ചിത്രങ്ങൾ - അച്ചു എസ്.പി
Also Read: ഈ വീട്ടിലെ അടുത്ത അതിഥി ഞങ്ങളുടെ കുഞ്ഞായിരിക്കുമെന്നായിരുന്നു എല്ലാവരും കരുതിയത്! വന്നത് ഇവളാണ്! വിശേഷങ്ങൾ പങ്കിട്ട് സൗഭാഗ്യയും അർജുനും
ഒരു അടിയിലേക്ക് പോകും മുമ്പ് മാറി
പ്രേക്ഷകരുടെ പ്രിയതാരങ്ങളായ സൗഭാഗ്യയും അര്‍ജ്ജുനും കുഞ്ഞിനായുള്ള കാത്തിരിപ്പിലാണിപ്പോള്‍. ചക്കപ്പഴത്തിലൂടെ പ്രേക്ഷകരുടെ പ്രിയ്യങ്കരനായി തീര്‍ന്ന അര്‍ജ്ജുന്‍ അതില്‍ നിന്നും പിന്മാറിയതിന് പിന്നിലെ യഥാർഥ കാരണം വ്യക്തമാക്കിയിരിക്കുകയാണ്. ഒപ്പം സൗഭാഗ്യയുടെടെ അമ്മ താരകല്യാണിന്‍റേയും മുത്തശ്ശി സുഭലക്ഷ്മിയുടേയും രസകരമായ ചില വിശേഷങ്ങളും അര്‍ജുനും സൗഭാഗ്യവും പറഞ്ഞിരിക്കുകയാണ്. ചക്കപ്പഴത്തിൽ നിന്നാണ് ഇത്രയും ഫെയിം എനിക്ക് ലഭിച്ചത്. എന്‍റെ ലൈഫ് സ്റ്റൈൽ ഇതൊക്കെയാണ്, പട്ടികളുള്ളതുകൊണ്ടാണ്, ഭാര്യ വിടാത്തതുകൊണ്ടാണെന്നൊക്കെ അവിടെയും ഇവിടേയുമൊക്കെ പലരും കമന്‍റുകളിട്ട് കണ്ടു. പോകണോ വേണ്ടയോ എന്ന് തീരുമാനിക്കുന്നത് ഞാനാണ്. ചക്കപ്പഴം സമയത്ത് കുറെ കാര്യങ്ങളിൽ ബാലൻസ്ഡ് അല്ലായിരുന്നു. കുറെ ദിവസം അതിനായി പോകുന്ന അവസ്ഥയുണ്ടായി, പക്ഷേ അതിനുള്ള ബെനിഫിറ്റ് ഇല്ലാത്ത സ്ഥിതി. ഒരു അടിയിലേക്ക് പോകുന്നതിനേക്കാള്‍ നല്ലത് നല്ല സമയത്ത് തന്നെ പറഞ്ഞിറങ്ങുന്നതാണെന്ന് തോന്നി, അര്‍ജുൻ പറയുകയാണ്.
വ്യക്തിപരമായ ഇഷ്ടങ്ങൾ
എല്ലാം ജോലിയും അങ്ങനെയാണല്ലോ. ഫാമിലി റൺ ചെയ്യാനാണല്ലോ, അതുവഴി ഏൺ ചെയ്യാനാണ് ജോലി ചെയ്യുന്നത്. അതിൽ സംതൃപ്തിയല്ലെങ്കിൽ തുടര്‍ന്നിട്ട് കാര്യമില്ലല്ലോ. സാധാരണ ഒരാള്‍ ജോലി നോക്കുന്നതുപോലെ, എവിടെയങ്കിലും ഇഷ്ടമല്ലെങ്കിൽ ഒരു സ്ഥലത്ത് നിന്ന് മാറില്ലേ, അത്രയേയുള്ളൂ, . ഫാമിലിയായിട്ട് നിൽക്കുന്നൊരാള്‍ക്ക് പലതും നോക്കേണ്ടി വരുമല്ലോ, സിംഗിള്‍ ആയിരിക്കുമ്പോള്‍ ഫെയിം മാത്രം നോക്കിയാൽ മതിയല്ലോ. ഇപ്പോള്‍ ബെറ്റര്‍ അവസരങ്ങള്‍ നോക്കിപോകുന്നുവെന്ന് സൗഭാഗ്യയും പറഞ്ഞു. എല്ലാവരും അവരവരുടെ ജോലി ചെയ്യുന്നതിനാൽ ഇപ്പോഴിങ്ങനെ ചിരിച്ചിരിക്കാൻ പറ്റുന്നു. ഈ സമയം മാറി നിന്ന് സപ്പോര്‍ട്ട് കൊടുക്കുന്നതിനേക്കാള്‍ അടുത്തുവേണമെന്ന് തോന്നിയെന്ന് അര്‍ജുനും പറയുകയുണ്ടായി. ചക്കപ്പഴത്തിൽ അവസാന സമയം വരെ ഹാപ്പിയായി, ജോളിയായി ചെയ്താണ് നിര്‍ത്തിയത്. ഞാൻ ചിലപ്പോള്‍ ഒട്ടും ഫോക്കസ്ഡ് അല്ലെന്ന് ചിലര്‍ക്ക് തോന്നും, പക്ഷേ എനിക്ക് കുറെ എക്സീപീരിയൻസ് ലഭിച്ചു. അടുത്തിടെ ടാറ്റു ചെയ്യാൻ സുഹൃത്ത് പറഞ്ഞിട്ട് പഠിച്ചു. ഭാര്യക്ക് വരെ ഞാൻ ടാറ്റു ചെയ്തു. സുഹൃത്തുകള്‍ക്കും ചെയ്തും. വ്യക്തിപരമായ ഓരോ ഇഷ്ടങ്ങള്‍, അര്‍ജുൻ പറഞ്ഞു.
