ALSO READ: ആദ്യം ചാറ്റിങ് തുടങ്ങി; പിന്നെ കോളായി; ഭർത്താവിനെ ചേട്ടാ എന്ന് വിളിക്കുന്നത് ഇഷ്ടമല്ല; വന്ദന വിവാഹിതയായി!
ഭർത്താവിന്റെ വിവാഹത്തിന് സാക്ഷിയായി ഭാര്യ..!
കണ്ണൂർ മട്ടന്നൂർ നിന്ന് ഭർത്താവിനൊപ്പം എത്തിയ യുവതി ഭർത്താവിന്റെ വിവാഹത്തിന് സാക്ഷിയായി..! തുടർന്ന് സംഭവിക്കാനിടയുള്ള സങ്കർഷങ്ങളും പ്രശ്നങ്ങളുമായിരിക്കും ഇപ്പോൾ നിങ്ങളുടെ മനസ്സിൽ. പക്ഷെ വിവാഹത്തിന് സാക്ഷിയായ ഭാര്യ വലിയ സന്തോഷത്തിലായെന്നു മാത്രമല്ല അവർക്കൊപ്പം നിന്ന് സെൽഫിയെടുത്തത് വാട്ട്സാപ്പ് സ്റ്റാറ്റസുമാക്കി. കേട്ടിട്ട് ഒന്നും അങ്ങോട്ട് ദഹിക്കുന്നില്ലെങ്കിൽ പുകമറ മാറ്റി നേരെ സംഭവത്തിലേയ്ക്ക് വരാം.
ആള് ഹാപ്പി!
'നാമം ജപിക്കുന്ന വീട്ടി'ലെ നന്ദനയുടേയും ശരത്തിന്റെയും വിവാഹമാണ് മേൽപ്പറഞ്ഞ സീൻ. ശരത്തിനെ അവതരിപ്പിക്കുന്ന സുർജിത്തിനൊപ്പം തിരുവനന്തപുരത്ത് ഷൂട്ട് കാണാനെത്തിയതാണ് ഭാര്യ ഷിജിന. എത്തിയപ്പോൾ ഭർത്താവിന്റെ വിവാഹമാണ് എടുക്കുന്ന സീനെന്ന് മനസ്സിലായി. ആള് ഹാപ്പിയായി.
ദീപയുമായി സൗഹൃദമായി!
നന്ദനയെ അവതരിപ്പിക്കുന്ന ദീപയുമായി സൗഹൃദമായി. വിവാഹ ഷൂട്ടിലായതിനാൽ എല്ലാപേരും തിരക്കിലായിരുന്നു. എങ്കിലും ക്യാമറയ്ക്ക് മുന്നിലും പിന്നിലുമുള്ള ആ വലിയ കുടുംബത്തെ പരിചയപ്പെട്ടു. സുർജിത്ത് ക്യാമറയ്ക്ക് മുന്നിൽ അഭിനയിക്കുന്നതിന് സാക്ഷിയായി. പിന്നെ ഷൂട്ട് അത്ര എളുപ്പപണിയല്ലെന്ന് ബോധ്യമായി.
രസകരമായ സംഭവം!
രസകരമായ സംഭവം താലികെട്ട് വിവിധ ആംഗിളുകളിൽ എടുക്കുന്നതിനാൽ പലതവണ താലികെട്ട് കാണാനായി. ഷൂട്ടിംഗ് കാണുന്നതിന്റെ കൗതുകത്തിനപ്പുറം അതിന് പിന്നിലെ പ്രയത്നം ശരിക്കും ബോധ്യപ്പെടാൻ ഷിജിനയ്ക്ക് ഈ യാത്ര ഉപകാരപ്പെട്ടു. വിവാഹഷൂട്ടിന് പൂർണ്ണമായും പങ്കെടുത്തു എന്നു മാത്രമല്ല വിവാഹകൂട്ടത്തിൽ സാന്നിദ്ധ്യമായും ഷിജിന ഉണ്ടായിരുന്നു.
ദീപയുടെ പ്രേമ!
മലയാള സീരിയൽ ലോകത്തെ എക്കാലത്തെയും സൂപ്പർഹിറ്റ് പരമ്പരയായ സ്ത്രീധനത്തിലെ പ്രേമയെ അറിയാത്ത മിനി സ്ക്രീൻ പ്രേക്ഷകർ കുറവാണ്. പാലാട്ട് സേതുലക്ഷ്മിയുടെ ഏകമകൾ, അഹങ്കാരവും കുശുമ്പും തലക്ക് പിടിച്ച അമ്മയുടെ തനി പിറവി തന്നെ ആയിരുന്നു പ്രേമ. പ്രേമയക്ക് ജീവൻ പകർന്നു ടെലിവിഷനിൽ നിറഞ്ഞുനിന്ന താരമാണ്
ദീപ നൽകിയത്!
ദീപ ജയൻ. മലയാളത്തിൽ ഒരുപിടി നല്ല സീരിയലുകകളിൽ പ്രേക്ഷകർ ഇന്നും മറക്കാത്ത കഥാപാത്രങ്ങളെയാണ് ദീപ ആരാധകർക്ക് നൽകിയിട്ടുള്ളത്. അതുകൊണ്ട് തന്നെയാകാം മലയാളത്തിൽ നിന്നും അന്യഭാഷാ സീരിയലുകളിൽ ചേക്കേറിയിട്ടും വീണ്ടും മലയാത്തിലേക്ക് മടങ്ങിയെത്തിയപ്പോൾ ഇത്രയും പ്രീതി ലഭിക്കുന്നതും.
സോഷ്യൽ മീഡിയയിൽ സജീവം!
സോഷ്യൽ മീഡിയയിൽ സജീവം ആയ ദീപ കുറച്ചു നാൾ മുൻപ് പങ്കിട്ട പോസ്റ്റ് വൈറൽ ആയിരുന്നു. 'ഞാൻ എന്റെ അഭിനയ ജീവിതത്തിൽ ഏറ്റവും മാതൃക ആക്കിയിട്ടുള്ള ആളാണ് ശോഭന മാഡം (നടി ശോഭന) . കാലങ്ങളോളം മാഡത്തിന്റെ അസിസ്റ്റന്റ് ആയിരുന്ന, മണിച്ചിത്ര താഴ് സിനിമയിൽ ഒരു ചെറിയ വേഷത്തിലും പ്രത്യക്ഷപ്പെട്ട ആ കലാകാരി ആണിതെന്ന് വിശ്വസിക്കാൻ പ്രയാസപ്പെട്ടു'എന്ന് പറഞ്ഞു തുടങ്ങിയ പോസ്റ്റാണ് ഏറെ ശ്രദ്ധിക്കപ്പെട്ടത്.
അറിയാതെ കരഞ്ഞു പോയി!
ഞാൻ... അറിയാതെ കരഞ്ഞു പോയി .സിനിമാ ലോകത്തെ ഒരുപാട് താരങ്ങളെ അണിയിച്ചൊരുക്കിയ ആ കൈകൾ എന്നെയും തൊട്ടല്ലോ എന്നോർത്ത്. അങ്ങനെ ഒരു ഭാഗ്യം എനിക്കും കിട്ടിയല്ലോ ഇതിനാവും ഈശ്വരൻ ഒരു ദിവസത്തെ ഷൂട്ട് ബാക്കി വച്ചത്" എന്നും ദീപ പോസ്റ്റിലൂടെ പറഞ്ഞിരുന്നു..