ഷൂട്ടിങ്ങിനിടയിലെ വിശ്രമവേളകൾ ആനന്ദകരമാക്കി ഇവർ; അനുരാഗത്തിന്റെ ഷൂട്ടിംഗ് ലൊക്കേഷൻ കാഴ്ചകൾ വൈറൽ

കണ്ണീർ കഥകളിലെ നായികയായിരുന്ന രശ്മി ഇത്തവണ വളരെ ശക്തമായ സ്ത്രീ കഥാപാത്രത്തെയാണ് അവതരിപ്പിക്കുന്നത്.രശ്മി അവതരിപ്പിക്കുന്ന ഹേമാംബിക എന്ന കഥാപാത്രം പതിവ് രീതികളിൽ നിന്നും വിഭിന്നമായി സ്ത്രീത്വത്തിന് ഏറെ പ്രാധാന്യം നൽകുന്ന ജീവിതാവസ്ഥകളിലൂടെ സഞ്ചരിക്കുന്ന സ്ത്രീയാണ്.

രശ്മി സോമന് ഒപ്പം മികച്ച നർത്തകനും അഭിനേതാവുമായ ജോൺ അനുരാഗത്തിലൂടെ ആദ്യമായി മിനി സ്ക്രീനിൽ എത്തുകയാണ്.നിമിഷികയാണ് ജോണിന്റെ നായികയാവുന്നത്.

അനുരാഗത്തിന്റെ പിന്നാമ്പുറ കാഴ്ചകൾ ഇപ്പോൾ സോഷ്യൽ മീഡിയ വഴി വൈറൽ ആണ്. സ്ക്രീനിൽ തല്ലു പിടിക്കുന്ന കഥാപാത്രങ്ങൾ യഥാർത്ഥ ജീവിതത്തിൽ സൗഹൃദം കാത്ത് സൂക്ഷിക്കുന്നതിന്റെ നേർചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്.

മികച്ച നർത്തകൻ കൂടിയായ ജോണിന്റെ കരിയറിലെ വഴിത്തിരിവാണ് അനുരാഗം പരമ്പരയിലെ കഥാപാത്രം. സോഷ്യൽ മീഡിയയിൽ സജീവമായ താരമാണ് പ്രേക്ഷകർക്കായി ചിത്രങ്ങൾ പങ്ക് വച്ചത്.

മിനി സ്‌ക്രീൻ പ്രേക്ഷകരുടെ പ്രിയ താരമാണ് റൊൺസൺ. വില്ലനായിട്ടാണ് താരം ഈ പരമ്പരയിൽ പ്രത്യക്ഷപ്പെടുന്നത്.