പാടാത്ത പൈങ്കിളിയിലേക്ക് പുതിയ ദേവയുടെ സൂപ്പർ എൻട്രി! ഇത് സുഭാഷല്ലേയെന്ന് ആരാധകർ! ദേവയുടെ ശബ്ദം അതേ പോലെയുള്ളത് ആശ്വാസം

ഏഷ്യാനെറ്റില്‍ സംപ്രേഷണം ചെയതുവരുന്ന പാടാത്ത പൈങ്കിളിയിലേക്ക് പുതിയ നായകനെത്തിയിരിക്കുകയാണ്. ലക്ജിത് സൈനിക്ക് ശേഷമായി ആരായിരിക്കും പരമ്പരയിലേക്ക് എത്തുന്നതെന്ന തരത്തിലുള്ള ചര്‍ച്ചകള്‍ സോഷ്യല്‍മീഡിയയില്‍ സജീവമായിരുന്നു. പ്രേക്ഷകര്‍ക്ക് സുപരിചിതനായി മാറിയ താരം തന്നെയാണ് പാടാത്ത പൈങ്കിളിയിലേക്ക് എത്തിയിട്ടുള്ളത്. പുതിയ ദേവയുടെ വരവിനെക്കുറിച്ചുള്ള ചര്‍ച്ചകള്‍ ഫാന്‍സ് ഗ്രൂപ്പില്‍ സജീവമായി നടക്കുന്നുണ്ട്.

പരസ്പരമെന്ന പരമ്പരയില്‍ സുഭാഷായി തിളങ്ങിയ മനു മാര്‍ട്ടിനാണ് പുതിയ ദേവ. പേപ്പാറ ഗൗതമനെ അടിക്കുന്ന രംഗത്തിലായാണ് മനുവിനെ കാണിച്ചത്. അച്ഛനെതിരെ കൈയ്യോങ്ങാനും മാത്രം പേപ്പാറ ഗൗതമന്‍ വളര്‍ന്നോയെന്നായിരുന്നു ദേവയുടെ ചോദ്യം. എന്‍ട്രി എന്തായാലും സൂപ്പറായി, ഗൗതമന് കൊടുത്ത അടി സൂപ്പറാണെന്നായിരുന്നു കമന്റുകള്‍.
ലക്കി വന്നപ്പോഴും ഇത് ത്‌ന്നെയായിരുന്നു പറഞ്ഞത്. ഇതാണോ പുതിയ ദേവ, ദേവ വീണ്ടും മാറിയോ തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്. ദേവ മാറിയാലും ശബ്ദം മാറാത്തതില്‍ സന്തോഷമുണ്ട്. പുതിയ ദേവയായി സൂരജ് തന്നെ വരുമെന്നായിരുന്നു പ്രതീക്ഷിച്ചത്, ആരൊക്കെ വന്നാലും ദേവയെന്ന് പറഞ്ഞാല്‍ സൂരജ് തന്നെയാണ് മനസില്‍ എന്നും ആരാധകര്‍ കുറിച്ചിരുന്നു. ഭരതും എന്തോ ചികിത്സയ്ക്ക് പോയതായി പറയുന്നുണ്ട്. ഇനി ആള് മാറിയായിരിക്കുമോ വരുന്നതെന്നുമായിരുന്നു ആരാധകരുടെ ചോദ്യങ്ങള്‍.
ഒരു സീരിയൽ വിജയിക്കുന്നതിൽ ഏറ്റവും പ്രധാനം ഇഷ്ടപെട്ട നായകൻ /നായിക , കഥാപാത്രങ്ങൾ മാറുമ്പോൾ ആണ് പിന്നീട് കാണാൻ പോലും തോന്നില്ല അമ്മ അറിയാതെ അമ്പാടി പോയി റേറ്റിങ് കുറഞ്ഞു കൊണ്ടു വന്നു വീണ്ടും റേറ്റിങ് കൂടി. ഈ സീരിയൽ ഇത്രയും പരാജയപെട്ടു പോകാൻ കാരണവും ഇതു തന്നെ എന്നായിരുന്നു ഒരാൾ കമന്റ് ചെയ്തത്. സൂരജ് ഏട്ടൻ ആയിരുന്നു ദേവ ആയിട്ട് ഏറ്റവും സൂപ്പർ അഭിനയം. ലക്കി യുടെ എൻട്രിയും വലിയ കുഴപ്പമില്ലായിരുന്നു ലുക്കിലും സൂരജ് ഏട്ടന്റെ സാമ്യമുണ്ടായിരുന്നു. മൂന്നാമത്തെ ആൾക്ക് സൗണ്ട് മാത്രമാണ് ദേവ് യുടേത്. ഇത് പരസ്പര ത്തിലെ സുഭാഷ്ആയി അഭിനയിച്ച ആളല്ലേ. ഇനി ഈ ദേവയെയും മാറ്റുമോ. ഒരുതവണ മാറിവരുമ്പോഴും ആ ദേവയെ ആസപ്റ്റ് ചെയ്ത് വരുമ്പോഴേക്കും പുതിയ ആളെ മാറ്റുന്നത് ഒരുബോറൻ ഏർപ്പാട് ആണ്. സൂരജ് ഏട്ടനെ തന്നെ വിളിക്കാരുന്നു. എങ്കിൽ അടിപൊളി ആയേനെ എന്ന കമന്റും വീഡിയോയ്ക്ക് താഴെയുണ്ട്.