വാനമ്പാടിയിൽ അനുശ്രീ അവതരിപ്പിച്ച അർച്ചന എന്ന കഥാപാത്രം പ്രേക്ഷകരുടെ ഉള്ളിൽ ആഴത്തിൽ ആണ് പതിഞ്ഞത്. അനുസരണയുള്ള മരുമകൾ; അനുസരണയുള്ള ഭാര്യ; അതൊക്കെയായിരുന്നു നമ്മുടെ സ്വീകരണമുറിയിൽ നിറഞ്ഞു നിന്ന അർച്ചന എന്ന കഥാപാത്രം. ഇപ്പോൾ പുതിയ ഒരു വിശേഷമാണ് സമയത്തിലൂടെ അനുശ്രീ പറയുന്നത്.
ALSO READ: 'ഇത് തികച്ചും പുതിയ അനുഭവം': പുത്തൻ ചുവടുവെപ്പിനെക്കുറിച്ചു സ്വാസിക വിജയ്
അഭിയത്തിലേക്ക് ആദ്യമായിഎത്തുന്നത് !
മീനാക്ഷി കല്യാണത്തിലൂടെയാണ് അഭിനയ രംഗത്തേക്ക് അനുശ്രീ ആദ്യമായി ചുവട് വയ്ക്കുന്നത്. ശേഷം അവതാരക ആയി തിളങ്ങിയ അനുശ്രീ വാനമ്പാടിയിൽ എത്തിയതോടെയാണ് കൂടുതൽ ശ്രദ്ധിക്കപ്പെട്ടത്. ആ വാനമ്പാടി നൽകിയ മറ്റൊരു സൗഭാഗ്യത്തെകുറിച്ചാണ് ഇപ്പോൾ താരം വാചാല ആകുന്നത്.
തമിഴിലേക്ക്!
വാനമ്പാടി തമിഴിലേക്ക് എത്തിയപ്പോൾ മൗനരാഗം ആയിട്ടാണ് പ്രേക്ഷകരിലേക്ക് എത്തുന്നത്. അതിൽ പദ്മിനി ആയി വേഷം ഇടാൻ പോകുന്നത് അനുശ്രീ ആണ്. വളരെ അപ്രതീക്ഷിതമായിട്ടാണ് ആ ഭാഗ്യം തനിക്ക് കിട്ടിയതെന്ന് അനുശ്രീ പറയുന്നു. മൗനരാഗം എന്ന പേരിൽ ആണ് വിജയ് ടിവിയിലൂടെ വാനമ്പാടിയുടെ തമിഴ് പതിപ്പ് സംപ്രേക്ഷണം ചെയ്യുന്നത്. രജപുത്ര പ്രൊഡക്ഷൻ തന്നെയാണ് മൗനരാഗത്തിന്റെയും നിർമ്മാണം.
കാദംബരി!
സോഫ്റ്റ് ടച്ചുള്ള അർച്ചനയിൽ നിന്നും കാദംബരി (മലയാളത്തിലെ പദ്മിനി എന്ന കഥാപാത്രം)യിലേക്ക് എത്തുമ്പോൾ നല്ല ടെൻഷൻ ഉണ്ടായിരുന്നു. തമിഴ് എനിക്ക് ഒട്ടും അറിയില്ല. ആദ്യമൊക്കെ മോഡുലേഷൻ ഒക്കെ നല്ല ബുദ്ധിമുട്ട് തോന്നിയിരുന്നു. പിന്നെ എല്ലാവരും തന്ന പിന്തുണ കൊണ്ടാണ് കാദംബരി ഏറ്റെടുത്തത്.
അത്ര ഈസി ആയിരുന്നില്ല!
ആക്ച്വലി കാദംബരിയെ അവതരിപ്പിച്ചുകൊണ്ടിരുന്നത് മറ്റൊരു നടിയായിരുന്നു. അത്രയും പെർഫെക്ഷനോടെയാണ് അവർ അത് അവതരിപ്പിച്ചുകൊണ്ടിരുന്നത്. അപ്പോൾ റീപ്ലെസ് ചെയ്യുമ്പോൾ ആളുകൾ എന്നെ എത്ര അഗീകരിക്കും എന്നോർത്ത് നല്ല ടെൻഷൻ ഉണ്ട്. പിന്നെ അപ്രതീക്ഷിതമായി കിട്ടിയ അവസരം ആയതുകൊണ്ടുതന്നെ എന്റെ പരമാവധി എഫർട്ട് എടുക്കാൻ ശ്രമിക്കുന്നുണ്ട്.
ഷൂട്ട് തിരുവനന്തപുരത്ത്!
തിരുവനന്തപുരത്തുവച്ചാണ് ഷൂട്ട് നടക്കുന്നത്. ലോക് ഡൌൺ മാനദണ്ഡങ്ങൾ എല്ലാം പാലിച്ചുകൊണ്ടാണ് ഷൂട്ടിംഗ്. പുറത്തുനിന്നും വരുന്ന ആർട്ടിസ്റ്റുകളെ ക്വാറന്റൈൻ ചെയ്ത ശേഷം ഒക്കെയാണ് ഓരോ ഷെഡ്യൂളിലേക്കും എത്തിക്കുന്നത് എന്നും അനുശ്രീ പറയുന്നു.