കുടുംബവിളക്കിലെ പുതിയ അതിഥി, സമ്പത്തായെത്തുന്നത് ഇദ്ദേഹം, വിശേഷങ്ങള്‍ പങ്കുവെച്ച് ഫവാസ്!

ഏഷ്യാനെറ്റില്‍ സംപ്രേഷണം ചെയ്തുവരുന്ന പരമ്പരകളിലൊന്നാണ് കുടുംബവിളക്ക്. മീര വസുദേവ് നായികയായെത്തിയ സീരിയല്‍ ചുരുങ്ങിയ കാലം കൊണ്ട് തന്നെ മികച്ച സ്വീകാര്യത സ്വന്തമാക്കിയിരുന്നു. പരമ്പരയിലെ അപ്രതീക്ഷിത സംഭവങ്ങളെക്കുറിച്ച് പറഞ്ഞ് ആരാധകര്‍ ഇടയ്ക്ക് എത്താറുണ്ട്. അടുത്തിടെയായിരുന്നു പരമ്പരയിലേക്ക് സമ്പത്ത് എന്ന കഥാപാത്രമെത്തിയത്. ഫവാസാണ് ഈ കഥാപാത്രത്തെ അവതരിപ്പിക്കുന്നത്. റെയിന്‍ബോ മീഡിയയ്ക്ക് നല്‍കിയ അഭിമുഖത്തിനിടയിലായിരുന്നു താരം പുതിയ കഥാപാത്രത്തെക്കുറിച്ച് പറഞ്ഞത്.

ALSO READ: രേഖ രതീഷിനൊപ്പം മൃദുല വിജയ്, അമ്മുവിന്റെ വിശേഷങ്ങള്‍ ചോദിച്ച് താരം, തനിക്ക് മൂന്ന് പേരുണ്ടെന്ന് മൃദുല!

ചെറുപ്രായത്തില്‍ തന്നെ അഭിനേതാവകണം എന്നാഗ്രഹിച്ചിരുന്നു. നീ പോലീസാവാന്‍ പോവണമെന്നായിരുന്നു എല്ലാവരും പറഞ്ഞത്. പത്താം ക്ലാസ് പരീക്ഷയില്‍ കണക്കില്‍ പരാജയപ്പെട്ടിരുന്നു. പിന്നീട് സേ എഴുതി ജയിക്കുകയായിരുന്നു. എന്തിലേക്ക് പോവണമെന്നുള്ളത് അന്നേ മനസ്സിലാക്കിയിരുന്നു. എന്റെ പാഷന്‍ അഭിനയമായിരുന്നു.

അതിലേക്ക് എത്താനുള്ള ശ്രമമായിരുന്നു പിന്നീട് നടത്തിയത്. മോഡലിംഗ് ചെയ്ത് തുടങ്ങി. കോഴിക്കോടുനിന്നും കൊച്ചിയിലേക്ക് പോയി. പിതാവാണ് തനിക്ക് സ്വാതന്ത്ര്യം തന്നത്. ശരിയാവുമോ ഇല്ലയോ എന്നറിയാത്ത പ്രൊഫഷനിലേക്ക് പോവുകയായിരുന്നിട്ട് കൂടി വാപ്പ പിന്തുണയ്ക്കുകയായിരുന്നു. 40 ലധികം ഓഡീഷന്‍സിലൊക്കെ പങ്കെടുത്തിട്ടുണ്ട്. ഇടയ്ക്ക് ജൂനിയര്‍ ആര്‍ടിസ്റ്റായി പ്രവര്‍ത്തിച്ചിരുന്നു.

ALSO READ: 'അന്നും ഇന്നും ഒരേ സ്വഭാവം,അതുതന്നെ ആണ് ജോജുചേട്ടന്റെ പ്രത്യേകതയും' ആശംസയുമായി സാധിക!

ദീപന്‍ മുരളി എന്റെ അടുത്ത സുഹൃത്താണ്. തമിഴ് സീരിയലിലേക്കുള്ള അവസരത്തെക്കുറിച്ച് പറഞ്ഞത് അവനായിരുന്നു. ശക്തിയെന്ന സീരിയലിലെ ജീവയെന്ന കഥാപാത്രത്തെ അവതരിപ്പിച്ചത് അങ്ങനെയായിരുന്നു. തമിഴായത് കൊണ്ട് കുറച്ച് ബുദ്ധിമുട്ടുകളുണ്ടായിരുന്നു. ഇതിന് ശേഷം 7 സീരിയലുകള്‍ ചെയ്തു.

ഭാഗ്യജാതകത്തിലൂടെയാണ് മലയാളത്തില്‍ എത്തിയത്. ഇപ്പോ രണ്ടാമത്തെ മലയാള പരമ്പര ചെയ്യുകയാണ് താനെന്നും ഫവാസ് പറയുന്നു. പൊതുവെ വില്ലന്‍ കഥാപാത്രങ്ങളാണ് കൂടുതലും തേടി വന്നിട്ടുള്ളത്. മുന്‍പ് എന്നെ പുച്ഛിച്ചവരൊക്കെ ഇപ്പോള്‍ അഭിനന്ദനങ്ങള്‍ പറയുന്നുണ്ട്. വിവാഹം കഴിഞ്ഞോയെന്ന് കുറേ പേര്‍ ചോദിച്ചിരുന്നു. വിവാഹിതനല്ല. വണ്‍ഡേ എന്നൊരു സിനിമ ചെയ്തിട്ടുണ്ടെന്നും ഫവാസ് പറയുന്നു.