എന്റെ പ്രണയം, സൗഭാഗ്യയ്‌ക്കൊപ്പമുള്ള റൊമാന്റിക് നിമിഷങ്ങള്‍, ചിത്രങ്ങളുമായി അര്‍ജുന്‍

സൗഭാഗ്യ വെങ്കിടേഷിനോട് പ്രേക്ഷകര്‍ക്ക് പ്രത്യേകമായൊരു ഇഷ്ടമുണ്ട്. നൃത്തം മാത്രമല്ല ടിക് ടോക് വീഡിയോയുമായും താരപുത്രി എത്താറുണ്ട്. താരകല്യാണും സൗഭാഗ്യയും ഇടയ്ക്ക് ഒരുമിച്ച് നൃത്തവും രസകരമായ വീഡിയോയുമായുമൊക്കെ പങ്കുവെച്ച് ഇവരെത്താറുണ്ട്. പ്രണയവിവാഹമായിരുന്നു സൗഭാഗ്യയുടേത്. സുഹൃത്തായ അര്‍ജുന്‍ സോമശേഖറിനെയായിരുന്നു താരം വിവാഹം ചെയ്തത്. വിവാഹത്തെക്കുറിച്ച് മകള്‍ പറഞ്ഞപ്പോള്‍ ഒരുപാട് സന്തോഷം തോന്നിയെന്നായിരുന്നു താര കല്യാണ്‍ പറഞ്ഞത്. ഡബ്‌സ്മാഷ് വീഡിയോ പങ്കുവെച്ചും ഡാന്‍സ് ചെയ്തുമൊക്കെ ഇവരെത്താറുണ്ട്.

Also Read: ജാമ്യം കിട്ടിയിട്ടും കാര്യമില്ല; ലക്ഷ്മിയെ മാറ്റിയത് തന്നെ; ആനിയായി കാർത്തുവിന്റെ കന്യ!

ഡാന്‍സ് മാത്രമല്ല അഭിനയവും തനിക്ക് വഴങ്ങുമെന്ന് അര്‍ജുന്‍ തെളിയിച്ചുകൊണ്ടിരിക്കുകയാണ്. ഫ്‌ളവേഴ്‌സ് ചാനലില്‍ സംപ്രേഷണം ചെയ്തുവരുന്ന ചക്കപ്പഴമെന്ന ഹാസ്യ പരമ്പരയില്‍ ശിവന്‍ എന്ന കഥാപാത്രത്തെയാണ് താരം അവതരിപ്പിക്കുന്നത്. തിരുവനന്തപുരം ശൈലിയിലുള്ള സംസാരമാണ് തനിക്ക് അഭിനയിക്കാനുള്ള അവസരം നേടിത്തന്നതെന്ന് താരം അര്‍ജുന്‍ പറഞ്ഞിരുന്നു.

Also Read: സൗഹൃദമൊക്കെ ശരി ഇത് തെറ്റ്; ബോഡി ഷെയ്‌മിങ്ങിന് ഇട്ടുകൊടുത്തില്ലേ; സാബുമോനോട് ദിയ!

ചിത്രീകരണത്തിനിടയില്‍ ഭാര്യയെ മിസ്സ് ചെയ്യുന്നതിനെക്കുറിച്ച് പറഞ്ഞെത്തിയിരിക്കുകയാണ് താരം ഇപ്പോള്‍. സൗഭാഗ്യയ്‌ക്കൊപ്പമുള്ള പ്രിയനിമിഷങ്ങളുടെ ചിത്രങ്ങള്‍ ഇതിനകം തന്നെ വൈറലായി മാറിക്കഴിഞ്ഞിട്ടുമുണ്ട്. പഴയ ചിത്രങ്ങളാണ് ഇതെന്നും അര്‍ജുന്‍ പറഞ്ഞിരുന്നു. പാവം പൈങ്കിളിയെന്നുള്ള കമന്റുമായാണ് ആരാധകര്‍ എത്തിയിട്ടുള്ളത്. ചക്കപ്പഴം പരമ്പരയില്‍ ശിവന്റെ ഭാര്യയുടെ പേര് പൈങ്കിളിയെന്നാണ്. ഇതൊന്നും പൈങ്കിളി കാണുന്നില്ലേയെന്നുള്ള ചോദ്യങ്ങളും ചിത്രത്തിന് കീഴിലുണ്ട്.