പ്രായം എന്തിനാ കല്യാണം ആലോചിക്കാൻ ആണോ; വയസ്സ് ചോദിച്ചവർക്ക് ജിസ്മിയുടെ മറുപടി!

കാർത്തിക ദീപത്തിലെയും, മഞ്ഞിൽ വിരിഞ്ഞ പൂവ് പരമ്പരയുടെയും വിശേഷങ്ങൾ ആരാധാകരുമായി സംവദിക്കുന്നതിനിടയിൽ ജിസ്മി പറയുന്നുണ്ട്. എങ്ങിനെയാണ് രണ്ടുകഥാപാത്രങ്ങളും ഒരുമിച്ചു കൊണ്ടുപോകുന്നത് എന്ന ചോദ്യത്തിന് അത് എന്നെ സംബന്ധിച്ചിടത്തോളം ഒരു വലിയ ടാസ്ക്ക് തന്നെയാണ് പക്ഷെ ഞാൻ അത് ആസ്വദിക്കുന്നു എന്നാണ് ജിസ്മി പറയുന്നത്.

രണ്ടുപരമ്പരകളിൽ കൂടിയും നല്ല വരുമാനം കിട്ടുന്നുണ്ടാകുമല്ലോ എത്രയാണ് ശമ്പളം എന്ന ചോദ്യത്തിന് പെൺകുട്ടികളുടെ പ്രായവും ശമ്പളവും ചോദിയ്ക്കാൻ പാടില്ല എന്നാണ് ജിസ്മിയുടെ അഭിപ്രായം. സൗന്ദര്യത്തിന്റെ രഹസ്യവും, ഗ്ലാമറിന്റെ സീക്രട്ടും എന്താണ് എന്ന ചോദ്യത്തിന് അങ്ങിനെ ഒന്നും ഇല്ല മാനുഫാക്ച്ചറിങ് ഡിഫെക്റ്റ് എന്ന മറുപടിയും ജിസ്മി നൽകി.

നല്ലൊരു ഭാര്യ ആയിരിക്കുക. നല്ലൊരു അമ്മ ആവുക പിന്നെ നല്ലൊരു നടിയും എന്നാണ് എന്താണ് സ്വപ്നം എന്ന ആരാധകരുടെ ചോദ്യത്തിനായി ജിസ്മി മറുപടി നൽകിയത്. പഠിക്കാൻ മിടുക്കി ആയിരുന്നോ എന്ന ചോദ്യത്തിന്, അത്ര ഒന്നും ഇല്ല, ഡിഗ്രി വരെ തോക്കാതെ താൻ പഠിച്ചു. എംകോം കംപ്ലീറ്റ് ചെയ്യണം. അഭിനയത്തിലേക്ക് എത്തിയിരുന്നില്ലെങ്കിൽ ടീച്ചർ ആകാൻ ആയിരുന്നു താത്പര്യം എന്നും ജിസ്മി വ്യക്താമാക്കി.

പൊതുവെ താരങ്ങളുടെ പ്രായം അറിയാൻ ആരാധകർക്ക് ആകാംക്ഷ ഉണ്ടാകും. അതുതന്നെയാണ് ജിസ്മിയോടും പ്രേക്ഷകർ ചോദിച്ചത്. എത്രയാണ് ഇപ്പോൾ ഏജെന്ന ഒരാളുടെ ചോദ്യത്തിന് ആണ് എന്തിനാ കല്യാണം ആലോചിക്കാൻ ആണോ എന്ന് ചിരിച്ചുകൊണ്ട് ജിസ്മി മറുപടി നൽകിയത്.