പാടാത്ത പൈങ്കിളി താരനിരയില്‍ ചില മാറ്റങ്ങള്‍! വില്ലത്തിയായി അര്‍ച്ചന സുശീലനെത്തി! പ്രേംപ്രകാശിന് പകരമായി ദിനേശ് പണിക്കര്‍

അടുത്തിടെയായിരുന്നു പാടാത്ത പൈങ്കിളി എന്ന പരമ്പര എത്തിയത്. ഏഷ്യാനെറ്റില്‍ സംപ്രേഷണം ചെയ്തുവരുന്ന പരമ്പരയ്ക്ക് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. വാനമ്പാടി ക്ലൈമാക്‌സ് കടന്നതിന് പിന്നാലെയായാണ് പാടാത്ത പൈങ്കിളി എത്തിയത്. പ്രേക്ഷകര്‍ക്ക് സുപരിചിതരായി മാറിയ താരങ്ങളായിരുന്നു ഈ പരമ്പരയ്ക്കായി അണിനിരന്നത്. കണ്‍മണിയുടെ ജീവിതത്തിലെ അപ്രതീക്ഷിത സംഭവവികാസങ്ങളുമായാണ് പരമ്പര മുന്നേറുന്നത്.

Also Read: ഇന്ത്യൻ സിനി ഫിലിം ഫെസ്റ്റിവലിൽ 'കാന്തി' മികച്ച ചിത്രം

ദിനേഷ് പള്ളത്തിന്റെ തിരക്കഥയില്‍ സുധീഷ് ശങ്കറാണ് പാടാത്ത പൈങ്കിളി സംവിധാനം ചെയ്യുന്നത്. മനീഷയാണ് സീരിയലിലെ പ്രധാന കഥാപാത്രമായ കണ്‍മണിയെ അവതരിപ്പിക്കുന്നത്. ടിക് ടോകിലൂടെ പ്രേക്ഷകര്‍ക്ക് പരിചിതനായി മാറിയ സൂരജാണ് ദേവ എന്ന കഥാപാത്രത്തെ അവതരിപ്പിക്കുന്നത്. അനു മോള്‍, പ്രേംപ്രകാശ്, അര്‍ച്ചന സുശീലന്‍, പ്രീത, അഞ്ജിത, അംബിക തുടങ്ങി വന്‍താരനിരയാണ് സീരിയലിനായി അണിനിരക്കുന്നത്.

Also Read: അടിയന്തരാവസ്ഥ കാലത്തെ കഥ; 'കൊല്ലവർ‍ഷം 1975' ടീസ‍ര്‍

തന്നെ സ്വീകരിക്കുകയും പിന്തുണയ്ക്കുകയും ചെയ്തവര്‍ക്ക് നന്ദി അറിയിച്ച് സൂരജ് എത്തിയിരുന്നു. ലൈവ് വീഡിയോയിലൂടെയായിരുന്നു താരം വിശേഷങ്ങള്‍ പങ്കുവെച്ചത്. തന്നെ അമ്പരപ്പിക്കുന്ന തരത്തിലായിരുന്നു നിങ്ങളുടെ പ്രതികരണമെന്നും പറഞ്ഞാല്‍ തീരാത്തത്ര നന്ദിയുണ്ടെന്നും സൂരജ് പറഞ്ഞിരുന്നു. പരമ്പരയിലെ താരങ്ങളില്‍ ചില മാറ്റങ്ങളുണ്ടെന്ന് വ്യക്തമാക്കിയായിരുന്നു അണിയറ പ്രവര്‍ത്തകർ എത്തിയത്. പ്രീതയ്ക്ക് പകരമായി അര്‍ച്ചന സൂശീലനാണ് എത്തിയത്. പ്രേം പ്രകാശിന് പകരമായാണ് ദിനേഷ് പണിക്കരെത്തിയത്.