കാവ്യയും ജീവയും പ്രണയത്തിലാണ്, ഓഫ് സ്‌ക്രീനില്‍ ഞങ്ങള്‍ ടോം ആന്‍ഡ് ജെറിയാണെന്ന് ശ്രീറാം

ടെലിവിഷന്‍ പ്രേക്ഷകരുടെ പ്രിയപ്പെട്ട പരമ്പരകളിലൊന്നാണ് കസ്തൂരിമാന്‍. സിനിമാനടനായ ജീവയുടേയും വക്കീലായ കാവ്യയുടേയും മനോഹരമായ പ്രണയത്തിന്റെ കഥ പറയുന്ന പരമ്പര വിജയകരമായി മുന്നേറുകയാണ്. കാവ്യയ്ക്കും ജീവക്കും ഇരട്ടക്കുട്ടികള്‍ ജനിക്കുന്നതും ഇരുവരും പിരിഞ്ഞ് താമസിക്കുന്നതുമൊക്കെയാണ് നിലവില്‍ കാണിക്കുന്നത്. മാതാപിതാക്കളെ ഒന്നിപ്പിക്കാനുള്ള ശ്രമത്തിലാണ് മക്കള്‍. ജീവ്യ ജോഡികളെ പ്രേക്ഷകര്‍ക്ക് ഏറെ പ്രിയപ്പെട്ടതാണ്. ഇവരുടെ പ്രണയനിമിഷങ്ങളെല്ലാം പെട്ടെന്നാണ് ശ്രദ്ധിക്കപ്പെടാറുള്ളത്.

Also Read: അമ്മ ബോധം കെട്ട് വീണതും അമൃത പൊട്ടിക്കരഞ്ഞതും ബാലക്കൊപ്പമുള്ള ജീവിതവും എല്ലാം കണ്ടു; ഒന്നേ പറയാനൊള്ളൂ; അമൃതയോട് അഭ്യർത്ഥന!

ശ്രീറാം രാമചന്ദ്രനാണ് ജീവയെ അവതരിപ്പിക്കുന്നത് കാവ്യയ്ക്ക് ജീവന്‍ പകരുന്നത് റെബേക്ക സന്തോഷാണ്. അഭിനയത്തിന് പുറമെ അവതരണത്തിലൂടെയും ശ്രദ്ധ നേടിയിട്ടുണ്ട് റെബേക്ക. മലര്‍വാടി ആര്‍ട്‌സ്‌ക്ലബും ഉയരെയുമുള്‍പ്പടെ നിരവധി സിനിമകളുടെ ഭാഗമായിട്ടുണ്ട് ശ്രീറാം. സോഷ്യല്‍ മീഡിയയില്‍ സജീവമാണ് ഇരുവരും. ഇവര്‍ പങ്കുവെക്കുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഏഷ്യാനെറ്റിലെ പ്രധാന പരിപാടികളിലൊന്നായ കോമഡി സ്റ്റാര്‍സില്‍ പങ്കെടുത്തതിന്റെ വിശേഷങ്ങളാണ് ഇപ്പോള്‍ പുറത്തുവന്നിട്ടുള്ളത്.

Also Read: യുഡിഎഫ് പണിഞ്ഞാൽ കമ്പിയില്ല, എൽഡിഎഫ് പണിഞ്ഞാൽ സിമന്‍റില്ല!

സ്‌ക്രീനിലെ റൊമാന്റിക് കപ്പിള്‍സ് ജീവിതത്തില്‍ ടോം ആന്‍ഡ് ജെറിയാണ്. അതിനുള്ള ഉദാഹരണമാണ് ഈ ചിത്രമെന്നായിരുന്നു ശ്രീറാം കുറിച്ചത്. ജീവ്യ ജോഡികളുടെ പുതിയ ചിത്രങ്ങള്‍ക്ക് കീഴില്‍ നിരവധി പേരാണ് കമന്റുകളുമായെത്തിയിട്ടുള്ളത്. പൊളിയെന്ന് പറഞ്ഞായിരുന്നു റെബേക്ക സന്തോഷും എത്തിയത്. കസ്തൂരിമാനില്‍ എന്നാണ് ഇനി ഇരുവരും ഒരുമിക്കുന്നതെന്നായിരുന്നു ചിലരുടെ ചോദ്യം.