പ്ലസ് ടു ക്‌ളാസ്സുമായി കരിക്ക്; പരിഭവുമായി പ്രേക്ഷകർ

നര്‍മ്മം കലര്‍ന്ന മിനി വെബ് സീരീസുകളിലൂടെ യൂട്യൂബിൽ ട്രെൻഡായി മാറിയ ടീമാണ് കരിക്ക് . ഇവരുടെ ഓരോ വീഡിയോയ്ക്കും മികച്ച പ്രതികരണമാണ് ആരാധകർ നൽകുന്നത്. കരിക്കിന്റെ തേരാപാര സീരീസാണ് ഏറെ ശ്രദ്ധിക്കപ്പെട്ടത്. പിന്നെ ഈ അടുത്തിടെ ഇറങ്ങിയ ബാബു നമ്പൂതിരി. നമ്പൂതിരിയുടെ ഓളം ഇതുവരെയും കെട്ടടിങ്ങിയിട്ടില്ല . ഇതിനു പിറകേയാണ് ഇപ്പോൾ പുതിയ മിനി സീരീസുമായി ഞങ്ങൾ എത്തുന്നുണ്ടെന്ന് കരിക്ക് ടീം അറിയിച്ചിരിക്കുന്നത്.

പ്ലസ് ടു ഫ്രീപിരീഡിന്‌ ശേഷമാണ് ഇപ്പോൾ വീണ്ടും പ്ലസ് ടു ക്‌ളാസ്സുമായി അവർ എത്തുന്നത്. ഒരു സ്കൂളിലെ പ്ലസ് ടു ഫ്രീ പിരീഡ് ക്ലാസിലെ രസകരമായ സംഭവങ്ങളായിരുന്നു പ്ലസ് ടു ഫ്രീ പിരീഡിൽ ആവിഷ്കരിച്ചത്‌. ഇതിനുപിന്നാലെയാണ് കിടുക്കാച്ചി ഐറ്റവുമായ് വീണ്ടും കരിക്ക് ടീം ആരാധകരെ ചിരിമഴ നനയ്ക്കാൻ എത്തുന്നത്

ഞങ്ങൾ നിങ്ങളുടെ മാജിക്കിനായി കാത്തിരിക്കുന്നു;മരണ വെയ്റ്റിങ്; കട്ട വെയ്റ്റിങ് തുടങ്ങി ഒട്ടനവധി കമന്റുകളാണ് പോസ്റ്ററിന് ലഭിക്കുന്നത്. പോരാത്തതിന് കുറെ കമിങ് സൂൺ ആയല്ലോ..പക്ഷെ ഒന്നും വരുന്നില്ല; ഞങ്ങൾ കട്ട വെയ്‌റ്റിങ്ങാണ് ഒന്ന് വേഗം കൊണ്ട് വരൂ; നോട്ടിഫിക്കേഷൻ ഇനിയെങ്ങാനും വന്നില്ലെന്ന് കരുതി ഇടക്ക് ചാനൽ ചെക്ക് ചെയ്ത് മടുത്തു, തുടങ്ങിയ പരാതികളും കരിക്കിന്റെ ആരാധകർ പങ്ക് വയ്ക്കുന്നുണ്ട്