നടന്നുകൊണ്ടിരിയ്ക്കുന്ന പ്രശ്‌നം
സുമിത്രയുടെ പേരിലുള്ള വീടിന്റെ ആധാരം സരസ്വതി അമ്മയിലൂടെ തട്ടിയെടുത്ത വേദിക അത് പണയം വച്ച് കാര്‍ വാങ്ങാനുള്ള പുറപ്പാടാണ്. പണം തിരികെ നല്‍കാതിരുന്നാല്‍ വീട് സുമിത്രയ്ക്ക് നഷ്ടപ്പെടും എന്നും അതിലൂടെ സുമിത്രയുടെ മേല്‍ തനിയ്ക്ക് വിജയം നേടാം എന്നുമാണ് വേദിക ചിന്തിയ്ക്കുന്നത്.
ശീതളിനൊപ്പം പോകാനൊരുങ്ങി സിദ്ധാര്‍ത്ഥ്
അതേ സമയം മറ്റൊരു വശത്ത് ശീതളിന് അഡ്മിഷന് എടുക്കാന്‍ സുമിത്രയ്‌ക്കൊപ്പം സിദ്ധാര്‍ത്ഥും വേണം എന്ന ആവശ്യം വേദികയെ അസ്വസ്ഥയാക്കുന്നു. അഡ്മിഷന് പോകേണ്ട, തനിയ്‌ക്കൊപ്പം കാര്‍ വാങ്ങാന്‍ വരണം എന്ന വേദികയുടെ ആവശ്യം സിദ്ധാര്‍ത്ഥ് തള്ളിക്കളയുകയും ചെയ്യുന്നു.
പോകരുത് എന്ന് വേദി
ഈ സാഹചര്യത്തിലാണ് വേദിക സുമിത്രയെ വിളിച്ച് നീ സിദ്ധാര്‍ത്ഥിനെ കൂട്ടി കൊണ്ടു പോകരുത്. മറ്റൊരുത്തിയുടെ ഭര്‍ത്താവിനെ കൂട്ടിക്കൊണ്ടുപോകുന്നത് മാനാഭിമാനം ഉള്ളവര്‍ക്ക് ചേര്‍ന്നതല്ല എന്നൊക്കെ പറഞ്ഞ് പ്രകോപിപ്പിയ്ക്കുന്നത്. എന്നാല്‍ സുമിത്രയ്ക്ക് ആ പ്രകോപനം ഒന്നും ഏല്‍ക്കുന്നതേയില്ല. വടി കൊടുത്ത് അടി വാങ്ങിയ അവസ്ഥയിലാണ് വേദിക.
സുമിത്രയുടെ മറുപടി കലക്കി
പണ്ട് സിദ്ധാര്‍ത്ഥ് മറ്റൊരുത്തിയായ തന്റെ ഭര്‍ത്താവ് ആയിരുന്ന സമയത്ത് നീ അഴിഞ്ഞാടിയത് എന്ത് മാനാഭിമാനം ഉണ്ടായിട്ടാണ് എന്ന സുമിത്രയുടെ ചോദ്യത്തിന് മുന്നില്‍ വേദിക ഉത്തരം മുട്ടുന്നു. സുമിത്രയുടെ മാസ് ഡയലോഗിന് കൈയ്യടിയ്ക്കുകയാണ് ഫാന്‍സ്. കൊടുത്ത് വാങ്ങുന്ന വേദികയുടെ ശീലം നിര്‍ത്താനായില്ലേ എന്നാണ് യൂട്യൂബില്‍ ആരാധകരുടെ ചോദ്യം.
വേദിക ജയിലേക്ക്
അതേ സമയം സുമിത്രയെ കുടുക്കാന്‍ ശ്രമിച്ച വേദിക ജയിലിലാകുന്നതും മറ്റൊരു പ്രമോ വീഡിയോയില്‍ കാണാം. ജയിലഴിയ്ക്കുള്ളളില്‍ വേദിക മറ്റ് ജയില്‍പുള്ളികള്‍ക്കൊപ്പം ഇരിയ്ക്കുന്നതാണ് കാണുന്നത്. തെളിവ് സഹിതം പൊലീസ് വേദികയെ പിടികൂടുന്നുണ്ട്. സഹായിച്ച സരസ്വതി അമ്മയെ ശിവദാസ് മേനോന്‍ വീട്ടില്‍ നിന്ന് പുറത്താക്കുകയും ചെയ്യുന്നു.