ശ്രീകണ്ഠൻ നായരും സീരിയൽ രംഗത്തേയ്ക്ക്!

കൂടത്തായി പരമ്പര ഇന്ന് മുതൽ പ്രേക്ഷകരുടെ മുന്നിലേക്ക് എത്തുമ്പോൾ അരങ്ങിനു പിറകിൽ ചരട് വലിച്ചു ശ്രീകണ്ഠൻ നായരും. കൂടത്തായി പരമ്പര ഗിരീഷ് കോന്നി സംവിധാനം ചെയ്യുമ്പോൾ പ്രശസ്ത മാധ്യമ പ്രവർത്തകനും, ഫ്‌ളവേഴ്‌സ് ഗ്രൂപ് എം ഡിയുമായ ശ്രീകണ്ഠൻ നായർ ആണ് പരമ്പരയ്ക്ക് തിരക്കഥ ഒരുക്കുന്നത്. അവതാരകനും പഴയകാല അദ്ധ്യാപകനുമായ ശ്രീകണ്ഠൻ നായർ പരസ്യചിത്രങ്ങളിലും അഭിനയിച്ചിട്ടുണ്ട്.


തന്റെ സ്വതസ്സിദ്ധമായ ആക്ഷേപ ഹാസ്യപരമായ ചോദ്യങ്ങളിലൂടെ അദ്ദേഹം അവതരിപ്പിച്ചിരുന്ന നമ്മൾ തമ്മിൽ എന്ന പരിപാടി (ഏഷ്യാനെറ്റ്) ജനപ്രിയമാക്കിയതില്‍ അദ്ദേഹത്തിന്റെ പങ്ക് എടുത്ത് പറയേണ്ടതാണ്. പിന്നീടാണ് ഫ്‌ളവേഴ്‌സ് ഗ്രൂപ്പ് തലപ്പത്തേക്ക് ആദ്ദേഹം എത്തുന്നത്. പത്രപ്രവർത്തകനായിരുന്ന ശ്രീകണ്ഠൻ നായർ തിരക്കഥാകൃത്തായി എത്തുന്നതിന്റെ ത്രില്ലിലാണ് ഇപ്പോൾ പ്രേക്ഷക ലോകം. മാത്രമല്ല കേരളത്തെ ഞെട്ടിച്ച കൊലപാതക പരമ്പര തങ്ങളുടെ സ്വീകരണ മുറിയിലേക്ക് എത്തുന്നതിന്റെ ആകാംക്ഷയുമുണ്ട്.


READ ALSO : വിഷ്ണുവിന്റെ ഉത്തരങ്ങൾ ഒരു കോടിയിലേക്കോ; ഈ സീസണിലെ ആദ്യ കോടീശ്വരൻ ഈ നെയ്യാറ്റിൻകരക്കാരനോ?

ഫ്ളവേഴ്സ് ചാനലിലാണ് ‘കൂടത്തായി: ദ ഗെയിം ഓഫ് ഡെത്ത്’ സംപ്രേക്ഷണം ചെയ്യപ്പെടുന്നത്. എല്ലാ ദിവസവും രാത്രി 9:30 നാണ് സംപ്രേക്ഷണം. മുക്ത ജോര്ജ് , ഷാനവാസ് ഷാനു തുടങ്ങി ഒട്ടനവധി പ്രമുഖ താരങ്ങൾ ഈ പരമ്പരയിലൂടെ സ്‌ക്രീനിൽ എത്തുന്നുണ്ട്.