സൗഭാഗ്യയും അര്‍ജ്ജുനും ഇങ്ങനെ തുറന്നടിച്ച് പറയുമെന്ന് കരുതിയില്ല!! വീഡിയോ കാണാം
ലെറ്റ്സ് റോക്ക് ആൻഡ് റോള്‍ ഭയങ്കര ഫണ്ണിയാണ്
നല്ല അവസരങ്ങള്‍ കിട്ടിയപ്പോള്‍ മാറി. ഇപ്പോള്‍ സീ കേരളത്തിൽ ലെറ്റ്സ് റോക്ക് ആൻഡ് റോള്‍ എന്ന പരിപാടിയിലാണ്, ഭയങ്കര രസമാണ്. എൻജോയ് ചെയ്യുന്നു. എല്ലാവരും ഭയങ്കര ഫ്രണ്ട്ലി, ഫണ്ണി. വീട് മിസ് ചെയ്യുന്നുണ്ട്. ഞങ്ങളുടെ കുടുംബത്തിൽ അടുപ്പിച്ചടുപ്പിച്ച് ചില വേര്‍പാടുകള്‍ ഉണ്ടായി, ഈ സമയം മെന്‍റൽ റിലീഫിന് ഭയങ്കര നല്ലതാണെന്ന് തോന്നി. ഏറെ ആഗ്രഹിച്ച് ബൈക്ക് വാങ്ങിയിട്ട് ആലിപ്പഴം പഴുത്തപ്പോള്‍ കാക്കയ്ക്ക് വായ്പുണ്ണ് എന്ന് പറഞ്ഞ അവസ്ഥയായിരുന്നു. ഭയങ്കര ആഗ്രഹത്തോടെയാണ് വാങ്ങിയത്. വണ്ടിയെടുത്ത് കഴിഞ്ഞപ്പോള്‍ ലോക്ഡൗൺ ആയി. പിന്നെ ദിവസവും തുടച്ചു വയ്ക്കും, വീടിന് മുമ്പിലിട്ട് ഓടിക്കും. എനിക്കങ്ങോട് സഹിക്കാൻ പറ്റണില്ല. സൗഭാഗ്യയ്ക്കും ബൈക്കിൽ കയറാൻ പറ്റിയില്ല, അര്‍ജുൻ പറഞ്ഞു.
ഗേൾ ബേബിയെ കൂടുതലിഷ്ടം
കൂടുതലിഷ്ടം ഗേള്‍ ബേബിയെയാണ്. ഇവിടെ കൂടുതലാളുകള്‍ക്കും പെൺകുട്ടി വേണമെന്നാണ് ഇഷ്ടം. ആര് വന്നാലും സന്തോഷം. അഞ്ചാറുവര്‍ഷമായി പെൺകുട്ടിക്കുള്ള പേരിട്ട് വെച്ചിരിക്കുയാണ്. പയ്യനുവേണ്ടിയുള്ള പേര് ഒരുമാസം മുമ്പാണ് ഫിക്സ് ചെയ്തത്, ജനുവരിയിലേ പേരൊക്കെ പുറത്തുവിടൂ, അര്‍ജുനും സൗഭാഗ്യയും പറഞ്ഞു. ഇപ്പോള്‍ ഡാൻസ് ഓൺലൈനായി പഠിപ്പിക്കുന്നുണ്ട്, പ്രഗ്നന്‍റായതിനാൽ അധികം ദേഹം അനങ്ങരുതെന്ന് പറഞ്ഞതിനാൽ ഇപ്പോള്‍ അമ്മയും സഹായിക്കാനെത്തുന്നുണ്ടെന്ന് സൗഭാഗ്യ പറഞ്ഞു. മുത്തശ്ശി രൺബീര്‍ കപൂറിനും സുശാന്ത് സിങ്ങിനും ഒപ്പമൊക്കെ അഭിനയിക്കാൻ പോയ സമയത്ത് അവരൊക്കെ ആരായിരുന്നുവെന്ന് അറിഞ്ഞിരുന്നില്ലെന്നും വീട്ടിൽ തിരിച്ചെത്തി ഒരുമിച്ചെടുത്ത ഫോട്ടോ കണ്ടപ്പോള്‍ ഞങ്ങൾ പറഞ്ഞാണ് അറിഞ്ഞതെന്നും അര്‍ജുൻ പറയുകയുണ്ടായി.