ഐശ്വര്യയുടെ ചിത്രത്തിന് താഴെ അശ്ലീലച്ചുവയുള്ള കമൻ്റ്; സൈബർ ഞരമ്പനെ കണ്ടം വഴി ഓടിച്ച് സുഹൃത്തുക്കൾ!

ഐശ്വര്യ രാജീവ് മിനിസ്ക്രീൻ പ്രേക്ഷകർക്ക് സുപരിചിതയാണ്. സീരിയലുകളിലൂടെയുള്ള പരിചയത്തിലുപരി ഐശ്വര്യയെ കൂടുതൽ പരിചയം ഠമാർ പഠാർ എന്ന ഹിറ്റ് ഷോയിലൂടെയാകും. ഷോയിൽ പ്രത്യക്ഷപ്പെടുന്ന താരപ്രഭയില്ലാത്ത താരങ്ങളുടെ കുസൃതി നിറഞ്ഞ കളിചിരി തമാശകളിലൂടെയാകും ഐശ്വര്യയെ കൂടുതൽ പേരും മനസിലാക്കുക. ഇന്ന് രാവിലെയാണ് ഐശ്വര്യ സോഷ്യൽ മീഡിയയിൽ ഈദ് മുബാരക് ആശംസിച്ചുകൊണ്ട് പോസ്റ്റ് പങ്കുവെച്ചത്. ഒരു തട്ടമിട്ട ചിത്രം പങ്കുവെച്ചുകൊണ്ടായിരുന്നു ആശംസ. ആഘോഷങ്ങളില്ല, ആശംസ മാത്രം എന്നായിരുന്നു ക്യാപ്ഷനായി ഐശ്വര്യ ചിത്രത്തോടൊപ്പം ചേർത്തിരുന്നത്.

Also Read: ഗുരുവിൻ്റെ പിറന്നാളിന് നൽകാൻ ഇതിലും വലിയ സമ്മാനം വേറെയെന്തുണ്ട്!

എന്നാൽ ചിത്രത്തിനു താഴെ തീർത്തും അശ്ലീലച്ചുവയുള്ള ഭാഷയിൽ ഒരാൾ കമൻ്റ് ചെയ്യുകയായിരുന്നു. ഇത് ശ്രദ്ധയിൽപെട്ട ഐശ്വര്യയുടെ സുഹൃത്തുക്കളും ആരാധകരുമൊക്കെ അയാൾക്കെതിരെ വാളുമായി രംഗത്തെത്തി. എന്തിനാണ് ഇത്തരമൊരു പോസ്റ്റിന് താഴെ ദ്വയാർത്ഥ പ്രയോഗം നടത്തി അശ്ലീലം പറയുന്നതെന്നായിരുന്നു അവരെല്ലാം ചോദിച്ചത്. എന്നാൽ കമൻ്റുകൾക്കൊന്നും മറുപടി നൽകാതെ അയാൾ സ്ഥലം കാലിയാക്കുകയായിരുന്നു. സന്തോഷ് കുമാർ വടകര എന്ന അക്കൌണ്ടിൽ നിന്നായിരുന്നു ദ്വയാർത്ഥ പ്രയോഗമുള്ള കമൻ്റ് വീണത്.

Also Read: 'ലെച്ചുവിൻ്റെ ആദ്യ വരന്' ഉടൻ കല്യാണമോ?

എന്നാൽ ആരാധകരും സുഹൃത്തുക്കളുമെല്ലാം ഒന്നിച്ചതോടെ ഇയാൾ മുട്ടുമടക്കി കണ്ടം വഴി ഓടുകയായിരുന്നു. സ്വന്തം മനസ്സ് വൃത്തിയായി സൂക്ഷിച്ച ശേഷം മാത്രം മറ്റുള്ളവരുടെ കാര്യത്തിൽ ഇടപെട്ടാൽ മതിയെന്നും അനാവശ്യമായി ആരെയും പരിഹസിക്കേണ്ടതില്ലെന്നും ഭാഷാശുദ്ധിയോടെ സംസാരിക്കൂ എന്നൊക്കെയാണ് സന്തോഷിന് കിട്ടിയ മറുപടികളിൽ ചിലത്. എന്നാൽ സന്തോഷ് നൽകിയ റിപ്ലേയുടെ അതേ ഭാഷയിൽ തന്നെ അയാൾക്ക് മറുപടി കൊടുത്തവരുമുണ്ട്.