'സ്വഭാവത്തിൽ ഏറ്റവും പ്രായം കുറഞ്ഞ രണ്ടു രത്നങ്ങൾക്കൊപ്പം' ശ്രീറാം പങ്കിട്ട ചിത്രം!

മിനി സ്‌ക്രീൻ പ്രേക്ഷകരുടെ സ്വന്തം ജീവയാണ് ശ്രീറാം രാമചന്ദ്രൻ. കസ്തൂരിമാന്‍ പരമ്പരയിൽ എത്തിയതോടെയാണ് ശ്രീറാം ഏറെ ശ്രദ്ധിക്കപ്പെടുന്ന താരമായി മാറിയത്. നിറഞ്ഞ കൈയ്യടിയാണ് കുടുംബസദസ്സുകൾ ജീവക്ക് നൽകുന്നതും.

കാവ്യയ്ക്കും ജീവക്കും ഇരട്ടക്കുട്ടികള്‍ ജനിക്കുന്നതും ഇരുവരും പിരിഞ്ഞ് താമസിക്കുന്നതുമൊക്കെയാണ് നിലവിലെ കഥാഗതി. മാതാപിതാക്കളെ ഒന്നിപ്പിക്കാനുള്ള ശ്രമത്തിലാണ് മക്കള്‍. ജീവ്യ ജോഡികളെ പ്രേക്ഷകര്‍ക്ക് ഏറെ പ്രിയപ്പെട്ടതാണ്. ഇവരുടെ പ്രണയനിമിഷങ്ങളെല്ലാം പെട്ടെന്നാണ് ശ്രദ്ധിക്കപ്പെടാറുള്ളത്.

ALSO READ: എനിക്ക് ഒന്നും സംഭവിച്ചിട്ടില്ല; ഞാൻ പൂർണ്ണ ആരോഗ്യവാൻ ആണ്; അവരുടെ തെറ്റാണ്; ഷാനവാസ്

മലര്‍വാടി ആര്‍ട്‌സ്‌ക്ലബും ഉയരെയുമുള്‍പ്പടെ നിരവധി സിനിമകളുടെ ഭാഗമായ ശ്രീറാം സോഷ്യല്‍ മീഡിയയില്‍ സജീവമാണ്. അദ്ദേഹം പങ്കുവെക്കുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്.

ALSO READ: 'ഒരു ടൈം മിഷീൻ ദൈവം വരമായി തന്നാൽ, ഞാൻ ആ ഭാഗ്യംകെട്ട ദിവസത്തേക്ക് തിരിച്ചു പോകും'; പ്രിയസുഹൃത്തിനെ ഓർമിച്ചു

ഏഷ്യാനെറ്റിലെ പ്രധാന പരിപാടികളിലൊന്നായ കോമഡി സ്റ്റാര്‍സില്‍ പങ്കെടുത്തതിന്റെ വിശേഷങ്ങൾ അദ്ദേഹം പങ്ക് വച്ചത് ഏറെ വൈറൽ ആയിരുന്നു. ഇതിനു പിന്നാലെയാണ് ഇപ്പോൾ സീനിയർ താരങ്ങൾ ആയ ശ്രീലത നമ്പൂതിരിക്കും സേതുലക്ഷ്മിക്കും ഒപ്പമുള്ള ചിത്രമാണ് ശ്രീറാം പങ്കിട്ടിരിക്കുന്നത്.

'ലൊക്കേഷനിൽ സ്വഭാവത്തിൽ ഏറ്റവും പ്രായം കുറഞ്ഞ രണ്ടു രത്നങ്ങൾക്കൊപ്പം', എന്ന ക്യാപ്‌ഷനു ഒപ്പമാണ് ശ്രീറാം ചിത്രം പങ്ക് വച്ചത്. ചിത്രം ഇതിനകം തന്നെ വൈറൽ ആയെന്ന് മാത്രം അല്ല, നിരവധി ആരാധകർ ആണ് വിവിധ അഭിപ്രായങ്ങളുമായി എത്തുന്നതും.