'രാക്കുയിലി'ൽ അതേ ജോടികൾ വീണ്ടും ഒന്നിച്ചു; പുതിയ പരമ്പരയുടെ വിശേഷം!

പുതിയ പരമ്പര എത്തിയതിന്റെ സന്തോഷത്തിൽ ആണ് മിനി സ്‌ക്രീൻ പ്രേക്ഷകർ. തങ്ങളുടെ പ്രിയപ്പെട്ട താരങ്ങൾ ആണ് രാക്കുയിൽ പരമ്പരയിലൂടെ എത്തുന്നത്. പുത്തേഴത്ത് ഭാസ്ക്കരൻനായരുടെ കുടുംബംആണ് പ്രേഷകരിലേക്ക് കഴിഞ്ഞദിവസം മുതൽ എത്തിയത്.

ഭാസ്ക്കരൻനായരായി മുകുന്ദനും സൈരന്ധ്രിയായി ഉമാനായരും ജയകൃഷ്ണനായി ചെന്നൈയിൽ നിന്നുള്ള സിനിമാ - സീരിയൽ താരം ഹേമന്ത് കുമാറുമാണ് അഭിനയിക്കുന്നത്.

ALSO READ: പ്രണയ സാഫല്യം; വക്കീൽകുട്ടി ഇനി ഗായകന് സ്വന്തം; ലിബിൻ സഖറിയ വിവാഹിതനാകുന്നു !
പല കോമ്പിനേഷനുകളും വിജയിക്കുന്നത് അവർ നല്ല അഭിനേതാക്കളാകുമ്പോഴോ അവർക്കിടയിലെ രസതന്ത്രം വിജയിക്കുമ്പോഴോ മാത്രമല്ല ആ ജോടികൾക്കൊരു ഭാഗ്യം കൂടി ഉണ്ടാകുമ്പോഴാണ്. ആ വിധത്തിൽ ഭാഗ്യമുള്ള, പ്രേക്ഷകർക്ക് ഏറെ ഇഷ്ടമായൊരു ജോടികളാണ് മുകുന്ദൻ - ഉമാനായർ. 450 എപ്പിസോഡുകൾ പ്രക്ഷേപണം ചെയ്ത മഴവിൽ മനോരമയിലെ ജോയ്സി പരമ്പര 'ഭ്രമണ'ത്തിൽ ഇവർ ഹരിലാലും ബിന്ദുജയുമായിരുന്നു.

'രാക്കുയിലി'ൽ അതേ ജോടികൾ വീണ്ടും ഒന്നിച്ചിരിക്കുകയാണ്. റിയൽ സ്റ്റുഡിയോയുടെ ബാനറിൽ ബിജുപ്രവി നിർമ്മിക്കുന്ന 'രാക്കുയിൽ' ഇതേ പേരിൽ മനോരമ ആഴ്ചപ്പതിപ്പിൽ രണ്ടരവർഷത്തോളം പ്രസിദ്ധപ്പെടുത്തിയ മുരളി നെല്ലനാടിന്റെ നോവലിന്റെ സീരിയൽ രൂപാന്തരമാണ്. സീരിയലിന്റെ തിരക്കഥയും അദ്ദേഹത്തിന്റെതു തന്നെയാണ്. മനുസുധാകരനാണ് സംവിധാനം.
ALSO READ: ഏതു ഭാര്യയോടാണ് കൂടുതൽ ഇഷ്ടം; ഭാര്യമാർക്കൊപ്പം മറുപടിയുമായി ബഷീർ ബഷി!
പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന 'രാക്കുയിൽ' നവംബർ 9 ന് ആണ് സംപ്രേക്ഷണം ആരംഭിച്ചത്. തിങ്കൾ മുതൽ വെള്ളി വരെ രാത്രി 8.30 ന് മഴവിൽ മനോരമയിൽ ആണ് സംപ്രേക്ഷണം.