കൂടത്തായി ഇനിയില്ല; കണ്ണീരോടെ, നന്ദിയുമായി മുക്ത!

മലയാളി മിനിസ്ക്രീൻ പ്രേക്ഷകരുടെ പ്രിയപ്പെട്ട അഭിനേത്രികളിലൊരാളാണ് മുക്ത. കൂടത്തായി പരമ്പരയിലൂടെ അഭിനയത്തിൽ തിരിച്ചുവരവ് നടത്തിയ നടി ഇപ്പോൾ സോഷ്യൽ മീഡിയയിലും വളരെ സജീവമാണ്. അച്ഛനുറങ്ങാത്ത വീട് എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച മുക്ത പിന്നീട് തെന്നിന്ത്യൻ സിനിമകളിലെ സ്ഥിരം സാന്നിധ്യമായിരുന്നു.ചുരുങ്ങിയ സമയം കൊണ്ട് ഒരുപിടി മികച്ച സിനിമകളുടെ ഭാഗമായ മുക്ത വിവാഹശേഷം അഭിയത്തിൽ നിന്നും ചെറിയൊരു ഇടവേള എടുത്തിരിക്കുകയായിരുന്നു.

ALSO READ: വിമർശനത്തിനുള്ള ഉത്തരം: നിങ്ങളുടെ ഭാര്യ ആയതിൽ ഭാഗ്യവതിയായി; വർഷങ്ങളായുള്ള യാത്ര; ശ്രീക്കുട്ടി പറയുന്നു!!

ആ ഇടവേളക്ക് ശേഷം മികവുറ്റ കഥാപാത്രം, ഒരുപക്ഷെ ഒരു കരിയർ ബ്രെയ്ക്ക് തന്നെ ആയിരുന്നു മുക്തയ്ക്ക് കൂടത്തായി പരമ്പര സമ്മാനിച്ചത്. മാത്രവുമല്ല സിനിമയിൽ ലഭിക്കാഞ്ഞ ശക്തമായ ഒരു കഥാപാത്രത്തെയാണ് മുക്ത അവതരിപ്പിച്ചത്. ഗിരീഷ് കോന്നിയുടെ സംവിധാനമികവിൽ, ഡോളി എന്ന കഥാപാത്രം ആയി കഴിഞ്ഞ ഒരു വര്ഷം മുക്ത ജീവിക്കുകയായിരുന്നു. എന്നാൽ പരമ്പര അവസാനിക്കാൻ പോകുന്നത്തിന്റെ സങ്കടത്തിൽ ആണിപ്പോൾ മുക്ത.

കഴിഞ്ഞദിവസം മുക്ത പങ്ക് വച്ച ഒരു വീഡിയോയിലൂടെയാണ് ഇതുവരെ പ്രേക്ഷകർ തന്ന നന്ദിക്കും സ്നേഹത്തിനും താരം നന്ദി പറയുന്നത്. കൂടത്തായി കണ്ട് ഒരുപാട് പേര്‍ മെസ്സേജ് അയച്ചിരുന്നു. എല്ലാവരോടും നന്ദി പറയാനായാണ് ഇപ്പോള്‍ ലൈവില്‍ വന്നത്. എല്ലാവര്‍ക്കും മറുപടി കൊടുക്കാന്‍ കഴിഞ്ഞിരുന്നില്ല, എങ്ങനെയാണ് നന്ദി പറയേണ്ടതെന്നറിയില്ല. പരമ്പരയിൽ ഒപ്പം അഭിനയിച്ചവർക്കും, ഡോളിയെ വിശ്വസത്തോടെ ഏൽപ്പിച്ചവർക്കും മുക്ത നന്ദി പറഞ്ഞു. ഒപ്പം കുടുംബം,ഏട്ടൻ, നാലു വയസ്സുകാരി മകൾ എല്ലാവര്ക്കും നിറകണ്ണുകളോടെയാണ് മുക്ത നന്ദി അറിയിച്ചത്.

ALSO READ: ഇത് എന്റെ രണ്ടാം വിവാഹമാണ്;

ഇനിയും ശക്തമായ കഥാപാത്രങ്ങളെ അവതരിപ്പിക്കാനുള്ള ഭാഗ്യം കിട്ടാൻ ദൈവത്തോട് പ്രാർത്ഥിക്കുകയാണ് എന്നും, ഇപ്പോൾ തന്ന പിന്തുണ അന്നും ഉണ്ടാകണം എന്നും മുക്ത ലൈവ് വീഡിയോയിലൂടെ പറയുന്നു.