ശിവദാസ് സൗഫിയ സഖീര്‍ എന്നിവരാണ് മറ്റ് കേന്ദ്ര കഥാപാത്രങ്ങള്‍