ലക്ഷ്യത്തിലേക്കുള്ള യാത്ര തുടങ്ങുന്നു; പാടാത്ത പൈങ്കിളി താരം ദേവയുടെ വാക്കുകൾ!

സുധീഷ് ശങ്കർ സംവിധാനമികവിൽ ആരാധകർ ഏറ്റെടുത്ത പരമ്പരയാണ് പാടാത്ത പൈങ്കിളി. എക്കാലവും സൂപ്പർഹിറ്റ് പരമ്പരകൾ മാത്രം സമ്മാനിച്ച സുധീഷ് ഇത്തവണയും വേറിട്ട കഥയാണ് പ്രേക്ഷകർക്ക് മുൻപിൽ എത്തിച്ചത്. പുതിയ കഥ മാത്രം അല്ല പുതുമുഖ താരങ്ങളെയും പ്രേക്ഷകരുടെ മുൻപിലേക്ക് സുധീഷ് എത്തിക്കുന്നുണ്ട്. അത്തരത്തിൽ പാടാത്തപങ്കിളിയിലെ അഭിനയത്തിലൂടെ പ്രേക്ഷകരുടെ ഹൃദയം കവർന്നെടുത്ത പുതുമുഖ താരമാണ് സൂരജ്. കഥയിലെ നായകനായ ദേവ ആയി എത്തുന്നത് സൂരജ് ആണ്.
ALSO READ: ഒന്നോർത്തോ; എന്റെയൊക്കെ ഔദാര്യത്തിലെ ജീവിതമാണ് നീയൊക്കെ അനുഭവിക്കുന്നത്;
സീനിയർ താരം നടി അംബിക മോഹൻ വഴിയാണ് തന്റെ സീരിയലിലേക്കുള്ള വഴി തുറന്നുകിട്ടുന്നതെന്ന് മുൻപ് സൂരജ് വ്യക്തമാക്കിയിട്ടുണ്ട്. പരമ്പരയിൽ സൂരജിന്റെ അമ്മ വേഷം കൈകാര്യം ചെയ്യുന്നതും അംബിക ആണ്. ടിക്ടോക്കിലും യൂട്യൂബ് ചാനലിലൂടെയും ഏറെ ഫോളോവേഴ്സ് ഉള്ള സൂരജ് അഭിനയമേഖലയിൽ എത്തും മുൻപേ സ്റ്റാർ ആണ്. മോട്ടിവേഷണല്‍ വീഡിയോകളിലൂടെയാണ് യൂ ട്യൂബിൽ സ്റ്റാർ ആകുന്നത്. ഇപ്പോൾ സൂരജ് പങ്കിട്ട ഒരു കുറിപ്പാണു ആരാധകർ ഏറ്റെടുത്തിരിക്കുന്നത്.
ALSO READ: 'സന്തോഷവും സങ്കടങ്ങളും അനുഭവിച്ചപ്പോൾ ചേർത്തുപിടിച്ചു നാട്' അശ്വതി ശ്രീകാന്ത്!
ഞാൻ ആഗ്രഹിച്ച ലോകത്ത് ഇപ്പോൾ നിൽക്കുമ്പോൾ.... ആ സന്തോഷം അറിയിക്കാൻ കഴിയില്ല...എന്റെ ജീവിതത്തിൽ ഇത്ര സ്വപ്നം കണ്ട ലോകം മറ്റൊന്ന് ഇല്ല... ഞാൻ ആസ്വദിക്കുന്നു... ലക്ഷ്യത്തിലേക്കുള്ള യാത്ര തുടങ്ങുന്നു. എന്ന ക്യാപ്‌ഷൻ നൽകിക്കൊണ്ടാണ് സൂരജ് ഇൻസ്റ്റയിലൂടെ പുതിയ ചിത്രവും പങ്ക് വച്ചത്. നിറഞ്ഞ സ്വീകാര്യതയാണ് സൂരജിന്റെ മിക്ക സോഷ്യൽ മീഡിയ ഇടപെടലുകൾക്കും ലഭിക്കുന്നതും.