'ഇനിയൊരിക്കലും ഇങ്ങനൊരു കുടുംബത്തെയോ ടീമിനെയോ കിട്ടില്ലെന്ന് ഉറപ്പാണ്'

പ്രേക്ഷകരുടെ പ്രിയ പരമ്പര നീലക്കുയിൽ കഴിഞ്ഞ ദിവസമാണ് അവസാനിച്ചത്. ഒട്ടും പ്രതീക്ഷിക്കാത്ത ഒരു ട്വിസ്റ്റയിരുന്നു ക്ളൈമാക്സിൽ നടന്നത്. ഡോക്ടറായി മാറിയ കസ്തൂരിയും, കസ്തൂരിയെ ശരത്തിന്റെ മകളായി അംഗീകരിച്ച രാധാമണിയും എല്ലാവരും കൂടി നീലക്കുയിലിന്റെ ക്ളൈമാക്സ് കളറാക്കി മാറ്റി. ഇപ്പോൾ കസ്തൂരിയായി എത്തുന്ന സ്‌നിഷ പങ്കു വച്ച ഒരു പോസ്റ്റാണ് വൈറൽ

"ഇതാണെന്റെ രണ്ടാമത്തെ കുടുംബം എന്നു പറഞ്ഞുകൊണ്ടാണ് താരം പോസ്റ്റ് ആരംഭിക്കുന്നത്. "എന്റെ നീലക്കുയിൽ കുടുംബം. എന്റെ എല്ലാ പൊട്ടത്തരങ്ങളും കേട്ടും കണ്ടും, ഞാൻ പറയുന്ന ഓരോ അളിഞ്ഞ തമാശകൾ കേട്ട് ചിരിച്ചും, എന്നെ ഒരു കൊച്ചു കുട്ടിയെ പോലെ കെയർ ചെയ്തും സ്നേഹിച്ചും കൊണ്ട് നടന്ന എന്റെ പ്രിയപെട്ടവരാണിവർ"

ALSO READ: 'നീലക്കുയിലി'ലെ തൊട്ടാവാടി പെണ്ണ്, 'കസ്തൂരി' ആള് പുലിയാണ്!
" ഇനി ഒരിക്കലും ഇങ്ങനൊരു കുടുംബത്തെയോ ഇങ്ങനൊരു ടീമിനെയോ എന്റെ ലൈഫിൽ കിട്ടില്ല എന്നെനിക്ക് ഉറപ്പാണ്.. എന്റെ ലൈഫിൽ ഇവർക്ക് പകരം വെക്കാൻ മറ്റൊന്നിനും ആകില്ല.. അത്രയ്ക്ക് ഇഷ്ടമാണ് നിങ്ങളെ എല്ലാവരെയും. ഇതുവരെ എനിക്ക് നിങ്ങൾ തന്നുകൊണ്ടിരുന്ന സ്നേഹവും സപ്പോർട്ടും ഇനി അങ്ങോട്ടു തുടർന്നും ഉണ്ടാകണം" എന്ന് പറഞ്ഞുകൊണ്ടാണ് പോസ്റ്റ് അവസാനിപ്പിക്കുന്നത്.